3. O‘zbekistonning o‘z istiqlol va taraqqiyot yo‘lini tanlashi va hayotga tatbiq etilishi Prezident Oliy Kengashning IX sessiyasida Dastur ahamiyatiga molik bo‘lgan
davlat siyosatining strategiyasini aniq-ravshan ko‘rsatib berdi. Millatlararo
munosabatlarni barqarorlashtirish, fuqarolarga erkinlik berish, jamiyatda ma’naviy
yangilanish uchun barcha sharoitlar yaratish lozimligini, yosh avlod tarbiyasiga
katta e’tibor berish kerakligini, huquqiy davlatda qonun ustuvor bo‘lishini alohida
ta’kidladi.
Tabiiyki, ushbu qoidalar O‘zbekiston istiqloli va taraqqiyotining asosiy
yo‘llarini belgilab berish uchun asos bo‘lib xizmat qildi. Masalaga ana shunday
yondashish - mustaqillikning ilk kunlaridanoq aniq tartib-intizomga rioya qilish,
qonun ustuvorligiga intilish mamlakatda eng murakkab paytlarda barqarorlikni
ta’minlashda muhim omil bo‘ldi.
Davlat O‘zbekistonning mustaqil taraqqiyot yo‘lini ishlab chiqar ekan,
o‘tmishdan, sobiq sovet tuzumidan meros bo‘lib qolgan tajribadan saboq chiqardi.
Ayni chog‘da 90-yillar boshlarida, ya’ni mustaqil taraqqiyotning dastlabki yilida
amalga oshirilgan ijtimoiy-iqtisodiy islohotlarni chuqur tahlil qildi. Shu asosda
soxta inqilobiy sakrashlarsiz, fojiali oqibatlarsiz va ijtimoiy larzalarsiz, evolyutsion
yo‘l bilan dinamik taraqqiyot yo‘liga o‘tish - tanlab olingan yo‘lning asosiy
mazmun va mohiyatidir, - degan xulosaga keldi.
Ma’lumki, o‘zbek xalqi azaldan jamoa bo‘lib, uyushib yashashga odatlangan,
to‘yda ham, azada ham yonma-yon turib, oddiy kunlarda bir-biriga ko‘maklashgan.
Kattalani hurmat qilish, oila va farzandlar to‘g‘risida g‘amxo‘rlik ko‘rsatish,
millatidan qat’i nazar odamlarga xayrixohlik, o‘zgalarga yordam tuyg‘usi o‘zbek
xalqiga tarixan xosdir.
Shuning uchun ham I.Karimov 1992-yil 2-iyulda O‘zbekiston Oliy
Kengashining X sessiyasida «Istiqlol yo‘llari va muammolari» mavzusida nutq
so‘zlar ekan,
