Информатика

5.1-jadval. C++ tilining xizmachi so`zlari.

asm	Do	If	return	typedef
auto	double	Inline	short	typeid
bool	dynamic_ cast	Int	signed	typename
break	Else	long	sizeof	union
case	enum	Mutable	static	unsigned
catch	explicit	namespace	static_cast	Using
char	export	New	Struct	virtual
class	extern	Operator	switch	void
const	False	Private	template	volatile
const_cast	Float	Protected	This	wchar_t
continue	For	Public	throw	While
default	friend	Register	True

Amallar. Amallar bir yoki bir nechta belgilar bilan aniqlanadi va operatorlar ustida bajariladi. Amal orasida bo`sh joy qo`yilmaydi. Amaldagi belgilar maxsus belgilardan (masalan, &&, |, <) va harflardan (masalan, reinterpret_cast, new) iborat bo`lishi mumkin.
Operandlar soniga qarab amallar uch guruhga bo`linadi: UNARY, BINARY, TERNARY. Standart amallar qayta aniqlanadi.
 Mustahkamlash uchun savollar.

1. 
   C++ qasyi dasturlash tiliga asoslangan ?
   
2. 
   C tillini kim yaratgan ?
   
3. 
   C++ qanday dasturlash tili ?
   
4. 
   C++ alfavitiga qanday simvollar kiradi ?
   
5. 
   Identifikator nima?
   
6. 
   a nomli identifikator va A nomli identifikatorlarning farqi bormi ?
   
7. 
   identifikatorlarni pastiga chizilgan chiziqcha bilan e`lon qilishning oqibatini bilasizmi ?
   
8. 
   Xizmatchi so`zlarga misollar keltiring.
   
9. 
   Amal deganda nimani tushunasiz ?
   
10. 
    C++ tilida operandlar soniga qarab amallar necha guruhga bo`linadi va qaysilar ?
    

2. 
   O`zgarmas va o`zgaruvchilar tasnifi
   

 Muhim so`zlar: o`zgarmas, ozgaruvchi, mantiqiy, butun,haqiqiy, belgili, satrli, eskeyp belgisi, ENUM, const, Null, hajm, bayt, long, shor, tip.

 Bilib olasiz: C++ da o`zgarmaslar va ularni e`lon qilish, eskeyp belgisining vazifasi, sanovchi, nomlangan, Null ko`rsatkichli o`zgarmaslarni e`lon qilish, o`zgaruvchilarni e`lon qilishni va ularning tiplari, tiplarning qiymatlar chegaralarini.
O`zgarmaslar. C++ tilida o`zgarmaslar o`zgarmas kattalikdir. Ularning mantiqiy, butun, haqiqiy, belgili, satrli o`zgarmaslarga bo`linadi. Dasturchi C++ tilida o`zgarmaslarni aniq ifodalay olishi kerak.
5.2-jadval. O`zgarmaslar formati.

O`zgarmas	O`zgarmas formati	misol
mantiqiy	True va false so`zlar bilan aniqlanadi	True, False
butun	O`nlik sanoq sistemasi. Birinchi raqami 0 bo`lishi kerak emas (0,1,2,3,4,5,6,7,8,9)	15, 25, 0, 4
	Sakkizlik sanoq sistemasi. Birinchi raqami 0 bo`lishi kerak (0,1,2,3,4,5,6,7)	01, 020, 07155
	O`n oltilik sanoq sistamasi. Boshlanishi 0x (0X) bilan bo`lishi kerak (0, 1, 2, 3, 4, 5, 6, 7, 8, 9, A, B, C, D, E)	0xA, 0x1B8, 0X00FF, 0X00ff
Haqiqiy	O`nli. [son].[son] ko`rinishda	5.7, .001, 35
	Exponensial. [son][.][son]{E|e}[+|-][son]	0.2E6, .11e-3, 5E10, 1.22E-10
Belgili	Tirnoq [`] ichiga olingan bir yoki bir nechta belgi	`A`, `ю`, `*`, `db`, `A`, `\n`, `\012`, `\x07\x07`
Satrli	Belgilarning qo`shtirnoqqa olingani	"Salom Buxoro", "\tNatija =\xF5\n"

