Iv guruh kationlari analitik reaksiyalari

3. Ammoniy sulfid - (NH₄)₂S gidrolizlanib, NH₄HS va NH₄OH
hosil qiladi. Gidroliz reaksiyasi natijasida hosil bo'lgan NH₄OH alyuminiyni gidroksid shaklida cho'ktiradi:
A1³⁺ + 3(NH₄)₂S + 3H₂O→ A1(OH)₃↓ + 3NH₄HS + 3NH⁺
4. Natriy, kaliy karbonat tuzlari suvli eritmalarda ishqorli gidrolizlangani uchun alyuminiy ioniga ta'sir ettirilganda alyuminiy gidroksid hosil bo'ladi:
CO₃^2- +H₂O → HCO₃^- + OH^-
A1³⁺ + 3OH^-→Al(OH)₃↓
5. Natriy atsetat - CH₃COONa alyuminiy tuzlari eritmalari bilan oq rangli pag'asimon (bodroqsimon) cho'kma hosil qiladi:
A1³⁺ + 3CH₃COO^- + 2H₂O →Al(OH)₂CH₃COO↓ + 2CH₃COOH
Hosil bo'lgan oksiatsetat sirka va mineral kislotalarda eriydi. Reaksiya ancha suyultirilgan eritmalarda yuqori haroratda tez boradi.
6. Natriy gidrofosfat - Na₂HPO₄ alyuminiy ioniga ta'sir etganda oq rangli A1PO₄ cho'kma hosil bo'ladi:
A1³⁺ + 2HPO₄^2- → AlPO₄↓ + H₂PO₄^-
Ma'lum bo'lishicha, gidrofosfat eritmasida amalda fosfatli bufer
aralashma (Na₂HPO₄+NaH₂PO₄) hosil bo'lib, uning pH qiymati 6,6
atrofida bo'ladi.
Fosfat tuzi quyidagi reaksiya natijasida hosil bo'ladi:
2HPO₄^2- → PO₄^3- + H₂PO₄^-
7. Alizarin (dioksiantraxinon) - C₁₄H₆O₂(OH)₂ alyuminiy tuzi va ammiak eritmasi bilan qaynatilganda, to'q sariq-qizil rangli ichki kompleks birikma - «alyuminiyli alizarin loki»ni hosil qiladi:
Alyuminiyli lok sirka kislotada erimaydi. Eritma sovigach, cho'kmaga biroz sirka kislotasi qo'shilsa, rang intensivligining pasayishini kuzatish mumkin.