Ochiq litsenziya huquq egasi intellektual mulk obyektidan foydalanish huquqini har qanday shaxsga berish to‘g‘risidagi irodasini ifodalovchi shartnomadir. Ochiq litsenziyani olish istagini bildirgan shaxs huquq egasi bilan nomutlaq litsenziya berish to‘g‘risida shartnoma tuzishi shart.
Mazkur holatda videofilmlar huquq egasi tomonidan YouTube ijtimoiy tarmog‘iga hamma erkin foydalanishi uchun bepul ochiq litsenziya shaklida joylashtirilgan bo‘lsa, media-xolding Google kompaniyasining da’volari qanoatlantirilmaydi.
Kazus №6
Belgiya davlatida joylashgan ZeroVaccine nomli farmatsevtika kompaniyasi 2020-yil yanvar oyida shamollash keng avj olganligi sababli patent huquqlari Novartis kompaniyasiga tegishli bo‘lgan Unigrip nomli dori vositasi tarkibidan foydalangan holda o‘z nomi ostida dori vositalarini ishlab chiqarishni yo‘lga qo‘ydi. Novartis kompaniyasining e’tirozlariga javoban ZeroVaccine firmasi o‘z hatti-harakatlarini epidemiya avj olganligi sifatida xarakterladi.
Ixtironing ixtirolilik shartlarini huquqiy tavsiflang.
Har qanday yangilik ham ixtiro bo‘lavermaydi. Macalan, kuruq ilmiy qoidalar, xususan, kashfiyotlar, amalga oshirib bo‘lmaydigan takliflar ixtiro hisoblanmaydi. Ixtiro qonun bilan muhofazalangan davlatlarda har bir taklifning ixtiro bo‘lish shartlari belgilanadi. Bu shartlardan asosiysi ob’ektning eng yangi hisoblangan texnik yechimidir. Ixtironing yangiligi, ya’ni birinchi ekanligi oldin berilgan patentlar, ixtirolar e’lon qilinadigan tegishli adabiyotlar, ko‘rgazmalarda namoyish qilingan eksponatlar va boshqalarga muvofik, aniqlanadi.
Ixtirolar, foydali modellar, sanoat namunalari toʻgʻrisidagi qonunga koʻra:
Agar ixtiro sifatida ko‘rsatilgan obyekt yangi, ixtirolik darajasiga ega va uni sanoatda qo‘llash mumkin bo‘lsa, u huquqiy muhofaza qilinadi.
Agar ixtiro texnika taraqqiyoti darajasidan ma’lum bo‘lmasa, u yangi deb hisoblanadi.
Agar ixtiro texnika taraqqiyoti darajasi haqidagi ma’lumotlardan yaqqol ayon bo‘lmasa, u ixtirolik darajasiga ega bo‘ladi.
Texnika taraqqiyoti darajasi ixtiro ustuvorligi sanasiga qadar jahonda ommaga oshkor bo‘lgan har qanday ma’lumotlarni o‘z ichiga oladi.
Ixtironing yangiligini aniqlash chog‘ida birmuncha oldin ustuvorlikka ega bo‘lgan holda topshirilgan va chaqirib olinmagan patent berish haqidagi talabnomalar ham hisobga olinadi.
Agar ixtirodan sanoat, qishloq xo‘jaligi, sog‘liqni saqlash va boshqa sohalarda foydalanish mumkin bo‘lsa, u sanoatda qo‘llash mumkin deb hisoblanadi.
Dostları ilə paylaş: |
