birinci: -orqanizm daxilində və ya orqanizmə toxunmadan parazitlik mümkün deyil.
ikinci: - parazit sahibinin ifraz etdiyi şirəni, toxumları yeyərək qidalanır;
üçüncü: - parazit öz sahibinə patogen təsir edir.
Göstərilən bu əlamətlər təkamül prosesi nəticəsində inkişaf edərək xarici mühitin təsiri altında formalaşmışdır.
Aydındır ki, simbiozla parazitlik arasında kəskin hüdud qoymaq olmaz. Belə ki, bir formanın digərinə keçməsi çox müşahidə olunur. Məsələn, taxtabitinin yırtıcı qan soran növü ilə yanaşı həşəratla qidalanan sərbəst növü də məlumdur. Yataq taxtabitisi yalnız insan, ev quşu və digər heyvanların qanını sormaqla yaşayır.
Parazitizmin daha bir növü, hiperparazitizm (çox yüksək parazitlik) növü də məlumdur. Bu zaman bir parazit digər parazit üzərində yaşayır. Məsələn, sadə qamçıllı (Histomonas meleagridis) nematod (Heterakis gallinarum) yumurtaların üzərində parazitlik edir. Hər iki parazit hind toyuqlarının bağırsaqlarında yaşayır və hər biri ayrılıqda xəstəlik törədir. Hiperparazitlik helmintlər, həşəratlar və gənələr arasında mövcuddur.
Dostları ilə paylaş: |