Satrli o`zgarmas. Satrli o`zgarmaslar orasiga eskeyp simvollarni qo`llash mumkin. Bu simvollar oldiga [\] belgisi quyiladi. Masalan, ―\n Birinchi satr \n ikkinchi satr \n uchinchi satr‖. Satr simvollari xotirada ketma-ket joylashtiriladi va har bir satrli o`zgarmas oxiriga avtomatik ravishda kompilyator tomonidan `\0` simvoli qo`shiladi. Shunday satrning xotiradagi hajmi simvollar soni+1 baytga tengdir. Ketma-ket kelgan va bo`shliq, tabulyatsiya yoki satr oxiri belgisi bilan ajratilgan satrlar kompilyatsiya davrida bitta satrga aylantiriladi. Masalan, ―Salom‖
―Buxoro ‖ satrlari bitta satr deb qaraladi. ―Salom Buxoro‖. Bu qoidaga bir necha qatorga yozilgan satrlar ham bo`ysunadi.
Sanovchi o`zgarmas. C++ tilining qo`shimcha imkoniyatlaridan biri.
Sanovchi o`zgarmaslar ENUM xizmatchi so`zi yordamida kiritilib, butun tipdagi sonlarga qulay so`zlarni mos qo`yish uchun ishlatiladi. Masalan,

enum{one=1,two=2,three=3}

Agar son qiymatlari ko`rsatilmagan bo`lsa eng chapki so`zga 0 qiymati berilib qolganlariga tartib bo`yicha o`suvchi sonlar mos qo`yiladi.

Enum{zero,one,two}

Bu misolda avtomatik ravishda o`zgarmaslar quyidagi qiymatlarni qabul qiladi:

Zero=0, one=1, two=2

O`zgarmaslar aralash ko`rinishda kiritilishi ham mumkin:

Enum(zero,one,for=4,five,seeks}

Bu misolda avtomatik ravishda o`zgarmaslar quyidagi qiymatlarni qabul qiladi:

Zero=0, one=1, for=4;five=5,seeks=6; Enum BOOLEAN {NO, YES};

O`zgarmaslar qiymatlari: NO=0, YES=1.
Nomlangan o`zgarmaslar. C++ tilida o`zgaruvchilardan tashqari nomlangan o`zgarmaslar kiritilishi mumkin. Bu o`zgarmaslar qiymatlarini dasturda o`zgartirish mumkin emas. O`zgarmaslar nomlari dasturchi tomonidan kiritilgan va xizmatchi so`zlardan farqli bo`lgan identifikatorlar bo`lishi mumkin. Odatda nom sifatida katta lotin harflari va ostiga chizish belgilari kombinatsiyasidan iborat identifikatorlar ishlatiladi. Nomlangan o`zgarmaslar quyidagi shaklda kiritiladi:

Const tip o`zgarmas_nomi=o`zgarmas_qiymati

Masalan,

Const double Pi=3.1415; Const long M=99999999; Const R=2;

Oxirgi misolda o`zgarmas tipi ko`rsatilmagan, bu o`zgarmas int tipiga tegishli deb hisoblanadi.
Null ko`rsatkich. NULL - ko`rsatkich yagona arifmetik bo`lmagan o`zgarmasdir. Null ko`rsatkich 0 yoki 0L yoki nomlangan o`zgarmas NULL orqali tasvirlanishi mumkin. Shuni aytish lozimki bu o`zgarmas qiymati 0 bo`lishi yoki
`0` simvoli kodiga mos kelishi shart emas.
5.3-jadval. O`zgarmaslar chegaralari va mos tiplari.

