Ijtimoiy fanlar

4-mavzu:O’zbekistonRespublikasiMoliyavazirligihuzuridagibudjetdantashqariPensiyajamg’armasidavlatpensiyalarivanafaqalarinito’lovchijamg’armasifatida


Reja:


Budjetdan tashqari Pensiya jamg’armasining mohiyati va zarurligi.
Budjetdan tashqari Pensiya jamg’armasining tarkibiy tuzilishi.
Pensiya jamg’armasining asosiy vazifalari.

O‘zbekiston Respublikasi Hukumatining 2004 yil 21 oktyabrdagi 490-son qaroriga asosan, 2005 yil 1 yanvardan boshlab O‘zbekiston Respublikasining budjetdan tashqari Pensiya jamg‘armasi O‘zbekiston Respublikasi Moliya vazirligi huzuridagi Pensiya jamg‘armasiga aylantirilgan. “Fuqarolarning davlat pensiya ta’minoti to‘g‘risida” O‘zbekiston Respublikasi Qonuniga muvofiq hamda pensiya ta’minoti tizimining tashkiliy tuzilmasini yanada takomillashtirish, pensiyalar va ijtimoiy nafaqalarni budjetdan tashqari Pensiya jamg‘armasidan o‘z vaqtida moliyalashtirish hamda ularni to‘liq hajmda to‘lash, shuningdek, respublika fuqarolarining pensiya ta’minotiga yo‘naltiriladigan mablag‘lardan maqsadli foydalanilishi ustidan nazoratni kuchaytirish maqsadida, O‘zbekiston Respublikasi Prezidentining 2009 yil 30 dekabrdagi PF-4161-son Farmoniga muvofiq, 2010 yilning 1 yanvaridan boshlab pensiyalar, shuningdek, ijtimoiy nafaqalar, kompenstsiya va boshqa to‘lovlarni tayinlash, moliyalashtirish, ularning to‘lanishini hisobga olish va monitoringini yuritish Pensiya jamg‘armasining tegishli hududiy bo‘linmalari tomonidan amalga oshirilishi belgilangan.

Bugungi kunda respublikamiz bo`yicha Pensiya jamg`armasining 14 ta hududiy boshqarmalari, 196 ta tuman (shahar) bo`limlari, 108 ta hududiy va ixtisoslashtirilgan TMEKlar faoliyat ko`rsatib kelmoqda.Respublikamiz bo`yicha jami 2 mln. 936 ming nafardan ortiq pensiya va nafaqa oluvchilar istiqomat qilayotgan bo`lib, shundan, 2 mln. 716 ming nafari yoshga doir, 430 ming nafari nogironlik va 184 ming nafari boquvchisini yo`qotganlik pensiyasini oluvchilari hamda 220 ming nafardan ortiq ijtimoiy nafaqa oluvchilar tashkil etadi. 2013 yil mobaynida 138 mingga yaqin yangi pensiya va nafaqalar tayinlanadi. Ushbu pensiya va nafaqaoluvchilarga respublika bo`yicha jami 5 mingdan ortiq ishchi va hodimlar hizmat ko`rsatib kelmoqda.
Jamg`arma hamda uning hududiy boshqarmalari va tuman (shahar) bo`limlari yuridik shaxs hisoblanadi, mustaqil balansga, banklarda hisob raqamlariga, O`zbekiston Respublikasi Davlat gerbi tasviri tushirilgan muhrga, hamda tegishli muhr va shtamplarga ega.Shuningdek, qaror bilan budjetdan tashqari Pensiya jamg`armasini boshqaruv kengashi va ularning tarkibi ham belgilangan.