Sof foyda — foydaning soliqlar to‘langandan keyin qolgan qismi.
Sof ichki mahsulot (SIM) — yalpi ichki mahsulotdan amortizatsiya
ajratmasining ayrilganiga teng.
Sof raqobat bozori — muayyan tovar turi juda ko‘p sotuvchilar tomonidan
sotiladigan, boshqa sotuvchilarning kirishi oson narxlar erkin bo‘lgan
bozor.
Soliq — fuqaro, firma va korxonalardan davlat xazinasiga undiriladigan,
qonunda ko‘rsatilgan majburiy to‘lov.
Soliq stavkasi — soliq miqdorining soliq solinadigan jami summaga nisbatan
foiz miqdori.
Sotuvchi — bozorda tovarini pulga almashadigan, ya’ni tovarni sotadigan
tomon.
Sug‘urta — turli xil kutilmagan holatlar natijasida yuzaga keladigan moliyaviy
muammolardan muhofaza qilish faoliyati.
Tabiiy ishsizlik darajasi — mamlakatda faqat friksion va tarkibiy ishsizlik
bo‘lgan vaziyatdagi ishsizlik darajasi.
Tabiiy resurslar — tovar va xizmatlar ishlab chiqarishda bevosita ishlatiladigan
tabiatning barcha ne’matlari.
Tadbirkorlik — kishilarning foyda olish maqsadida, tavakkalchilik asosida,
o‘z mablag‘i, mulki, bilimi va imkoniyatlarini ishga solib, tovar va
xizmatlar ishlab chiqarish faoliyati.
Tadbirkorlik foydasi — tadbirkorlik faoliyati natijasida qo‘lga kiritiladigan
daromad.
Taklif — sotuvchilarning muayyan vaqt davomida, tovarni turli narxlarda
qancha miqdorda sotish mumkinligi haqidagi xohish va imkoniyatlarini
aniqlaydi.
Taklif miqdori — sotuvchilarning muayyan vaqt davomida ma’lum narxda
sotishlari mumkin bo‘lgan tovar miqdori.
Taklif chizig‘i — taklifning tekislikdagi grafik ko‘rinishi.
Talab — tovarning narxi va miqdori orasidagi munosabat bo‘lib, xaridorlarning
muayyan vaqt davomida, tovarni turli narxlarda qanchadan sotib olish
imkoniyatlarini aniqlaydi.
