Ölkə ərazisində qaz paylayıcısının və təbii qaz istehlakçısının öhdəlikləri hansı sənədlə tənzimlənir ?
Ölkə ərazisində qaz paylayıcısının və təbii qaz istehlakçısının öhdəlikləri Azərbaycan Respublikası Nazirlər Kabinetinin 12.05.2011-ci il tarixli 80 №-li qərarı ilə təsdiq edilmiş “Qazdan istifadə Qaydaları” ilə tənzimlənir.
Qaz təsərrüfatı sisteminə, şəbəkəsinə nələr aiddir?
Qaz təsərrüfatı sisteminə aşağıdakılar aiddir:
qaz kəmərləri və onların avadanlıqları;
kondensat yığıcılar;
qazpaylayıcı qurğular və məntəqələr (punktlar, şkaflar), qaz paylayıcı stansiyalar (QPS-lər);
avtomatlaşdırma və idarəetmə avadanlıqları;
nəzarət-ölçü cihazları, məişət qaz cihazları;
qaz kəmərlərinin korroziyadan mühafizə qurğu və vasitələri;
idarə və müəssisələrin inzibati-məişət binaları, kooperativ (özəl), kiçik müəssisələr və bu kimi digər idarə və təşkilatların qaz avadanlıqları.
Qaz təchizatı sistemlərinin istismarına nələr daxildir?
texniki xidmət;
təmir işləri (cari və əsaslı təmir);
qəza-bərpaetmə işləri;
mövsümi işləyən avadanlıqların qoşulması və açılması.
Qazpaylayıcı sistem və qazpaylayıcı şəbəkə dedikdə nə başa düşülür?
Qazpaylayıcı sistem – bir-biri ilə texnoloji, təşkilatı və iqtisadi əlaqəsi olan qazın nəqlini və birbaşa istehlakçılara verilməsini həyata keçirən istehsalat kompleksi deməkdir.
Qazpaylayıcı şəbəkə – qazın mənbəyindən istehlakçıların qaz kəməri girişlərinə qədər olan xarici qaz kəmərləri və onların üzərində olan tikili, avadanlıq və texniki qurğular sistemi deməkdir.
Qazpaylayıcı mənbə dedikdə nə başa düşülür?
