İqtisadiyyat elmi və onun yaranması tarixi İqtisadiyyat «oikonomik»

Marketinq fəaliyyətinin əsas istiqamətləri

Marketinq fəaliyyətinin mahiyyəti onun yerinə yetirdiyi prinsiplər əsasında müəyyən olunur. Marketinqin prinsipləri marketinq fəaliyyətində yerinə yetirilən funksiyaların əsaslandığı ümumi prinsiplərdir.sözügedən marketinq prinsipləri marketinq nəzəriyyəsinin əsas müddəaları hesab olunur.
Marketinq fəaliyyətinin təmin olunmasında iştirak edən əsas prinsiplər aşağıdakılardan ibarətdir:

• 
  Müəssisənin yüksək rentabelli işləməsinin təmin olunması;
  
• 
  Satış problemində qarşıya çıxan problemlərin həllində çoxvariantlılığın təmin edilməsi;
  
• 
  Uzunmüddətli kommersiya uğurlarının əldə olunmasına istiqamətlənmə;
  
• 
  İstehsal-satış fəaliyyətinin bazarın tələblərinə istiqamətləndirilməsi;
  
• 
  əmtəə istehsalının bazarın tələbatından funksional asılılığı;
  
• 
  məhsulların bazarda mövcud olan yüksək rəqabət qabiliyyətinin təmin olunması;
  
• 
  bazarın vəziyyətinin, onun perspektiv inkişafının, eləcə də məhsullara istehlakçıların və ya alıcıların potensial tələbatının kompleks qaydada öyrənilməsi;
  
• 
  məhsulların reallaşdırılması üzrə mövcud ənənəvi satış qaydalarının təkmilləşdirilməsi, eləcə də satış fəaliyyətinin yeni texnika və metodlar vasitəsilə həyata keçirilməsinin təmin olunması;
  
• 
  idarəetmə sisteminin daha səmərəli və çevik təşkilinin formalaşdırılması, satış və istehsal proseslərinin maksimum qarşılıqlı təsirinin və bir-birilə sıx əlaqəsinin formalaşdırılmasının təmin olunması.
  

Marketin fəaliyyəti haqqında müxtəlif səpkili təriflərə rast gəlmək mümkündür. Hətta iqtisadi ədəbiyyatlarda belə, marketinq fəaliyyəti haqqında 2000- dən artıq tərifə rast gəlmək mümkündür. Lakin, ümumi götürsək, marketinq və yaxud da marketinq fəaliyyəti haqqında deyilmiş tərifləri üç əsas qrupda birləşdirmək olar.

45. 
    Marketinqin taktikası və strategiyası
    

Marketinq yalnız marketinq əlaqələri və bazar araşdırması məsələlərini əhatə etmir, eyni zamanda strateji marketinq məsələsini də əhatə edir. Faktiki olaraq, birinci yerdə strateji marketinq olmalıdır. Marketinq mesajları, reklam və satış məsələlərinin təfərrüatlarına keçmədən əvvəl bazarda biznesin istiqaməti və oriyentasiyası haqqında həlledici qərarlar qəbul etməliyik.
Strateji marketinq müəssisənin strateji planlaşdırması ilə tam şəkildə uyğunlaşdırılmalıdır. Bu iş müəssisənin missiya, baxış və dəyərlərini aydınlaşdırmaqla başlayır. Bu fundamental elementlər sonradan marketinq strategiyası haqqında qərar qəbul etmək üçün güclü əsas təmin edir.
Bundan sonra bazarda rəqabətin olduqca yüksək olduğunu qəbul etməliyik. Qəbul etməliyik ki, müəyyən məhsulların istehsal edilməsində, müəyyən xidmətlərin göstərilməsində və ya bir sıra bazar nişləri ilə işləməkdə bəzi rəqiblərimiz bizdən yaxşıdır. Bu halda onlarla birbaşa rəqabət aparmağı qərarlaşdıra bilərik. Və ya daha strateji qərar qəbul edərək onları keçib yalnız daha yaxşı olduğumuz məsələlərə diqqət yetirməliyik. "Ən yaxşı bacardığımız iş hansıdır?" sualını deyil, "Rəqiblərimizlə müqayisədə ən yaxşı bacardığımız iş hansıdır?" sualını verməliyik. Bu, rəqabət üstünlüyümüzü təyin etmək və ondan istifadə etmək məsələsidir.
Daha sonra bizim istehsal etməkdə xüsusilə bacarıqlı olduğumuz məhsulları istəyən bazar seqmentləri və ya nişlərini tapmalıyıq. Bizim müvəffəqiyyətimiz məhsullarımıza ehtiyacı olan və onları istəyən müştəriləri tapmağa və onlara xidmət etməyə əsaslanır. Məhsullarımızı hamıya satmağa çalışmaq lazım deyil - bu səhv ciddi problemlər doğura bilər. Bunun yerinə, uğur qazana bilməyəcəyimiz bazar və bazar seqmentlərini nəzərə almayaraq sadəcə düzgün müştərilərə diqqət yetirməliyik.
Beləliklə, uğurlu marketinq strategiyası üç əsas elementi qələbə formulunda birləşdirir. İlk olaraq missiyamız; ikinci növbədə rəqabət üstünlüyümüz və üçüncü növbədə bizim istehsal etməkdə üstün olduğumuz məhsullarımızı alacaq seçilmiş bazar seqmentləri.

46.