K. D. Ushinskiy-pedagoglik faoliyatini ilmiy-ijtimoiy ish bilan birga ko‘shib olib bordi. 1848 yilda uning birinchi ilmiy ishi-«Kameral fanlarni o‘kitish xaqida» degan asari nashr kilindi. Bu asarda Ushinskiy oliy o‘

Konstantin Dmitrievich Ushinskiy (1824—1870)Mashxur rus pedagogi, rus pedagogikasi va xalq maktablarining asoschisi, «rus o‘qituvchilarining o‘qituvchisi» Konstantin Dmitrievich Ushinskiy 1824 yilning 19 fevralida Tula shaxrida tug‘ildi.

Ushinskiy 9 yoshga qadar oilada tarbiyalanib, savod chikardi. So‘ngra Novgorod-Seversk gimnaziyasiga o‘qishga kirib, uni 1840 yilda muvaffaqiyatli tamomladi. Usha yili Moskva dorilfununining xuquqshunoslik fakultetiga o‘qishga kirdi va usha davrning mashxur professori Redkinning bevosita raxbarligi ostida talim oldi.

Ushinskiy 1845 yilda YAroslavl litseyiga kameral (xukukshunos) fanlar professori vazifasini bajaruvchi sifatida xizmatga kirdi. U uch yillik dastlabki pedagoglik faoliyatida katta istedod egasi, ekanini namoyish eta oddi. SHuningdek, Ushinskiy zo‘r ishtiyok bilan o‘qituvchilik ishini olib borib, talabalarga xavas bilan bilim berishga xarakat qildi. Ularda ilm-fanga nisbatan qiziqish uyg‘otdi, eng muximi, o‘z xalk va ona yurtini jondan sevish, ardoklash xamda vijdonan xalol mexnat qilishga da’vat etdi. Bu yosh va iste’dodli professorning mazmunli ma’ruzalarini litsey talabalari maroq bilan tinglab, chukur va mustaxkam sabok olar edilar.

K.D.Ushinskiy-pedagoglik faoliyatini ilmiy-ijtimoiy ish bilan birga ko‘shib olib bordi. 1848 yilda uning birinchi ilmiy ishi-«Kameral fanlarni o‘kitish xaqida» degan asari nashr kilindi. Bu asarda Ushinskiy oliy o‘kuv yurtlaridagi mavjud o‘qitish tizimiga nisbatan tanqidiy ko‘z bilan qaradi. Hukumat tomonidan erkinlik berilishini talab etdi. o‘kitish tizimini yaxshilashga oid yirik uslubiy muammolarni o‘rtaga qo‘yib, ularni qanday xal etish yo‘llarini ko‘rsatib berdi.

Ushinskiyning ilm-fanni demokratik tarzda targ‘ib etishi reaksion doiralarga ma’qul tushmadi. 1849 yil sentyabrida Ushinskiy va uning do‘stlari, demokratik ruxdagi o‘qituvchilar, siyosatda shubxali, xukumatga ishonchsiz kishilar sifatida litseydan chetlatildi. K.D.Ushinskiy boshqa ish topish maksadida 1849 yilda Peterburgga ko‘chib borib, juda katta qiyinchiliklardan so‘ng 1850 yilda ichki ishlar vazirligida kichik bir amaldor vazifasida ishlashga majbur bo‘ldi va u erda turt yil ishladi. Ushinskiy faqat 1854 yildagina YAroslavl -litseyi sobiq direktorining tavsiyasi bilan Gatchino institutida til-adabiyot va qonunshunoslik o‘qituvchisi bo‘lib ishga kiradi va u erda tez fursatda shu institutning sinflar inspektori vazifasiga ko‘tarildi. Ushinskiyning pedagogik faoliyati tom manosi bilan ana shu vaqtdan boshlandi. U 1859 yilda Smolniy institutining sinflar inspektori vazifasiga tayinlandi. Unga shu institutning juda achinarli xolga tushib qolgan ilmiy bo‘lim ishlarini qaytadan tartibga solishday muxim topshiriq yuklandi. Ushinskiy bu ishni epchillik bilan puxta bajarib, pedagoglik jarayonni uyushtirish soxasida o‘zining katta kobiliyat soxibi ekanini ko‘rsatdi. SHu bilan birga uning pedagogika masalalariga bag‘ishlangan va muntazam chop etilayotgan nazariy tadqiqotlari uning faqat amaliyotchi emas, balki o‘z ixtisosi bo‘yicha kuchli nazariyotchi ekaligini ko‘rsatdi.

