20.4.Azərbaycan mühacirəti müharibə illərində,
Azərbaycan milli legionlarının təşkil olunması.
Azərbaycan mühacirəti müharibə illərində. Mühacirətdə yaşayan və Sovet ordusunda vuruşan bəzi azərbaycanlılar Almaniyanın qalib gəlməsindən sonra Azərbaycanın istiqlal qazanacağına ümid bəsləyirdilər. 1941-ci ildə M.Ə.Rəsulzadə Almaniyaya dəvət edildi. O, Almaniya hökumət nümayəndələri ilə danışıqlarda 12 maddədən ibarət memorandumla məqsədini bildirdi: Azərbaycan Milli Ordusu yaradılmalı, onun komandiri azərbaycanlılardan olmalı, Azərbaycan Ordusu Azərbaycana birinci daxil olmalı, neft xalqa məxsus olmalı və s.
1943-cü ildə gözdən pərdə asmaq üçün Berlində Milli Azərbaycan Komitəsi yaradıldı. Komitə guya almanlar Qafqazı ələ keçirdikdən sonra ölkəyə rəhbərlik etməyi planlaşdırırdı.Əslində almanlar Şimali və Cənubi Azərbaycanı oyuncaq “Böyük Türküstan” hökumətinə qatmaq niyyətində idilər. M.Ə.Rəsulzadə faşistlərin bəd niyyətini başa düşdü və faşizmə qarşı çıxış etdiyinə görə Almaniyadan çıxarıldı. 1943-cü ilin noyabrında Berlində azərbaycanlıların qurultayı keçirildi, mühacir Azərbaycan parlamenti və Ə.Fətəlibəyli başda olmaqla hökumət yaradıldı və bu “hökumət” 1944-cü ilin qışına kimi fəaliyyət göstərdi.
Dostları ilə paylaş: |
