Journal of new century innovations

---

JOURNAL OF NEW CENTURY INNOVATIONS 
http://www.newjournal.org/ 

Volume–31_Issue-2_Iyun_2023 
119 
TEKISLIKDA TO‘G‘RI CHIZIQLARNING TURLI TENGLAMALARI 
MAVZUSINI O‘QITISHDA INTERFAOL METODLARDAN 
FOYDALANISH 
Amonov Zikrillo Shukrullo o‘g‘li 
Buxoro davlat universiteti talabasi 
[e-mail]
 
Annotatsiya:
Yangi pedagogik texnologiya taʼlimning, xususan, Matematika 
taʼlimining maʼlum maqsadga yo‘naltirilgan shakli, usuli va vositalarining 
mahsulidir. Kuzatuvlar shuni koʼrsatadiki, aksariyat hollarda talaba dars jarayonida 
faqat o‘zi ishlaydi, talabalar esa kuzatuvchi bo‘lib qolaveradilar. Mazkur ishda 
Matematika ta’limini hayot bilan bog‘lashni, talabalarning fikrlash qobiliyatini 
o‘stirish, o‘qitish samaradorligini oshirish uchun ta’lim metodlaridan biri “Keys-
stadi” metodi haqida so‘z yuritilgan, unga doir misollar keltirilgan va matematika 
faniga oid keys turlari haqida so‘z yuritilgan. 
Kalit so‘zlar:
Yangi pedagogik texnologiya, “Keys-stadi” metodi, keysning 
turlari, DTS va namunaviy о‘quv dastur, ishchi о‘quv dastur, elektron ta’lim 
resurslari. 
Bugungi kunda yurtimizda Matematika taʼlimi va ilm-fanini rivojlantirish 
bo‘yicha olib borilayotgan keng ko‘lamli islohotlar, Matematika taʼlim mazmunini 
takomilashtirishga oid qabul qilingan hukumat qarorlari, Matematika taʼlimni hayot 
bilan bog‘lashni, o‘qitish samaradorligini oshirishni, tez taraqqiy etib borayotgan 
jamiyat uchun har tomonlama rivojlangan barkamol avlodni tarbiyalab etishtirishni 
talab qiladi. Shu o‘rinda Matematika taʼlimi jarayoniga yangi pedagogik 
texnologiyalarning kirib kelishi va qo‘llanishi davr talabi bilan bevosita bog‘liqdir.
Yangi pedagogik texnologiya taʼlimning, xususan, Matematikaning Analitik 
geometriya bo‘limi taʼlimining maʼlum maqsadga yo‘naltirilgan shakli, usuli va 
vositalarining mahsulidir. Kuzatuvlar shuni ko‘rsatadiki, aksariyat hollarda o‘qituvchi 
dars jarayonida faqat o‘zi ishlaydi, talabalar esa kuzatuvchi bo‘lib qolaveradilar. 
Taʼlimning bunday ko‘rinishi talabalarning aqliy tafakkurini o‘stirmaydi, faolligini 
oshirmaydi, taʼlim jarayonidagi ijodiy faoliyatini so‘ndiradi. Shuningdek, ilg‘or 
pedagogik texnologiya asosida tashkil etilgan darslar [1-4] o‘quvchilarni 
bilimlarining yaxlit o‘zlashtirilishiga yordam beradi, talaba tafakkurini o‘stiradi, 
mustaqil, ijodiy fikrlashga o‘rgatadi. Zero, barkamol avlod tarbiyasi jamiyat madaniy-
maʼrifiy taraqqiyotining, millat maʼnaviy kamolotining muhim belgisidir. Mazkur 
ishda Analitik geometriya fani misolida “Keys-stadi” metodining mazmun-
mohiyatini ochib berishga harakat qilamiz.

---