Kasbiy faoliyat psixologiyasi
Yüklə 73,25 Kb. Pdf görüntüsü
|
|
XULOSA
O`zbekiston Respublikasining ―Ta`lim to`g‘risida‖gi qonuni va ―Kadrlar tayyorlash milliy dasturi‖da har tomonlama etuk mutaxassis kadrlar tayyorlashning mohiyati, zaruriyati, zamonaviy fan va texnikaning rivojlanish talablariga mos, barkamol avlodni tarbiyalash masalalari izchillik bilan tahlil etilgan, dolzarb vazifalar va ularni amalga oshirish chora-tadbirlari belgilab berilgan. Shu bois, talabalarni hozirgi zamon talabi ruhida tarbiyalash, olingan nazariy bilimlarni amaliyotda qo`llash, ko`nikma, malakalarini shakllantirishga qaratilgan ko`pgina ta`lim-tarbiya vositalari, uslubiy shakl yo`riqlari mavjud. Jumladan, bu borada talabalarni hayotga tayyorlashda ko`p asrlar davomida qo`llanilgan usullar, vositalar, tadbir shakllari, urf-odatlar va an`analar, g‘oyalar, hayotiy tajribalardan iborat namunalar majmuasidir. Darslikda mualliflar kasbiy faoliyat psixologiyasi talablari asosida faoliyat yuritish zarurligi bilan tanishtirish, kasbiy faoliyat psixologiyasi elementlari, faoliyatda ularni qo`llay bilish, kasbning ta`lim - tarbiya jarayoniga ta`sir ko`rsatishi, psixologik muloqot funktsiyalari, tuzilmasi va turlari, psixologik texnika elementlari, uni egallash yo`llari, kasbiy faoliyat psixologiyasining mazmuni, mohiyati, undan foydalanish, yo`l qo`yiladigan ba`zi kamchiliklar ustida ishlash, kasbiy faoliyat psixologiyaning qiyosiy tahlili, psixologik ta`sir ko`rsatish usullari xususida fikr yuritdilar. Talabalarning faoliyatida nazariy – metodologik asoslar, mazmun, funktsiya, ularning vazifalari, kasbni boshqarishda pedagogning pedagogic faoliyatni egalashidagi psixologik muammolarni aniqlab, kamchiliklarni bartaraf etish yo`llari aniq dalillar asosida yoritildi. Maqsadimiz – talabalarga, xususan, pedagogik ma`lumoti bo`lmagan bakalavr yoki diplomli mutaxassis darajasidagi, ta`lim tizimida faoliyat olib borayotgan kadrlar, faoliyatini endigina boshlagan kimyoviy texnologiya yo`nalishi faoliyatiga tayyorlanayotgan talabalarga kasbiy faoliyat psixologiyasi talablari asosida faoliyat yuritish haqida ma`lumot berishdan iborat. Ushbu darslikda kamchiliklar, hali qiyomiga etmagan fikrlar bo`lishi mumkin. Shu sababdan sizning fikr-mulohazalaringizni kutamiz va keyingi nashrlarda, ularni albatta inobatga olamiz. |