Reaksiya natijasi 5-10 daqiqa o'tganidan keyin ko'riladi. Kontrollar: Tekshirilayotgan antigen- normal qon zardobi. Diagnostik qon zardobi - natriy xloridning izotonik suyuqligi. Immunofermcnt analiz usuli (IFA) IFA ko'p jihatlari bilan RIAga o'xshab ketadi, biroq undan qo'shimcha reagentlar-AG va AT, nishonlangan fermentlar(peroksidaza, ishqoriy fosfataza) qo'llanilishi bilan farqlanadi (59-rangli rasm). Immun kompleks hosil qilingandan so'ng ushbu sistemaga fermentlar bilan boyitilgan substrakt qo'shiladi, bunda muhit sarg'ish (peroksidaza ishtirokida) yoki sarg'ish-yashil (fosfataza ishtirokida) rangga kiradi. Oxirgi yillarda IFA ning turli modifikatsiyalari ishlab chiqilgan. Klinik immunologiya amaliyotida IFA ning qattiq fazali «sendvich» variantidan ko'proq foydalaniladi. IFA bu variantining bevosita va bilvosita usullari ishlab chiqilgan. IFA ning bevosita usuli. Antigen adsorbsiya qilingan (polisterol planshetka) qattiq substratga izlanilayotgan antitela aralashmali zardob qo'shiladi. Agar izlanilayotgan At qon zardobida bo'lsa, Ag bilan maxsus birikadi. Ikkinchi bosqichida antigenga bog'lanmagan At lar ko'p marotaba yuvish bilan chiqarib tashlanadi. Uchinchi bosqichda esa antigen bilan birikkan antitelaga qarshi ferment bilan nishonlangan antiglobulin (kon'yugat) qon zardobi qo'shiladi. To'rtinchi bosqichda antitela bilan birikkan ferment markyor miqdori aniqlanadi. IFA ning bilvosita usuli. Bu reaksiyaning bevosita usuldan farqi antitela adsorbsiya qilingan (polisterol planshetka) izlanilayotgan Ag bo'lishi ehtimoli bor qon zardobi qo'shiladi. Agar izlanilayotgan zardobda antigen bo'lsa, antitela bilan birikadi va uning ustiga diagnostik qon zardobi qo'shiladi, inkubatsiya qilingandan keyin uni ko'p marotaba yuvib tashlanadi. Ikkinchi bosqichida maxsus antitelani ferment bilan nishonlangan varianti (kon'yugat) qo'shiladi. Agar izlanilayotgan zardobda antigen bo'lsa, ferment bilan nishonlangan kon'yugat antiglobulin antitela bilan birikadi va substrat xromogen qo'shilganda rangi o'zgaradi. Bog'langan kon'yugatning miqdori tekshirilayotgan namunadagi At yoki Ag miqdoriga to'g'ri proporsional bo'ladi. Immunobloting reaksiyasi Immunobloting (ing. blot - dog') usuli yuqori darajada sezgirligi bilan ajralib turadi. Antigenni yoki antitelani aniqlashda bir-biriga mos keluvchi ma'lum zardobdan (yoki Ag) foydalanishga asoslangan. OITV infeksiyasi tashxisida qo'llaniladi. Dastlab elektroforezda virus antigenlari maxsus poliakril gel yordamida ajratib olinadi (amaliyotda maxsus olingan reagent qo'llaniladi). So'ngra pretsipitat chiziqlariga maxsus material (nitrotsellyuloza plyonkasi yoki aktivlashtirilgan qog'oz) biriktiriladi va elektroforez davom ettiriladi. Antigen shimdirilgan maxsus materiallar tasmasi amaliyotga chiqariladi. Ushbu tasmalarga bemor qon zardobi qo'shilib inkubatsiyalanadi. Agarda Ag ga qarshi antitelalar bo'lsa, bu AT lar tasmada joylashgan o'zi uchun maxsus Ag bilan birikib, dog' hosil qiladi. AT lar fermentlar va maxsus substrat bilan nishonlangan yoki o'zgaruvchi bo'yoq bilan birikkan bo'lganligi sababli hosil bo'lgan Ag+At kompleksi elektroforez plyonkasida ajralib turadi (60-rangli rasm). 18-MA VZU. IMMUN ORGANLAR. Т VA В LIMFOTSITLAR SISTEMASI VA ULARNING SUBPOPULYATSIYALARI, ULARNING ORGANIZMDAGI IMMUN REAKSIYALARDAGI AHAMIYATI. IMMUN TIZIMGA BAHO BERISH USULLARI Mashg'ulot rcjasi
