Ilm-fan va ta’lim

 
Foydalanilgan adabiyotlar: 
1.D. Sharipova, D.P. Xodiyeva, M. K. Shirinov Tabiatshunoslik va uni o’qitish 
metodikasi Toshkent, "Barkamol fayz media" nashriyoti, 2018-yil. 
2. M.Nuriddinova. "Tabiatshunoslik o’qitish metodikasi" Toshkent, O’qituvchi 
2005- yil. 
3.A.Baxronov, Tabiatshunoslik 3-sinf umumiy o’rta ta’lim maktablari uchun 
darslik. T; Cho’lpon NMIU 2012 y. 
4. A.Baxronov Tabiatshunoslik 4-sinf umumiy o’rta ta’lim maktablari uchun 
darslik. T; Sharq NMIU 2011 y. 
5. G.M.Sayfullaev. Tabiatshunosllik darslarida sinfdan tashqari ishlarni tashkil 
etish. O`quv qo`llanma Buxoro-2020. 

---

“Ilm-fan va ta’lim” ilmiy jurnali
2181-4325 
| 
https://ilmfanvatalim.uz/
 
| 
№ 6
~ 70 ~ 
BOSHLANG’ICH SINFLARDA ONA TILI VA O’QISH SAVODXONLIGI 
DARSLARINI TASHKILLASH 
Xudayorova Shohista Madiyorovna
Xorazm viloyati Shovot tumani 15-son maktabi
boshlang’ich sinf o’qituvchisi
Annotatsiya:
Ona tili va oʻqish savodxonligi fanini o’qitishning bosh maqsad 
yoshlarimizning ijodiy-mustaqil, o’z fikrini erkin va ta’sirli, mazmunli va mantiqli 
qilib yozma va og’zaki shaklda ifodalashga, o’zbek tili qonun-qoidalarini ongli 
o’zlashtirishga o’rgatish, shuningdek, ularning fikr doiralarini kengaytirishga, ona 
yurtimizga, 
avlod-ajdodlarimiz 
qoldirgan 
boy 
ma’naviyatimizga, 
milliy 
urfodatlarimizga mehr-muhabbat ruhida tarbiyalashga qaratilgan. Maqolada ona tili va 
oʻqish savodxonligi fanini boshlangʻich sinflarda tashkilanishi haqida soʻz boradi. 
Kalit soʻzlar:
savod oʻrgatish, nutq oʻstirish, ijodiy fikrlash, axborot 
texnologiyalari, lugʻat boyligi, tarbiyaviy maqsad, ijodiy munosabat. 
Soʻngi yillarda O’zbekiston Respublikamizda har bir kishining savodxon 
bo’lishiga alohida e’tibor berilmoqda. Savod o’rgatish davrida o’qitishning maqsad va 
vazifalari O’quvchilarning boshlang’ich sinfda ona tili ta’limi bo’yicha egallaydigan 
bilim, ko’nikma va malakalari, ularga qo’yiladigan talablar davlat hujjati bo’lgan o’quv 
dasturida belgilab berilgan. Shuningdek, savod o’rgatish dasturida ham savod o’rgatish 
jarayoni va uning vazifalari aniq ko’rsatilgan. Dasturga ko’ra 1-sinfga kelgan 
bolalarning savodini chiqarish elementar o’qish va yozishga o’rgatishdan boshlanadi. 
Ular boshlang’ich sinf davomida sidirg’a o’qish va savodli yozish kabi adabiy til 
me’yorlarini egallaydilar. Savod o’rgatish dasturida savod o’rgatish jarayoni ikki 
davrga bo’lib ko’rsatilgan: alifbegacha bo’lgan tayyorlov davri va alifbo davri. 
“Alifbe” darsligiga asoslangan holda savod o’rgarish o’quv darslari o’quvchilarni 4 oy 
davomida elementar o’qishga, yozuv darslari esa yozishga o’rgatilishi lozim. 
Boshlang’ich sinflarda o’qitilayotgan ona tili va o’qish savodxonligi darslari 
adabiyot fanining tarkibiy qismi hisoblanadi. Dasturlarning o’qish va nutq o’stirish 
bo’limida o’tkaziladigan mashg’ulotlar mazmuniga; o’quvchilarni to’g’ri, ravon, 
ma’lum darajadagi tezlik bilan ifodali o’qishga o’rgatish; bolaning ona - Vatan, uning 
tabiati kishilar mehnatidagi qahramonlik, jasurlik, milliy istiqlol g’oyalarini ular 
ongiga singdirish kabi bilimlarni boyitish orqali o’quvchilarning bilim, ko’nikma 
malakalari kengaytiriladi, shakllanadi va mustahkamlanadi. 
Ona tili va O’qish savodxonligi darslarini Davlat talablari asosida hayotiy 
tajribalarga, kuzatishlarga suyanib, hayotga bog’lab o’tishi uning ta’sirchanligi ongli 
idrok etishlarini ta’minlaydi. O’qish va nutq o’stirishning ta’limiy – tarbiyaviy, sinflar 