Ushinskiy 1857 yildan boshlab «Tarbiya jurnali» («Jurnal dlya vospitaniya» )da, so‘ngra «Xalq maorifi jurnali»da juda ko‘p sermazmun maqolalar e’lon qildi. 1860 yilda u «Xalq maorifi jurnali»ning muxarriri qilib tayinlandi. Ushinskiy 1861 yilda o‘zining «Bolalar dunyosi» («Detskiy mir») nomli o‘kish kitobini nashr ettirdi». Bu kitob o‘sha yilning o‘zidayok ikki marta chop etildi.

Ushinskiyning pedagogik farliyatiga soya soluvchi (1862 yil) imzosiz xat uni o‘z ishini tuxtatishga majbur qildi. Bu xatda u go‘yo siyosiy jixatdan ishonchsiz kishi deb, ayblangan edi. Buning oqibatida u chet ellardagi xotin-qizlar maorifining yo‘lga qo‘yilishini o‘rganish va pedagogikadan darslik yozish uchun o‘z vatanidan ketishga majbur bo‘ldi. U xorijiy mamlakatlar-da yurgan davrida o‘zining butun kuch-g‘ayratini talim-tarbiyaga doir asarlar yozish va ularni chop zttirishga yo‘naltirdi. Natijada,, 1861 yilda uning I va II o‘kuv, yillari uchun «Ona tili» darsligi nashr etildi va unga «Muallimlar uchun qo‘llanma» degan uslubiy asari e’lon qilindi. 1870 yilda zsa III o‘quv yili uchun xam «Ona tili» darsligi bosilib chiqdi. Bundan tashqari, Ushinskiyning pedagogika soxasidagi asosiy nazariy asari xisoblangan «Kishi—tarbiya asoschisi sifatida» («Pedagogik antropologiyadan tajriba») nomli asari ayrim jildlarga bo‘linib nashr qilina boshlandi. 1867 yilda bu asarning I jildi, 1869 yilda II jildi bosilib chiqdi. Ushinskiy bu kitobning xamma jildlarini qisqartirib, ingliz tiliga tarjima qilish maqsadida uchinchi jild ustida, zo‘r g‘ayrat bilan ishlay boshladi. Afsuski, bu ishni tamomlash unga nasib bo‘lmadi. U Qrimda davolanish paytida qattiq shamollab qoldi. Bu shamollash va zo‘r berib ishlashi xamda xizmati bilan bog‘liq bo‘lgan ko‘ngilsizliklar orqasida sog‘lig‘i yomonlashdi. 1870 yil 21 dekabrda Odessada zotiljam kasalidan vafot etdi.

Tarbiyaning xalqchilligi xaqidagi g‘oya Ushinskiyning pedagogik nazariyasidagi eng asosiy g‘oyadir. "Xar bir mamlakatda bolalarni tarbiyalash tizimi", deb aytgan edi u, "Xalkning rivojlanish sharoitlari, uning extiyoj va talablari bilan belgilangan". «Hamma uchun umumiy bo‘lgan birgina tug‘ma moyillik borki, tarbiya xamisha shunga tayanishi mumkin: bu biz xalqchillik. deb atagan narsadir. Xalqning o‘zi tomonidan yaratilgan va xalqchillik asosiga qurilgan tarbiya shunday tarbiyaviy kuchga egaki, bunday kuch abstrakt g‘oyalarga asoslangan yoki boshqa xalqlardan olingan, eng yaxshi tizimlarda xam yo‘qdir».

Ushinskiy xalq manfaatlariga muvofiq tuzilgan tarbiya tizimi bolalarda vatanparvarlik va milliy iftixor, mexnatga muxabbat kabi qimmatli psixologik tuyg‘ularni va axloqiy sifatlarni rivojlantirishi va mustaxkamlashini isbotlar edi. U bolalarning ilk yoshlik chog‘idan boshlab xalq madaniyati bilimlarini o‘zlashtirishini, ona tilini egallab olishini, xalq og‘zaki ijodi asarlari bilan tanishishini talab kilar edi.

Ushinskiy xalqchillik deb xar bir xalqning o‘ziga xosligini tushunar ediki, bu o‘ziga xoslik, o‘sha xalq yashashi va mexnat qilishi lozim bo‘lgan tarixiy taraqqiyot, geografik va tabiiy sharoitlar bilan ifodalanadi.

