Xalqaro hisob-kitoblar (Mejdunarodnie rascheti, International settlements )
– tashqi savdo, kapitallar va kreditlarning harakati bilan bog’liq valyutaviy operatsiyalar,
valyutada oldi-sotdi qilish operatsiyalari va boshqa tovarsiz harakatdagi operatsiyalar
majmui tushuniladi.
Xalqaro Valyuta Fondi (Mejdunarodniy valyutniy fond, International Monetary Fund) – a’zo davlatlar o’rtasida valyuta-kredit munosabatlarini tartibga solish
va ularga to’lov balansining kamomadi bilan bog’liq valyutaviy qiyinchiliklar paytida
chet el valyutasida qisqa va o’rta muddatli kreditlar berish yo’li bilan moliyaviy yordam
ko’rsatish uchun mo’ljallangan hukumatlararo tashkilotdir.
Xalqaro korporatsiyalar (Mejdunarodnie korporatsii, International corporations) – jahon tovar va ishlab chiqarish omillari bozorlariga sezilarli darajada
ta’sir ko’rsatuvchi yirik kompaniyalardir.
Xalqaro iqtisodiy xavfsizlik (Mejdunarodnaya ekonomicheskaya bezopasnost, International economic security) – mamlakatlarning iqtisodiy
manfaatlariga zarar keltiruvchi xavflar va ularning iqtisodiyotini izdan chiqarishga
bo’lgan urinishlarni bartaraf etishning kafolatlangan mexanizmini yaratishga qaratilgan
kompleks chora-tadbirlar yig’indisi.
Xalqaro iqtisodiy integratsiya (Mejdunarodnaya ekonomicheskaya integratsiyab International economic integration) – milliy iqtisodiyotlarning yagona
ishlab chiqarish jarayoniga qo’shilishi.
Xalqaro moliya tashkilotlari (Mejdunarodnie finansovie instituti, International financial institutions) – jahon iqtisodiyoti barqarorligini ta’minlash
uchun moliya va valyuta-kredit munosabatlarini tartibga solish maqsadlarida davlatlararo
kelishuv asosida tashkil etilgan xalqaro tashkilotlarni ifodalaydi.
