Jajji Zumradoylar Dono buvi huzurida”

Buvi: Meni gaplarimga quloq sol qizim. (Qiz bolaga xos fazilat)

Quloq tuting menga bir zum,

So`zim bo`lmang atayin

Tinglang meni, qizlarjon,

Sizga bir gap aytayin.

Shirin so`z muloyimlik,

Eng yoqimli fazilat.

O`zin sipo tutishlik,

Qizbolaga xos xislat.

Salima: Tovushni baland qo`yib,

Gapirish odobdanmas.

Tirnog`imiz bo`lsa kir,

Hech kim qilmaydi havas.

Karima: Tish yuvaylik har kuni,

Turadi u yaltirab.

Sochlarimizni yuvib,

Yuraylik o`rib, tarab.

Nozima: Dugonajon, bo`laylik,

Saranjom-u, sarishta.

Bizlar o`rnak bo`laylik,

Boshqalarga har ishda.

Buvi: Qattiq kulmas qiz bola,

Kattalar qilar uyat.

Odobli bo`lsangiz gar,

Maqtashar sizni har vaqt.

Ota-ona hurmatin,

Qo`yinglar joy-joyiga.

Ular kirsa eshikdan,

Gul to`shanglar poyiga.

Supurib hovlingizni,

Idishlarni yuvinglar.

Changlarni artib qo`yib,

Ozoda qiz bo`linglar.

Shunda ota-onangiz,

Sizdan xursand bo`ladi.

“Asal qizim”, deb suyib,

Sizni duo qiladi.

Qizlar: Bizlar albatta sizning aytganlaringizni bajaramiz.

Qizcha: Biz Qimmatga o`xshab somsa tugib bilmayman, deb o`tirmaymiz.

Buvi: Qani kelinglarchi, mana bu yerda somsaga xamir tayyorlab qo`yganman. Hozir hammangizning chaqqonligingizni bir sinab ko`ramiz.
“Somsa tugish” Qimmat bilan bellashuv o`tkaziladi. Qimmatning ishi ham hammaga manzur bo`ladi. Ikki qiz somsalarni pishirish uchun olib ketishadi.



Buvi: Barakalla qaqajonlarim, hammangiz juda chaqqon ekansizlar. Ayniqsa Qimmat ancha uquvli qiz bo`lib qolibdi. Siz odob haqida ancha narsalarni bilar ekansizlar. Aytinglarchi odobning qanday turlarini bilasiz?

• 
  Salomlashish odobi
  
• 
  Dasturxon odobi
  
• 
  O`rtoq bo`lish odobi
  
• 
  Kiyinish odobi
  
• 
  Ko`chada yurish odobi
  
• 
  Qo`shnichilik odobi
  

Buvi: Barakalla, bobo va buvijonlarni hurmat qilish haqida nimalarni bilasiz?

7-qizcha: Derlar qari bilganin,

Parilar bilmaydilar.

Qariyalar hech kimni,

Xafahol qilmaydilar.

Ular zukko, donodir.

Nasihatgo`y, mehribon.

Xuddi ular aytganday,

To`g`riso`zbo`l, o`rtoqjon.

8-qizcha: Chorlasalar, “Labbay” deb,

So`zlariga quloq sol.

Agar ish buyursalar,

“Xo`p bo`ladi”, de darhol.

Ularning har bir so`zi,

Duru gavhar, tillodir.

Yo`q, tillomas, aslida,

Tillodan ham a’lodir.

9-qizcha: Bobo-buvijonlarning,

Duosini olaylik.

Choy ichsalar, choyiga,

Shakar, novvot solaylik.

Bizni chorlab yoniga,

Aytsalar gar nasihat.

Nasihatga hamisha,

Amal qilaylik albat.

10-qizcha: Bobojonlar pir bo`lar,

Buvijonlar farishta.

Nabiralarga ular,

O`rnak bo`lar har ishda.

Buvijonim juda ko`p,

Aytar ertak, rivoyat.

Bobojonim oqshomlar,

O`rgatar hadis, oyat.

11-qizcha:Yod olsak so`zlarini,

Aqlimiz ko`p bo`ladi.

Shunda barcha bolalar,

Bizga havas qiladi.

Buvi: Qizlarim, sizlar bilan suhbatlashish menga juda ham qiziqarli bo`layapti. Sizlarni yana bir sinab ko`raman.

“Salat tayyorlash” bellahuvi o`tkaziladi.

Buvi: Barakalla. Qani aytinglarchi: