Epizootologiyası: Trixinellyoz təbii ocaqlı xəstəlik olub dünyanın hər yerində yayılıbdır. Onun təbiətdə daşıyıcıları əsasən ev və vəhşi donuzlar,pişiklər,gəmiricilər,vəhşi yırtıcılar və s. canlılardır. Trixinellyozla yoluxma bütün təbii iqlim zonalarında, ən çox isə dağlıq ərazilərdə yaşayan heyvanlarda rast gəlinir. Vəhşi yırtıcılar ən çox qış aylarında ov qalıqlarını yeyərkən yoluxurlar. Ət və piyindən dərman kimi istifadə edilən ayı və porsuq insanların trixinellyozla yoluxması üçün daha təhlükəlidir. Yxşı quvrulmamış və ya qaynadılmamış trixinellalı donuz ətini yemiş insanların bağırsaqlarında həmin qurdlar inkişaf edir və sürfə tökməyə başlayırlar. Belə sürfələr insanın qanı ilə əzələyə keçir, çox qorxulu xəstəlik əmələ gətirirlər. Parazir diafraqma , qarın, dil, udlaq və qasıqarası, qasıqətrafı əzələlərdə, xayalarda lokalizasiya edirlər.