U «Ijtimoiy tarbiyada xalq ruxi xaqida» sarlavxali maqolasida tarbiyaning xalqchillik ruxida bo‘lishi kerakligi to‘g‘risidagi taxlilni turli xalqlarda tarixan tarkib topgan alomatlarni xarakterlashdan boshlaydi. Ushinskiy fransuz, ingliz, nemis va amerika tarbiyasini to‘g‘ri deb xisoblaydi va uni chukur taxlil qiladi. Ayniqsa o‘sha zamondagi reaksion nemis pedagogikasini tanqid qilishga mufassal to‘xtaydi. CHorizm shu pedagogika muxlisi adi. Bu pedagogikani mexanik suratda rus tuprog‘iga ko‘-chirishning aqlga mutlaqo muvofiq emasligini Ushinskiy isbot qiladi.

K. D. Ushinskiy, rus xalqi tarbiyasining asosiy tomoni bolalarni vatanparvarlik, Vatanga chuqur muxabbat ruxida o‘stirishdan iboratdir, deydi. Ushinskiy tarbiyada xalq ruxining eng yaxshi ifodasi ona tili ekanligini, rus bolalarini o‘qitishda rus tili asos bo‘lishi kerakligini, boshlang‘ich maktablardagi ta’lim xam bolalarni rus tarixi, Rossiya geografiyasi va uning tabiati bilan muntazam tanishtirilib borilmog‘i kerakligini bir necha bor aytib o‘tadi va buni aniq misollar bilan isbotlab boradi.

K. D. Ushinskiy rus xalqi XVII asr boshida polyak bosqinchilariga karshi kurashda, 1812 yilgi Vatan urushida, 1853 — 1855 yillarda Qrim kampaniyasidagi kahramonligi bilan o‘zining Vatanga bo‘lgan zo‘r muxabbatini ko‘rsatdi va ko‘rsatmoqda, deb aytdi. Ammo, Ushinskiy fikricha, «Vaqti-vaqti bilan qo‘zg‘aluvchi xaqiqiy arslon kuvvat» tuyg‘usi bizda faqat vatanga xavf tug‘ilgan vaqtdagina jo‘sh urib chiqadi. Biroq xalq ruxi bilan sugorilgan tarbiya esa bu vatanparvarlik shaxsning grajdan ijtimoiy burchi ekanligini, uni bajarishda xamisha va kun sayin ko‘rsatib turishga o‘rgatishi kerak deb ko‘rsatib o‘tadi.

Bu tarbiya bolalarda milliy iftixor tuyg‘usini o‘stirishga xizmat etishi, ammo shovinizmga yot va boshka xalklarni xurmat qilish bilan birlikda bo‘lmog‘i kerak. Bu tarbiya bolalarda vatan oldidagi burchini xis qilish tuyg‘usini o‘stirishi, o‘z shaxsiy manfaatidan umum manfaatini ustun qo‘yishga o‘rgatishi lozim.

Ushinskiy rus xalkining kudratli ijodiy kuchiga chuqur ishondi, xalq maorifi ishi xalqning o‘z ixtiyoriga berilishi va xalq maorifi xukumatning og‘ir va uning taraqqiysiga to‘sqin bo‘ladigan vasiyligidan ozod etilishi kerak, deb talab qildi. Ushinskiy: «Rossiyaning tarixidan yaxshi xabardor bo‘lgan kishi bir minut xam o‘ylab turmasdan, xalq maorifini xalqning o‘z ixtiyoriga berishi kerak».— deb yozgan edi.

Ushinskiyning pedagogika tizimida ona tilining tarbiyaviy yutug‘i va ta’limiy axamiyati xam tarbiyaning asosi bo‘lgan xalqchillik bilan chambarchas borliqligidadir.

Ushinskiy o‘zining «Ona tili» sarlavxali ajoyib maqolasida bunday deb yozgan edi: "Xalk tili — uning qadim zamonlardan boshlanuvchi butun manaviy xayotining eng yaxshi, xech qachon so‘lmaydigan, doimo yangidan ochilib yashnab turadigan gulidir". Butun xalq va uning vatani til bilan tirikdir; vatanning ko‘m-ko‘k osmoni, xavosi, tabiati, iklimi, dalalari, tog‘ va vodiylari, o‘rmon va daryolari, bo‘ronlar va momakaldiroklar— bularning xammasi xalq ijod etgan til orqali ifodalanadi. Ona-vatan tabiatining chuqur fikr va tuyg‘ular bilan to‘liq sadosi kishining o‘z Vataniga bo‘lgan muxabbatida namoyon bo‘ladi, xalq kuylari va ashulalarida, xalq shoirlari sherlarida yangraydi. Ona-vatan tabiatigina emas, balki xalq manaviy xayotining butun tarixi xam xalqning erkin va sof tili orkali ifodalanadi. Xalk avlodlari birin-ketin yashab o‘taveradi, ammo xar bir avlod xayotining natijalari keyingi avlodlarga til orqali meros bo‘lib o‘tadi. Xar bir avlod o‘z xis-tuyg‘ularini, tarixiy voqealar, diniy etiqod, maslak natijalarini, boshidan kechirgan qayg‘u va xursandchiliklarini ona tili xazinasiga qo‘shadi,- deb uqtiradi.