O`zgarmas turi	Ma`lumotlar tipi	Hajm, bayt	Qiymatlar chegarasi
mantiqiy	Boolean	1	True, false
belgili	signed char	1	-128…127
	Unsigned char	1	0…255
Sanovchi	Enum	2	-32768…32767
butun	signed short int	2	-32 768 … 32 767
	unsigned short int	2	0…65535
	signed int	4	-2 147 483 648 … 2 147 483 647
	Unsigned int	4	0 … 4 294 967 295
	signed long int	4	-2 147 483 648 … 2 147 483 647
	unsigned long int	4	0 … 4 294 967
haqiqiy	Float	4	3.4E-32…3.4E+38
	Double	8	1.7E-308…1.7E+308
	Long double	10	3.4E-4932…1.1E+4932

O`zgaruvchilar (VARIABLES). O`zgaruvchilar ob`yekt sifatida qaraladi. C++ tilining asosiy tushunchalaridan biri nomlangan xotira qismi – ob`yekt tushunchasidir. Ob`yektning xususiy holi bu o`zgaruvchidir. O`zgaruvchiga qiymat berilganda unga ajratilgan xotira qismiga shu qiymat kodi yoziladi. O`zgaruvchi qiymatiga nomi orqali murojaat qilish mumkin, xotira qismiga esa faqat manzili orqali murojaat qilinadi. O`zgaruvchi nomi bu erkin kiritiladigan identifikatordir. O`zgaruvchi nomi sifatida xizmatchi so`zlarni ishlatish mumkin emas.
5.4-jadval. O`zgaruvchilar tiplari.

Boolean	Mantiqiy
Char	bitta simvol
long char	uzun simvol
short int	qisqa butun son
Int	butun son
long int	uzun butun son
float	haqiqiy son
double (long float)	ikkilangan haqiqiy son
long double	uzun ikkilangan haqiqiy son

Butun sonlar ta`riflanganda ko`rilgan tiplar oldiga unsigned (ishorasiz) ta`rifi ko`rinishida bo`lishi mumkin. Bu ta`rif qo`shilgan butun sonlar ustida amallar mod 2n arifmetikasiga asoslangandir. Bu erda n soni int tipi xotirada egallovchi razryadlar sonidir. Agar ishorasiz k soni uzunligi int soni razryadlar sonidan uzun bo`lsa, bu son qiymati k mod 2n ga teng bo`ladi. Ishorasiz k son uchun ga –k amali 2n – k formula asosida hisoblanadi. Ishorali ya`ni signed tipidagi sonlarning eng katta razryadi son ishorasini ko`rsatish uchun ishlatilsa unsigned (ishorasiz) tipdagi sonlarda bu razryad sonni tasvirlash uchun ishlatiladi. O`zgaruvchilarni dasturning ixtiyoriy qismida ta`riflash yoki qayta ta`riflash mumkin. Masalan,

Short int a; Short int b1; Short int ac; int a; int b1; int ac;

O`zgaruvchilar ta`riflanganda ularning qiymatlari aniqlanmagan bo`ladi. Lekin o`zgaruvchilarni ta`riflashda initsializatsiya ya`ni boshlang`ich qiymatlarini ko`rsatish mumkin. Masalan,

int I=0; char c=`k`;

Typedef ta`riflovchisi yangi tiplarni kiritishga imkon beradi. Masalan, yangi KOD tipini kiritish:

typedef unsigned char KOD; KOD simbol;

 Mustahkamlash uchun savollar.

1. 
   C++ da o`zgarmaslarning necha xil tipi bo`ladi ?
   
2. 
   A=5E10; A qanday o`zgarmas ?
   
3. 
   Satrli o`zgarmasga misol keltiring.
   
4. 
   Enum qanday o`zgarmaslarni e`lon qilish uchun ishlatiladi ?
   
5. 
   Nomlangan o`zgarmaslarga misol keltiring.
   
6. 
   Null ko`rsatkich deganda nimani tushunasiz?
   
7. 
   Boolean orqali qanday o`zgarmaslar e`lon qilinadi.
   
8. 
   Short int va int tiplarini farqi nimada ?
   
9. 
   Ishorasiz tip deganda nimani tushunasiz? 10.Yangi tip kiritish mumkinmi ?
   

3. 
   C++ da amallar
   

 Muhim so`zlar: arifmetik, razraydli, nisbat, mantiqiy, imlo, qiymat berish, shartli, tipli, manzilli amallar, qavslar, unar, binar.

 Bilib olasiz: arifmetik, razraydli, nisbat, mantiqiy, imlo, qiymat berish, shartli, tipli, manzilli amallardan foyadalinish va qo`llash, vazifalarini.
C++ tilida amallar sakkiz guruhga bo`linadi. Ular quyidagi jadvalda keltirilgan.