İmmun sisteminin mərkəzi və periferik orqanları Orqanizmin immun sistemi birincili, yaxud mərkəzi orqanlardan- timus, sümük iliyi və ikincili, yaxud periferik orqanlardan- dalaq, limfa düyünləri, bağırsaq limfa follikulları, appendiks, badamcıqlardan ibarətdir.
İmmun sisteminin mərkəzi orqanları immun sisteminin əmələ gəlməsini və seleksiyasını təmin edir. Burada limfopoez- limfositlərin əmələ gəlməsi, çoxalması (profirelasiyası) və sələf, yaxud yetkin qeyri-immun hüceyrələrə qədər differensiasiyası, eləcə də onların seleksiyasını təmin edir.
İmmun sisteminin periferik orqanlarında immun nəzarəti bilavasitə həyata keçirən immunokompetent hüceyrələr yerləşir. İmmun sistemin periferik limfoid orqanlarında antigen təsiri nəticəsində limfositlərin müvafiq differensiasiyası və immun cavabın formalaşması ilə əlaqədar mürəkkəb proseslər baş verir.
