İNFORMASİYA TƏHLÜKƏSİZLİYİ
________________________ 238 ____________________________
tərəfindən
açıq sistemlərin standarta əsaslanan qarşılıqlı əlaqə
modeli (OSI – Open Systems Interconnection) işlənib
hazırlandı. ISO/OSI modeli kompüter şəbəkələrinin inkişafında
əsas rol oynadı.
OSI modeli müxtəlif səviyyəli sistemlərin aralarındakı
fərqləri müəyyən etməklə yanaşı həmin sistemlərin hansı
funksiyaları yerinə yetirmələrini də müəyyənləşdirir. Vasitələrin
qarşılıqlı əlaqə modeli OSI yeddi səviyyəyə bölünür:
Tətbiqi (Application);
Təqdimatlı (Presentation);
Sesiyalı (Session);
Nəqli (Transport);
Şəbəkə (Network);
Kanallı (Data Link);
Fiziki (Physical).
Modelin ən yuxarı səviyyəsi Tətbiqi (Application)
səviyyədir. Bu səviyyədə istifadəçi əlavələr ilə qarşılıqlı
münasibətdə olur. Modelin ən aşağı səviyyəsi isə Fiziki
(Physical) səviyyədir. Bu səviyyədə isə qurğular arasında siqnal
mübadiləsi həyata keçirilir.
Rabitə kanalı vasitəsilə verilənlərin mübadiləsi verilənlərin
yuxarı səviyyədən aşağı səviyyəyə sürüşdürülməsi ilə yerinə
yetirilir. Sonrakı mərhələdə verilənlərin rabitə kanalı vasitəsilə
nəql edilməsi əməliyyatı və nəhayət, müştərinin kompüterində
verilənlərin əks əlaqə ilə sürüşdürülməsi, yəni aşağı səviyyədən
yuxarı səviyyəyə ötürülməsi yerinə yetirilir.
Kompüter şəbəkəsinin hər bir səviyyəsində müəyyən
uyğunluğu təmin etmək üçün
xüsusi standart protokollardan
istifadə edilir. Protokollar məlumatların formatlanması və
ardıcıllığını formallaşdıran qanunlardan (qaydalardan) ibarətdir.
Protokolların köməyilə bir səviyyədə və müxtəlif şəbəkə
İNFORMASİYA TƏHLÜKƏSİZLİYİ
________________________ 239 ____________________________
düyünlərində yerləşən şəbəkə komponentləri arasında
mübadilə həyata keçirilir.
Şəbəkədə düyünlərin qarşılıqlı əlaqəsini təmin edən
ierarxik təşkil olunmuş protokollar toplusu
kommunikasiya
protokolları yığımı (steki) adlanır. Texniki ədəbiyyatlarda
ISO/OSI modelinin ISO/OSI protokollar yığımından dəqiq
fərqlənməsi göstərilir. ISO/OSI modeli açıq sistemlərin
konseptual sxemidir, ISO/OSI protokollar yığımı isə ISO/OSI
modeli ilə müəyyən edilən, yeddi səviyyənin qarşılıqlı
əlaqəsində iştirak edən protokolların konkret təsnif olunmasının
yerinə yetirilməsidir.
Kommunikasiya protokolları həm proqram, həm də aparat
baxımından tətbiq edilə bilərlər. Aşağı səviyyə protokolları
adətən proqram və aparat vasitələrinin kombinasiyası kimi,
yuxarı səviyyə protokolları isə proqram vasitələri kimi tətbiq
edilir.
Şəbəkənin bir düyünündə yerləşən qonşu səviyyələrin icra
olunan protokollar modulu, dəqiq qanunlara əsaslanmaqla
məlumatların standart formatlanmasının köməyilə bir-biri ilə
qarşılıqlı əlaqədə olmalıdırlar. Bu qaydaları (qanunları)
səviyyələrarası interfeys adlandırırlar. Səviyyələrarası interfeys
cari səviyyə ilə qonşu səviyyənin servislər toplumunu müəyyən
edir.
Ümumiyyətlə, protokol və interfeys yaxın anlamlar sayılır,
amma ənənəvi baxımdan isə şəbəkədə onlara fəaliyyətin
müxtəlif sahələri aid olunur. Protokollar müxtəlif şəbəkələrdə
qarşılıqlı əlaqənin eyni səviyyədəki modulunu, interfeys isə bir
düyündə qonşu səviyyələrdə qarşılıqlı əlaqə qanunlarını
müəyyənləşdirir.
TCP/IP (Transmission Control Protocol/İnternet Protocol)
protokollar yığımı (steki) qlobal şəbəkə üçün yaradılmış
|