Ushinskiyning fikriga ko‘ra ona tili «xali na kitob, na maktab bo‘lmagan vaqtlarda xalqqa xam talim bergan» va madaniyat paydo bo‘lgan vaqtdan buyon xalqni o‘rgatishda davom etayotgan «buyuk xalq murabbiysidir». Ona tili «bizning g‘oyalarni, bilimlarni o‘zlashtirib olishimizda, so‘ngra ularni keyingi avlodlarga berishimizda eng asosiy vositadir. K. D. Ushinskiy ona tilini egallab olishga elementar ravishda o‘rgatishni asosiy vazifa deb xisoblagan edi. «Ona tilini asta-sekin tushunishga doir bu ish, o‘tishning dastlabki kunlaridanoq boshlanishi kerak va insonning butun kamoloti uchun o‘zining birinchi darajada muximligiga ko‘ra tarbiyaning eng asosiy vazifalaridan birini tashkil ztishi kerak». Xalq maktabida ona tili, Ushinskiyning fikricha, «boshqa xamma fanlarga kiruvchi va o‘zida ularning natshkalarini yig‘uvchi asosiy, markazga aylanishi kerak.

Ushinskiy boshlang‘ich ta’lim kursining asosiy yo‘nalishi va mazmunini belgilash xamda xalq maktabida birinchi bor ona tilini o‘qitish ishlarini yaxshilash, uni bolalarning akliy, axloqiy va estetik tarbiyasiga yordam beruvchi o‘quv darsligiga aylantirish ustida juda ko‘p ishladi.

Ushinskiyning bolalarga ona tilida talim beruvchi xalq maktabi xaqidagi fikrlari rus xalk maktabi qurilishida va CHor Rossiyasi sharoitida bolalarni ona tilida o‘qitish, milliy madaniyatni rivojlantirish uchun kurash olib borayotgan, rus bo‘lmagan xalqlarning maktab ishida katta axamiyatga ega edi.

Bola, deb xisoblaydi Ushinskiy, ilk yoshlik chog‘idayoq xalk madaniyati belgilarini o‘zlashtira boshlaydi, bularni avvalo ona tilini bilish yo‘li bilan o‘rganadi: «Bola o‘z tevarak-atrofidagi kishilarning ma’naviy xayotiga faqat ona tili vositasida kirib boradi va aksincha, bolaning tevarak-atrofidagi olam fakat o‘sha muxit — ona tili vositasida unda o‘zining ma’naviy tomoni bilan aks etadi». SHuning uchun oilada, bolalar bog‘chasida, maktabdagi ta’lim-tarbiyaviy ishlarning xammasi ona tilida olib borilishi kerak.

Ushinskiy ilk yoshlik chogidan boshlab bolalarning nutqi va tafakkurini rivojlantirishga doir qimmatli maslaxatlar berdi, bu maslaxatlar xozirgi kunda xam o‘z axamiyatini yo‘qotgani yo‘q. U bolalarda nutqning rivojlanishi tafakkurning rivoyaslanishi bilan chambarchas bog‘likligini isbotlab berdi xamda fikr va til ajralmas birlikda bo‘lishini ko‘rsatdi: Til fikrning so‘zdagi ifodasidir. «Til,— deb yozgan edi Ushinskiy,— fikrdan chetlashgan biron bir narsa emas, balki, aksincha, unda asoslanayotgan va muttasil undan paydo bo‘layotgan uning organik maxsulidir». Bolalar nutqini rivoyaslantirishdagi asosiy narsa fikrlyash qobi-liyatlarini rivojlantirish, o‘z fikrlarini to‘g‘ri ifodalashga o‘rgatishdir. «Tilni fikrdan ajratilgan xolda rivojlantirish mumkin emas, xatto uni fikrdan afzalroq qilib rivojlantirish ijobiy jiqatdan zarardir».