---

“Ilm-fan va ta’lim” ilmiy jurnali
2181-4325 
| 
https://ilmfanvatalim.uz/
 
| 
№ 6
~ 71 ~ 
bo’yicha o’qish mazmunini o’qish ko’nikmalarining og’zaki va yozma nutqlarini 
rivojlantirish usullarini, o’qish mashg’ulotlarining yozma nutq bilan bog’lanish kabi 
masalalar aniq kiritilgan. 
Ona tili va o’qish savodxonligi fani boshlang’ich sinf o’quvchilarining og’zaki va 
yozma savodxonligini oshirishda muhim ahamiyat kasb etadi. Boshlang’ich sinflarda 
o’qitiladigan darslar o’z mohiyati, maqsad va vazifalariga ko’ra taflim tizimida alohida 
o’rin tutadi. Negaki ularning zaminida savodxonlik va axloqiytalimiy tarbiya asoslari 
turadi. Shuning uchun ham boshlang’ich ta’lim darslariga o’quvchilar qiziqishini 
oshirishga alohida e’tibor berish lozim. Chunki bolalar boshlang’ich sinflardanoq 
«dars» degan muqaddas so’zdan bezib qolmasliklari lozim. O’qish savodxonligi - 
jamiyat tomonidan talab qilinadigan va inson tomonidan qadrlanadigan yozma tilning 
shakllarini idrok etish va amaliyotda qo’llay olish qobiliyatidir. Asosiy e’tibor, 
tushunishni namoyon qilishdan o’zlashtirilgan qobiliyatlarini namoyon qilishga 
qaratilmoqda. Boshlang’ich sinf darslarida o’quvchini qalban yuksak, ma’naviy boy 
qilib tarbiyalashda ajdodlarimiz yaratgan betakror asar durdonalaridan foydalangan 
holda bilim berish hamda odob-axloq qoidalariga o’rgatish muhim ahamiyatga ega. 
Boshlang’ich sinflarda ona tili va o’qish darsi alohida ajralib turadi. Ona tili va 
o’qish darslari orqali o’quvchining savodi chiqadi. U yozishni va o’qishni o’rganadi. 
Boshqa fanlarda bo’lgani kabi ona tili va o’qish darslarida ham axborot 
texnologiyalaridan foydalanib dars olib borish ta’lim sifatini oshirishga va 
o’quvchilarning darsga nisbatan qiziqishlarini o’stirishga yordam beradi. Shu sababli 
ona tili va boshqa darslarda axborot texnologiyalarini qo’llash asosida dars o’tish davr 
talabi deb aytishimiz mumkin. Ona tili va o’qish darslarida multimedia vositalaridan 
foydalanish ta’lim samaradorligini oshirishda ham ta’limiy, ham tarbiyaviy 
ahamiyatga ega. Masalan, axborotning xilma-xillligi: matn, lavha, bezak, nutq, musiqa, 
videofilmlardan parchalar, telekadrlar, animatsiyalardan foydalanishga erishiladi. 
O’quvchilarga ta’lim olishda ijodiy munosabatni uyg’otadi va bu o’quvchilarda 
o’zlariga bo’lgan ishonchni shakllantiradi; o’quvchilarning tafakkurini rivojlantiradi; 
o’z-o’zini namoyish etish imkonini beradi; o’quvchi mavzu bo’yicha yangi fikrlarni 
bildirishga va o’ziga o’zlashtirishga ruhan tayyor bo’ladi. Ushbujihatlardan kelib 
chiqib aytish mumkinki, zamonaviy o’qituvchi butun dunyo ta’lim tizimida 
bo’layotgan o’zgarishlardan doimo xabardor bo’lishi va ularni o’zlashtirib o’z faoliyati 
davomida qo’llay olishi lozim. 
Muxtasar qilib aytganda, Shu paytgacha ona tilini oʻqitishdan maqsad tilning 
grammatikasini oʻrgatish, til strukturasiga oid qoidalarni yod oldirish edi. Yangi 
darslikda eng muhim qoidalargina qoldirilgan. Rang-barang tasvirlar va qiziqarli 
topshiriqlarga koʻproq urgʻu berilgan. Eski darsliklar til strukturasini oʻrgatishga 
qaratilgan. Yangi darsliklarda esa til strukturasidan koʻra, tilning leksikologik, 

---

“Ilm-fan va ta’lim” ilmiy jurnali
2181-4325 
| 
https://ilmfanvatalim.uz/
 
| 
№ 6
~ 72 ~ 
semantik tomonlariga urgʻu berilgan. Yaʼni asosiy eʼtibor soʻz, uning maʼnolari, 
oʻrindoshlari, qoʻllanish oʻrinlari, lugʻat boyligi kabi tomonlarga qaratilgan.