Makroiqtisodiyot - ishlab chiqarish, inflyatsiya, ishsizlik va boshqalar kabi asosiy agregat ko’rsatkichlarni aniqlashni o'rganadigan iqtisodiyot sohasidir. Makroiqtisodiy yondashuv ushbu o'zgaruvchilarni uy xo'jaliklari, firmalar va hukumatlar tomonidan iqtisodiyotning barcha bozorlaridagi harakatlari natijasi sifatida qabul qiladi. Ushbu o'zgaruvchilar bunday bozorlardagi narxlar va miqdorlarning muvozanati deb qaraladi. Bu makroiqtisodiyotning umumiy muvozanat xususiyati hisoblanadi.
Shunday qilib, ushbu turli xil bozorlar qanday faoliyat yuritishini va ularning bir-biri bilan qanday aloqadorlikda bo'lishini tushunishga e’tibor beriladi. Bozorlarning faoliyat yuritish usuli biz ularga qanday vaqt oralig’ida qarashimizga bog'liq. Ko'pgina makroiqtisodiy hodisalar vaqt o'tishi bilan bog'liq. Bu makroiqtisodiyotning dinamik xususiyati hisoblanadi.
Makroiqtisodiyot kuzatilayotgan natijalarning sabablari to'g'risida iqtisodiyotning boshqa sohalariga qaraganda ko'proq munozaralarga ega. Ushbu munozaralar bozorlarni tartibga solish bo'yicha turli xil qarashlarga, shuningdek mavjud dalillarni har xil talqin qilishga asoslangan. Mazkur munozaralarning ahamiyati shundaki, turfa xil qarashlar iqtisodiy muammolarni hal qilish uchun hukumatlar tomonidan ko'rilayotgan alternativ harakatlarning asosi hisoblanadi. Shu bois, bahs-munozaralar makroiqtisodiyot uchun juda muhim hisoblanadi.
“Iqtisodiy siyosatga kirish” fanida biz ham fanning nazariyalariga ham bir necha analitik yondashuvlarga e’tiborimizni qaratamiz. Ular yuqorida qayd etilgan tayyorlov jarayonlari va iqtisodiy siyosat masalalari bo’yicha muzokaralar o’tkazish bilan bog’liq.
Shu bilan birga, siyosiy harakatlar dasturlarining mantiqiy tuzilishi bilan bog’liq bo’lgan, jamoaviy iqtisodiy guruhlarga jalb etilgan, profsoyuz va biznes-assosiasiyalar, davlat boshqaruv organlari xodimlari va h.k.lar u yoki bu darajada qabul qilingan siyosatga, uni amalga oshirishga va baholanishiga ta’sir ko’rsatadi.
Ushbu fan bo’yicha barcha munozaralar, fikrlar va tahlillarning asosiy metodologik xarakteristikasiga ko’ra, barcha ushbu fikrlarda siyosatning shakllanishida asosiy e’tibor institutsional-tashkiliy omillarga, hamda siyosiy omillarga bog’liq bo’lib, ular doimo jamoaviy qaror qabul qilishga, ayniqsa davlat miqyosida katta ta’sir ko’rsatadi. Bularning barchasi, albatta talaba tomonidan qo’shimcha harakat qilinishini talab etadi.
Analogik tarzda, yuqorida ta’kidlab o’tilgan shakllanuvchi va ta’lim beruvchi maqsadlar siyosiy iqtisodiyotda o’zida faqatgina ilk qadamni ifodalaydi, ya’ni talabalar boshqa bir fakultativ fanlar bilan aralash holda to’ldiradilar.