K. D. Ushinskiy mustaqil fikrlar bolaning tevarak-atrofidagi narsa va xodisalar to‘g‘risida mustaqil ravishda egallab olingan

bilimlardan kelib chiqishini isbotlab bergan edi. SHuning uchun bolaning ma’lum bir fikrni mustaqil tushunishning zaruriy sharti ko‘rsatmalilikdir. Ushinskiy ta’limning ko‘rsatmaliligi bolalar nutki va tafakkurining rivojlanishi bilan chambarchas bog‘liqligini ko‘rsatib berdi. U shunday deb yozgan edi: «Bolalar tabiati ko‘rsatmalilikni talab etadi», «Bolalar shakllar, obrazlar, ranglar, tovushlar, umuman sezgilar bilan fikrlyaydi, bolani boshqacha fikrlashga majbur qilmoqchi bo‘lgan tarbiyachi, bolalar tabiatini bekorga va zararli suratda zo‘rlagan bo‘ladi». U tarbiyachilarga oddiy mashqlar yo‘li bilan bolalarda turli narsa va xodisalarni kuzatish qobiliyatini rivojlantirishni, bolalar ongini mumkin qadar to‘liq, aniq yorqin obrazlar bilan boyitishni (bular keyinchalik ularning fikrlash jarayoni elementlariga aylanadi) maslaxat bergan edi. SHunday qilish kerakki,— deb yozadi u,— narsa bolaning qalbida bevosita aks etsin va o‘qituvchining ko‘z o‘ngida xamda uning raxbarligida bolaning sezgilari tushunchalarga aylansin, tushunchalardan fikrlar tuzilsin va fikr so‘zlar bilan ifoda qilinsin».

Dxloqiy tarbiya maqsadlari va Vositalarni, K.D. Ushinskiy kishi kamolga etgan bo‘lishi, uning jismoniy, aqliy xamda axloqiy jixatdan o‘sishi bir-biriga mos bo‘lishi kerak, deb xisobladi. SHuning uchun u tarbiyani garmonik (xar tomondan bir-biriga moslanib) o‘sgan shaxsning tarkib topishda malum maqsadga qaratilgan ongli jarayon deb ta’rifladi.

Ushinskiy tarbiya ishidagi turli vositalar orasida axloqiytarbiyaga asosiy o‘rinni berdi. U, «Tarbiyaning asosiy vazifasi axloqiyjixatdan tasir etishdan iboratdir, bu aqlni umuman o‘stirish, boshnibilimlar bilan to‘ldirishdan ko‘ra xam muximroqdir», deb yozgan edi.

Ushinskiyning fikricha, axloxiy tarbiya bolada insonparvarlik, vijdonlilik. rostguylik, mexnatsevarlik, intizomlilik va masuliyatni sezish, kamtarlik bilan birlikda o‘z qadr-qimmatini bilishni o‘stirishi lozim. Tarbiya bolada qatiy xarakter va iroda, chidamlilik, o‘z burchini sezish tuygusini o‘stirmog‘i kerak.

Ushinskiyning tavsiya etgan axloqiy tarbiya tizimida uning xalqchillikka asoslangan butun pedagogik tizimiga muvofiq vatanparvarlik, vatanga fidokorona muxabbat ruxida tarbiyalash asosiy o‘rinni egallaydi. Vatanga muxabbat,— deb yozadi Ushinskiy,— bu insonning eng kuchli tuyg‘usidir.

Axloqiy tarbiya bolalarda odamlarga xurmat va muxabbat bilan karashni, ularga nisbatan samimiy, xayrixox va adolatli munosabatda bo‘lishni o‘stirishi kerak.

Ushinskiy ko‘r-ko‘rona, tayoq intizomiga qarshi norozilik bildirib, bunday deb yozgan edi: «Eski maktabda intizom nixoyatda g‘ayri tabiiy asosga — yo mukofotlar va yoki jazolar ulashib beruvchi o‘qituvchidanko‘rkish asosiga ko‘rilgan edi. Bu qo‘rquv bolalarni ularga xos bo‘lmagan xolatlarga amas, balki zararli xolatlarga: sustkashlikka, sinf doirasidagi zerikishga va ikkiyuzlamachilikka olib keldi». Ushinskiy bolalarga nisbatan insoniy munosabatda bo‘lishni talab kildi, ammo bu munosabat nozik tabiatlilik va erkalikni o‘stirmasligi lozim. Pedagog bolalarni o‘z burchi va mas’uliyatini sezish asosida tarbiyalashda ular oldiga oqilona talablar ko‘iishi lozim.

