Robert Bremson tarbiyasi qiyin odamlar bilan muomala qilishning bir necha turlarini ajratib kо‘rsatadi7:
Tajovuzkor - agar sо‘ziga quloq solishmasa, kishilarga tojovuz qiluvchi qо‘pol va shallaqilar.
Shikoyatchi – qandaydir g‘oyani о‘zlashtirib olgan xolda boshqalarni katta gunohda ayblovchi, biroq ushbu muammoni echish uchun biror ish qilmaydigan kishi.
“Darg‘azab bolakay” – bu toifa kishilar tabiatan о‘zlarining tо‘g‘ri yoki notо‘g‘ri fikrlarini о‘tkazishga hamda jarayonni tо‘laligicha qо‘l ostida tutib turishga intiladilar.
Maksimalist –garchand zarurati bо‘lmasada, biror-bir ishni ortga sudramaydigan kishi.
Indamas (pismiq) – barcha alamlarini ichiga yutib yuradigan, biroq payti kelganda birdan portlaydigan odam.
“Sirli qasoskor” (ishkallar) – biror-bir nayraglar yordamida noqulayliklarni yuza keltiruvchi, “notо‘g‘ri qilingan ish uchun о‘zini alolat о‘rnatuvchi” deb hisoblaydigan kishi.
Ikkiyuzlamachi yoki “Yolg‘onchi g‘amhur” – о‘zini sizga yaxshilik qilayotgan kabi kо‘rsatadi, biroq qalbida boshqalarga nisbatan adovat, kо‘rolmaslik mavjud bо‘lgan odam.
“Surunkali ayblovchi” – doimiy ravishda о‘zgalarning aybini qidiradigan (tirnoq orasidan kir qidiradigan), о‘zini doimo haq deb hisoblaydigan shaxs.
Hayotda uchraydigan bu kabi odamlarning toifalari talaygina.
Shu munosabat bilan ziddiyatli xolatlarda yoki tarbiyasi qiyin odamlar bilan muomala qilganingizda siz nafaqat dо‘stlik degan tushunchaning ma’nosini anglaysiz, balki muomalaning yuksak sifatlarini ham о‘zlashtirib borasiz. Dialektikaning ahamiyati aynan mana shu jarayonda namoyon bо‘ladi.
Kо‘rinib turibdiki, ziddiyatlar insonlararo muomala madaniyatida tez-tez xissiyotli xolatlarni yuzaga keltiradi va ayni paytda munosabatlarni chigallashtirishga hamda murakkablashtirishga olib keladi.
