Tadqiqot ishining maqsadi: Maktabgacha ta’lim muassasasining tayyorlov guruhi bolalariga matematika mashg’ulotlarida fazo haqidagi tushunchalarni shakllantirish jarayonini o’rganish.
Tadqiqot ishining vazifalari:
Tarbiyachining jamiyatda tutgan o’rni kasbiga qaratilgan va bo’lajak tarbiyachilarni tayyorlashga yo’naltirilgan qonun, Prezident farmonlari va me’yoriy hujjatlarni o’rganish.
Tarbiyachining turli fanlarga qiziqishi va bolalarga munosabatlarini o’rganish yuzasidan xulosalar ishlab chiqish.
Matematika mashg’ulotlariga qo’yiladigan talablarni o’rganish.
Maktabgacha yoshdagi bolalarda fazo haqida tushunchalarni shakllantirishni ta’minlaydigan vositalar ishlab chqish va tajribada tekshirish.
O’yin orqali matematik tasavvurlarni shakllantirishni asoslash.
Tadqiqotning obyekti: MTM tayyorlov guruh bolalarini fazo bo’yicha mo’ljal olishga o’rgatish jarayoni.
Tadqiqotning predmeti: Tayyorlov gurux bolalarini fazo bo’yicha mo’ljal olishga o’rgatishning mazmuni.
Tadqiqotning metodlari:
Tadqiqot mavzusi va muammolari yuzasidan pedagogik-psixologik va metodik adabiyotlarni o’rganish.
Kuzatish metodi.
Eksperiment-tajriba sinov metodi
Statistika ma’lumotlarini tahlil qilish metodi.
Tadqiqotning metodoligik asosi: O’zbekiston Respublikasi Prezidenti I.A.Karimovning asarlari, Barkamol avlodni shakllantirishga qaratilgan va jamiyatda tarbiyachi maqomini yuksaltirishga yo’naltirilgan O’zbekiston Respublikasi “Talim to’g’risida”gi va “Kadrlar tayyorlash milliy dasturi” to’g’risidagi qonunlar, maktabgacha ta’lim muassasalari faoliyatini takomillashtirishga qaratilgan me’yoriy xujjatlar, mavzuga tegishli ilmiy-pedagogik asarlar, Olimlarning matematik tasavvurlarni shakllantirishga oid ta’limotlari mazkur tadqiqot ishining metodologik asosi hisoblanadi.
Dostları ilə paylaş: | 
