Təkrar yoxlama zamanı biliyi qeyri-kafi qiymətləndirilmiş fəhlələr barədə hansı tədbirlər görülməlidir?
Yoxlama vaxtı biliyi qeyri-kafi qiymətləndirilmiş işçi gələcəkdə sərbəst işə buraxılmır və belə hallarda 2 həftə ərzində onun biliyi təkrar yoxlanılır. Əgər təkrar yoxlama zamanı fəhlənin biliyi yenidən qeyri-kafi qiymətləndiriərsə, rəhbərlik onun işə buraxılması haqqında məsələni həll etməlidir. İşçinin biliyinin təkrar yoxlanılmasına gəlməməsi əmək intizamının pozulması kimi qiymətləndirilir və ona qarşı inzibati cəza tədbirləri tətbiq olunur.
Hansı hallarda fəhlələrin bilikləri növbədənkənar yoxlanılır ?
Fəhlələrin bilikləri aşağıdakı hallarda növbədənkənar yoxlanılır.
istehsalat prosesi dəyişdikdə.
yeni avadanləıqlar və mexanizmlər tətbiq edildikdə.
bədbəxt hadisəyə və qəzaya səbəb olmuş təhlükəsizlik qayda və təlimatların tələblərinin pozulması aşkar edildikdə.
Müəssisə rəhbərliyinin əmri və ya sərəncamı ilə yuxarı təşkilatın və Dövlət nəzarət orqanlarının göstərişi ilə və digər hallarda.
Növbədənkənar yoxlama proqramı onun həcmi və yoxlama üçün sualların siyahısı hər bir konkret halda yoxlamanın keçirilıməsinin səbəbini nəzərə alınmaqla müəssisə rəhbəri tərəfindən müəyyənləşdirilir.
Fəhlələrə hansı hallarda biliklərin yoxlanılması vəsiqəsi verilməlidir?
Biliyinin ilkin yoxlamasından sonra fəhləyə qəbul edilmiş nümunə üzrə, müvafiq şəkildə rəsmiləşdirilmiş vəsiqə verilir.Vəsiqəyə müxtəlif qayda və təlimatların tələbləri üzrə biliyi haqqında məlumatdan əlavə, işçinin bir bölmədən digərinə keçirilməsi, onun peşəsi, müxtəlif kurslarda təlim alması haqqında məlumat daxil edilir.
MTİ-nin biliklərinin yoxlanılması neçə ildən bir keçirilməlidir ?
“Azərbaycan neft sənayesində əməyin mühafizəsinin vahid idarəetmə sistemi”nə əsasən, ustaların, iş icraçılarının (bilavasitə iş rəhbərlərinin) bilikləri hər il, struktur bölmə rəhbərlərinin və digər MTİ-lər isə 3 ildə bir dəfədən az olmayaraq imtahan verməlidirlər.
