Intellektual tizimlar

 
Takrorlash uchun savollar: 
1. 
Freym nima va uni tashkil etuvchi qismlar? 
2. 
Slot nima va u kanday kismlardan tashkil topgan? 
3. 
Freym nomi va slot nomi nima uchun xizmat qiladi? 
4. 
Meros olish ko‘rsatgichi nimaga xizmat qiladi? 
5. 
Demon, ma’lumot turi ko‘rsatgichi nimaga xizmat qiladi? 
6. 
Birlashtirilgan protsedura va slot tushunchasi nimaga xizmat kiladi? 
7. 
Bilimlar tarkibi nimga bog‘liq? 
8. 
Intellektual tizimlar faoliyat yuritishi uchun qanday bilimlar zarur? 
9. 
Predmet sohaning xususiyatlari 
10. 
Predmet sohaning vazifalari qanday turlarga ajratiladi? 
11. 
Bilimlar strukturasini tavsiflang 
12. 
BBda bilimlar qanday tashkillashtirilgan? 
 
VI. 
BILIMLARNI TAQDIM ETISh MODELLARI (MAXSULIY MODEL) 
6.1. Maxsuliy modellar 
An’anaviy dasturlashda agar i-chi guruh shoxlanish guruhi bo‘lmasa, unda 
uning ketidan i+1-chi guruh davom etadi. Dasturlashning bunday usuli 

---

53 
o‘rganilayotgan bilimlarning tahlil qilish ketma-ketligiga oz miqdorda bog‘liq 
bo‘lgan holatlarda qulay hisoblanadi.
Aks holda esa dasturni namunalar bilan boshqariladigan erkin modellar 
majmui sifatida ko‘rib chiqqan ma’qul. Bunday dastur tahlilning xar bir qadamida 
qaysi modul ushbu xolatni taxliliga mos kelishini aniqlab boradi. Ushbu xolatni 
taxlil qilishga namunalarni boshqarish moduli mos keladi.
Namunalarni boshqarish moduli bitta yoki bir nechta strukturani 
modifikatsiya qilish va izlanish mexanizmidan tashkil topadi. Xar bir bunday modul 
ma’lum bir ishlab chiqiladigan qoidani tashkil qiladi. Bunda boshqaruv vazifasini 
interpretator amalga oshiradi. Bilimlarni namoyish etish nuqtai nazaridan 
qaraganda, namunalarni boshqarish moduliga yondashish quyidagi xususiyatlar 
bilan xarakterlanadi: 
1. 
doimiy bilimlarning ma’lumotlar omborida saqlanuvchi va ishchi xotiradagi 
vaqtinchalik bilimlarga bo‘linishi
2. 
modullarning strukturaviy erkinligi
3. 
muammoli soha haqidagi bilimlarni tashuvchi modullardan boshqaruv 
sxemasining ajratilishi. 
Bu boshqaruvning turli xil sxemalarini tashkil etish va ko‘rib chiqish imkonini 
beradi, shuningdek, bilimlarni va tizimlarni modifikatsiya qilishni osonlashtiradi.