Ushinskiy shaxsiyatparastlik, mansabparastlik, bekorchilik, g‘arazguylik, munofiqlik singari nuqson va kamchiliklarni qattq qoralaydi.

Ushinskiyning fikricha, axloqiy tarbiyaning vositalari quyidagilardan iborat bo‘lishi kerak; 1) axloqiy tarbiyada kitob va darslikning o‘rni kattadir. o‘quvchi bu kitoblarda o‘z nutqni o‘stirishni, bilimni umumlashtirishni axloqiy tarbiyalarni egallashni tez o‘rganadi. 2)o‘qituvchining shaxsan o‘zi namuna bo‘lishi kerak Ushinskiyning obrazli ifodalashicha, «bu narsa yosh qalb uchun quyoshning barakali nuridirki, uni xech bir narsa bilan almashtirib bo‘lmaydi; 3) e’tiqodga u juda katta etibor bergan edi; 4) o‘quvchilarga moxirlik bilan munosabatda bo‘lish (pedagogik odob); 5) ogoxlantirish choralari; 6) rag‘batlantirish va jazolash.

Ushinskiy o‘qitishni axloqiy tarbiyaning eng muxim vositasi deb xisoblagan. U talim va tarbiya o‘rtasida mustaxkam aloqa bo‘lishi zarurligini ta’kidladi. Hamma o‘quv jarayoni deb ta’kidlagan edi u, juda katta tarbiyaviy imkoniyatlarga ega, tarbiya ishiga aloqador bo‘lgan xamma kishilar o‘zlarining barcha ishlarida, o‘quvchilar, tarbiyalanuvchilar bilan bo‘ladigan xamma munosabatlarida buni esdan chiqarmasliklari kerak. Bu jixatdan u xam maktablardagi o‘quv fanlari ichida ona tilini ayniqsa yuqori baxoladi xamda bolalar ona tilini egallash bilan faqat bilim olib qolmay, xalqning milliy tuyg‘ulariga, uning ma’naviy xayotiga, axloqiy tushuncha va tasavvurlarga xam ega bo‘lishlarini ishonarli qilib ko‘rsatib berdi.

Ishontirishni Ushinskiy axloqiy tarbiya vositalaridan biri deb xisobladi. Bunda u kishini bezor qiladigan nasixatlar va ko‘ndirishlardan (bular ko‘pincha bolalar ongiga etib bormaydi) extiyot bo‘lishi kerak deb ta’kidlagan edi.

Axloqiy tarbiyaning zaruriy sharti bolalarda jamiyat tarixida, insonning rivojlanishida mehnatning vazifasi va ahamiyati to‘g‘risida to‘g‘ri tasavvur hosil qilishdan iborat deb ko‘rsatgan edi Ushinskiy. U o‘zining «Mehnatning psixologik va tarbiyaviy ahamiyati» nomli maqolasida odamning hayotida mehnatning o‘rni to‘g‘risida ajoyib fikrlar bildirdi: «Agar tarbiya kishini baxtli qilmokchi bo‘lsa, uni baxt uchun tarbiyalamas-ligi kerak, balki hayotdagi mehnat uchun tayyorlashi lozim...» «Tarbiya kishida mexnat qilish odatini va mehnatga muhabbat hissini rivojlantirishi kerak; u kishiga hayotda o‘zi uchun ish topib olish imkonini berishi zarur».

O‘qish mehnatdir va mehnat bo‘lib qolishi kerak...» Ushinskiy o‘quvchilarning o‘qishi va hayotining hammasi oqilona tashkil etilgan bo‘lishini istar edi: «Xar qanday fanning o‘qitilishi shubhasiz shunday yo‘ldan borishi kerakki, bunda tarbiyalanuvchi hissasiga faqat uning yosh kuchi etadigan miqdordagi mehnat qolsin». Aqliy ishda o‘quvchining fikriga shikast etkazish, uni topshiriqlar bilan ko‘mib tashlash kerak emas, uni asta-sekin, aqliy ishga o‘rgatib borish lozim. Kishining organizmi aqliy mehnatga oz-ozdan, extiyotlik bilan o‘rganib borishi ke-rak, lekin shu tarzda ish ko‘rib, undan o‘zoq davom etadigan aqliy mehnatni oson va organizmiga hech bir zarar etkazmay bajarish odatini hosil qilish ham mumkin...». o‘qituvchi «tarbiyalanuvchini aqliy mehnatga o‘rgatib, uni shunday mehnat qiyinchiliklarini engib o‘tishga va u tufayli yaratiladigan zavqlanish hissini boshdan kechirishga ham o‘rgatadi». «Aqliy mehnat qilishga odatlangan kishi, bunday mehnat bo‘lmasa zerikadi, uni izlaydi va shubhasiz, har qadamda topadi».

