J. Ataniyazov, E. Alimardonov, F. Hamidova xalqaro moliya bozori tahlili toshkent-2019
Yüklə 1,74 Mb. Pdf görüntüsü
|
|
J.Ataniyazov, E.Alimardonov, F.Hamidova XALQARO MOLIYA BOZORI TAHLILI TOSHKENT-2019 2 J.Ataniyazov, E.Alimardonov, F.Hamidova. Xalqaro moliya bozori tahlili, o’quv qo’llanma. – T.: TMI, 2019. ___ bet. Ushbu o’quv qo’llanma O’zbekiston Respublikasi Oliy va o’rta maxsus ta’lim vazirligining 201__ - yil “___” ____dagi “____”-sonli buyrug’i bilan tasdiqlangan fan dasturi asosida ishlab chiqilgan. Taqrizchilar: D. Rahmanov Bank-moliya akademiyasi «Moliya» kafedrasi mudiri (turdosh OTMdan) U. Radjabov TMI “Xalqaro moliya-kredit” kafedrasi dotsenti “Xalqaro moliya bozori tahlili” fanidan o’quv qo’llanma.Toshkent moliya instituti Kengashida ko’rib chiqilgan va nashrga tavsiya qilingan (2019 yil “28” sentabrdagi 2/11.3- sonli bayonnoma). 3 KIRISH Mamlakatimizda ijtimoiy-iqtisodiy islohotlarni izchil amalga oshirish, milliy iqtisodiyotni yangi davr darajasiga ko’tarish, eksportga yo’naltirilgan ishlab chiqarish tarmoqlarini vujudga keltirish va jahon iqtisodiyoti integratsiyasiga jadal kirib borish xalqaro moliya munosabatlarini barqaror rivojlantirishni taqozo etadi. Hozirgi vaqtda mamlakatimiz ijtimoiy-iqtisodiy taraqqiyoti iqtisodiyotni modernizatsiyalash, ishlab chiqarishda tarkibiy o’zgarishlarni amalga oshirish, iqtisodiyot tarmoqlarida zamonaviy texnika-texnologiyalarni joriy qilish va shu asosda raqobatbardoshlikka erishish, jahon bozorlaridan mustahkam o’rin egallash, mamlakatimizning eksport salohiyatini oshirish kabi vazifalarni amalga oshirish bilan bevosita bog’liq. Mazkur masalalarni ijobiy hal qilishda mamlakatning xalqaro moliya bozoridagi ishtiroki muhim o’rin tutadi. “Xalqaro moliya bozori tahlili” fanini o’qitishdan asosiy maqsad xalqaro moliya bozorining zamonaviy tuzilishi, mamlakatlarda shakllangan xalqaro moliya bozorlari, xalqaro moliya bozorini tahlil qilish va prognozlash usullari, hozirgi davrdagi milliy moliya bozorini xalqaro bozorga integratsiyasini rivojlanishining asosiy yo‘nalishlarini ishlab chiqish bo‘yicha nazariy-amaliy bilimlarni shakllantirishdan iboratdir. Bugungi kunda jahon bozori kon’yunkturasi keskin o’zgarib, globallashuv sharoitida raqobat tobora kuchayib borayotgani mamlakatimizni yanada barqaror va jadal sur’atlar bilan rivojlantirishni taqozo etmoqda. Ma’lumki, olib borilayotgan islohotlar samarasini yanada oshirish, davlat va jamiyatning har tomonlama va jadal rivojlanishi uchun shart-sharoitlar yaratish, mamlakatimizni modernizatsiya qilish hamda hayotning barcha sohalarini liberallashtirish bo’yicha ustuvor yo’nalishlarni amalga oshirish maqsadida, O’zbekiston Respublikasi Prezidentining 2017 yil 7 fevraldagi PF-4947-sonli Farmoni bilan “2017- 2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasi” qabul qilindi. 4 Ushbu “Xalqaro moliya bozori tahlili” fanini chuqur o’rganish orqali talabalar xalqaro moliya bozorining iqtisodiy taraqqiyotga ta’siri, xorijiy investitsiyalar va xalqaro moliyaviy operatsiyalar haqida tasavvurga ega bo’ladi, xalqaro moliya bozorining xususiyatlari va faoliyati yo‘nalishlarini, xalqaro moliya bozorini shakllanishi va rivojlanish tendensiyalarini, xalqaro moliya bozori nazariyasi va faoliyati asoslarini, ularning ixtisoslashuvi, tuzilishi, faoliyati doirasini biladi va ulardan foydalana oladi, xalqaro moliya bozorining taraqqiyoti va hozirgi sharoitida unda bitimlar tuzish orqali turli pul oqimlarini samarali boshqarish; xalqaro moliya institutlari va xalqaro moliya bozorining investitsiyalarni moliyalashtirish vositalarini talabga mos ravishda eng qulayini tanlash, xalqaro hisob-kitoblar shakllarini to‘g‘ri tanlash va moliya bozoridagi o‘zgarishlarni prognozlashtirish bo‘yicha ko‘nikmalariga ega bo‘ladi, xalqaro moliya bozorida tuzilayotgan va ishlatilayotgan moliyaviy bitimlarni texnik-iqtisodiy va moliyaviy tahlil qilish, ularni aniq sharoitlarda samarali ijro etilishini ta’minlash; xalqaro moliya bozorini o’rganish bilan hamkorlik aloqalarining optimal shakllarini va muddatlarini belgilash haqida malakaga ega bo‘ladi. Shu bilan birgalikda, mazkur fanni o’qitish “2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasi”da belgilangan iqtisodiyotni rivojlantirish va liberallashtirishning ustuvor yo’nalishlarini samarali tarzda amalga oshirishga qaratilgan mutaxassis kadrlarni tayyorlashda muhim o’rin tutadi. Ushbu fanni o’qitishda moliyaviy globallashuv va xalqaro moliyaviy integratsiya, xalqaro moliya bozori va uning evolutsiyasi, xalqaro valyuta va elektron pullar bozori, xalqaro ssuda kapitallari bozori, xalqaro investitsiya bozori, xalqaro aksiyalar bozori, xalqaro qarz qimmatli qog‘ozlar bozori. Evroobligatsiyalar, aktivlar sekyuritizatsiyasi vositalarining xalqaro bozori, hosila moliyaviy vositalarning xalqaro bozori, kabi masalalar chuqur o’rganiladi. Yüklə 1,74 Mb. Dostları ilə paylaş:
|