Talimning tarbiyalovchi xarakterini yuqoridagidek tushunishdan kelib chiqib, Ushinskiy o‘qituvchini ulug‘ladi, uning o‘quvchilarga ko‘rsatadigan ta’sirini yuqori baholadi. Bu ta’sirni u boshqa vositalar

ichida birinchi o‘ringa qo‘ydi va u boshqa hech qanday didaktik usullar va vositalar bilan almashtirilishi mumkin emas, deb ta’kidladi.

K. D. Ushinskiy, aqliy mehnatni jismoniy mexnat bilan almashtirishga muhim ahamiyat berdi va jismoniy mexnat faqat yokimligina emas, balki, aqliy mehnatdan keyin foydali dam olishdir, dedi. U o‘kishdan bo‘sh vaqtlarda, ayniqsa o‘quv yurtlarida, jismoniy mexnatni joriy qilish foydali deb hisobladi. Bularda tarbiyalanuvchilar bog‘larga, ekinlarga ishlov berish, duradgorlik va tokarlik qilish, kitoblarni muqovalash, o‘z-o‘ziga xizmat ko‘rsatish va xokazolar bilan shug‘ullanishi mumkin. SHu nuqtai nazardan Ushinskiy bolalarning uyinini xam yuqori baholar edi. «...Lekin,— deb yozgan edi u,— o‘yin haqiqiy o‘yin bo‘lishi uchun bolaning joniga tegib ketmasligi lozim. Bola o‘yinga ko‘nikib qolishi, sekin-asta, xech bir qiyinchiliksiz va majbur etishsiz uni o‘zi bajarishga o‘rganish kerak».

K. D. Ushinskiyning mexnatning ahlokiy tarbiyaviy tomonihaqidagi, jismoniy mehnatni aqliy mexnat bilan qo‘shib olib borishto‘g‘risidagi, o‘qish va dam olishni to‘g‘ri tashkil etish xaqidagi pedagogikfikrlari hozirgi kunimizda xam qimmatlidir.

K.D.Ushinskiydidaktikasi.

Ushinskiyning didaktika sohasidagi qarashlari pedagogika tarixida juda katta ahamiyatga egadir. U ta’limni bolalarning psixologiya jihatidan kamol topishlarining yosh bosqichlarini hisobga olish va psixologiyaning xususiyatlarini e’tiborga olib tashkil etish kerakligini asosiy vazifa deb bildi. Jumladan, u o‘qitish vaqtida bolaning diqqatidan foydalanish to‘g‘risida qimmatli ko‘rsatmalar berdi. Ushinskiy ikki turli diqqat: faollik, ya’ni ihtiyoriy va sust, ya’ni gayri ihtiyoriy diqqatning mavjudligini ko‘rsatib, bolalarning yosh xususiyatlarini e’tiborga olib, sust diqqatga oziq berish kerak, shu bilan bir vaqtda, eng muhim bo‘lgan faollik bo‘lgan diqqatni har tomonlama taraqqiy ettirish lozim, chunki insonga kelajakda bu diqqatdan foydalanishga tug‘ri keladi, deb hisobladi.

Ushinskiy xotira bilan esda saqlab qolish to‘g‘risida gapirib, unutishning oldini oladigan tez-tez takrorlash yo‘li bilan tarbiya oluvchilarda o‘z xotiralariga ishonchni mustahkamlash kerak deb ko‘rsatadi.

Ushinskiyning aytishicha, ta’lim mana shu tamoyillarga asoslanishi kerak: U ham bo‘lsa, bolalarning kuchi etadigan va izchil bo‘lishi kerak.

Bola charchab qolmasligi uchun birinchi o‘quv yilining boshida ularni o‘quv materiallari bilan haddan ortiq band qilib qo‘ymaslik kerak.

Ushinskiy bola yoshidagi psixologik xususiyatlarni etiborga olib, darsda ko‘rsatmalilik tamoyiliga katta ahamiyat berdi. «Bolalar shakllar, ranglar, tovushlar, umuman sezgilar bilan fikrlaydi...»; bundan bolalar uchun ko‘rsatmali o‘qishning zarurligi kelib chiqadi, «bu o‘qish mavxum tasavvurlar va so‘zlarga asoslanmay, balki bola bevosita o‘zlashtiradigan aniq fikrlarga asoslanadi»,—deb yozdi Ushinskiy va psixologiya nuqtai nazardan ko‘rsatmali talimni asoslab berdi.

Ushinskiy ko‘rsatmali talimni gnoseologik tomondan asoslab, u bizning bilimlarimizning birdan-bir manbai «tashqi sezgilar orqali beriladigan tajriba» bo‘lishi mumkin, deb ko‘rsatdi. U: «Biz tashqi dunyodan bevosita o‘zlashtirib olgan obrazlar, demak, bizning fikriy qobiliyatimiz ular ustida va ular vositasi bilan ishlaydigan birdan-bir materiallar demakdir»,— deydi.

Ushinskiyning so‘zicha, «shunday ta’lim yo‘li, yani aniqlikdan mavxumlikka, tasavvurdan fikrga o‘tish yo‘li shunday tabiiy va psixologiyaning shunday aniq qonunlariga asoslanadiki, uning lozimligini talimning umuman inson tabiati, ayniqsa bola tabiati talablariga muvofiq bo‘lishini rad etgan kishilargina etirof etmasliklari mumkin».

Ushinskiy ko‘rsatmali talim tamoyillariniprinsipini nazariy jixatdan ishlab chiqishga va uni amalda tatbiq etishga ko‘p qimmatli fikrlar kiritdi: U ko‘rsatmali ta’lim to‘g‘risidagi: o‘z tushunchasini materialistik asosda ko‘rsatib berdi. Ko‘rsatmalilikni tushunishda Ushinskiyda Komenskiyga xos bo‘lgan bunday ko‘rsatmali talimga ortiqcha baxo berish va xatto bir daraja ko‘kka ko‘tarish xollari va Pestalotssiga xos bo‘lgan bolalarni tevarak-atrofni o‘rab olgan muxit bilan tanishtirishda rasmiylik va bachkanalik xollari yo‘q edi. Ushinskiy o‘qitish jarayonida ko‘rsatmali talimga munosib o‘rin berdi; u ko‘rsatmali ta’lim o‘quvchilarning to‘la qimmatga ega bo‘lgan ma’lumot olishlarini, ularning mantiqiy fikrlashlarini o‘stirishni ta’min etadigan shartlarning biridir, deb bildi.

Ushinskiy Pestalotssi taqdim etgan formal mashqlarni rad qilib, bolalarni buyumlar bilan xar tomonlama tanishtirishga xarakat qildi, ular bu buyumlar o‘rtasidagi xaqiqiy aloqalarni aniq bilib olishlarini istadi. U, ajoyib yoki xatto buyuk aql — bu «buyumlarni ularning xaqiqiy xolatida, ular o‘rtasidagi barcha munosabatlarni xar tomonlama ko‘ra olish qobiliyatidir»,— deb yozdi.

Ushinskiy ilgari Komenskiy, Pestalotssi, Disterveglar yaratgan ko‘rsatmali ta’lim uslublarini yangi usullar bilan ancha kengaytirdi va boyitdi. Masalan, u bolalarga rasmlarga qarab so‘zlab berish to‘grisidagi ko‘rgazmani batafsil ishlab chiqish; Suxbat vaqtida foydalanilgan rasmlarni, suxbatlardan olingan ma’tlumotlarni mustaxkamlash va takrorlash maqsadida sinfning devorlariga osib qo‘yish kerak, deb ko‘rsatdi.

Ushinskiy bolalarning o‘quv mavzularini anglab, puxta va muapahkam o‘zlashtirishi qoidalariga prinsipiga katta etibor berdi. U bu qoidalarni tushunish va tadbiq qilishda o‘zidan ilgari o‘tgan pedagoglarga nisbatan ko‘pgina yangiliklar kiritdi. Masalav, o‘quv mavzusini takrorlash to‘g‘risida batafsil usul ishlab chiqdi (esdan chiqarib qo‘yishning oldini olish, takrorlaganda o‘quv materialini kengaytirish va chuqurlashtirish, yangi materialni yaxshi tushunishda takrorlashning roli va xokazolar). Ushinskiy ayrim ko‘rsatmali tasavvurdan bolalarda umumiy tasavvur va tushunchalar xosil qilish uslublarni, bolalarda nutkni o‘stirish bilan bir vaqtda ularning tafakkurini taraqqiy qildirish yo‘llarini batafsil ishlab chiqdi, bularni ishlashda noaniklikka yo‘l ko‘ymadi.