Glossariy Ajablanmoq – hayron bo‘lmoq.
Aksari – ko‘pincha.
Amal-taqal – zo‘rg‘a, bazo‘r.
Anhor – katta sug‘orish kanali.
Ariq – ekin ekish va sug‘orish uchun ekin maydonida tortilgan maxsus suv yo‘li, jo‘yak.
Arka – tepasi yarimdoira shaklida yasalgan darvoza, eshik, deraza kabi narsalar.
Asar ham qolmaslik – biror narsadan umuman hech narsa qolmasligi, butunlay yo‘q bo‘lib ketishi.
Astronom – osmon jismlari, koinot tuzilishini o‘rganuvchi olim.
Atmosfera – Yer va boshqa ba’zi planetalarni o‘rab turgan gazsimon qobiq.
Ayon – aniq-ravshan.
Azim – ulkan, g‘oyat katta.
Bekat – yo‘lovchilarning biror transport turiga chiqishi va undan tushishi uchun belgilangan joy.
Bepoyon – oxiri, chegarasi yo‘q, nihoyatda keng.
Botmon – og‘irlik o‘lchov birligi.
Boylik – mol-mulkning yig‘indisi.
Brom – yoqimsiz hidga ega, qizg‘ishqo‘ ng‘ir, suyuq modda.
Bunyod – barpo bo‘lmoq, paydo bo‘lmoq.
Darhol– tez, darrov.
Daryo – tabiiy o‘zandan doimiy ravishda oqib turadigan katta suv.
Dengiz – okeanning quruqlikka tutashgan yoki quruqlikka yorib kirgan bo‘lagi.
E’tiroz – biror narsa, taklif, ish-harakat va shu kabilarga qarshi fi kr; norozilik, qarshilik.
Erinmoq – biror ishni bajarishni chin dildan xohlamaslik, qilgisi kelmay bajarish. Ba’zan erinish o‘sha ishni umuman bajarmaslikka ham olib kelishi mumkin.
Fastfud– tez tayyor bo‘ladigan ovqatlar ning umumiy nomi, lavash, hotdog, gamburger kabi yeguliklar fastfud hisoblanadi.
Filtr – suyuqlik va gazlarni keraksiz aralashmalardan tozalash uchun xizmat qiladigan moslama.
Ftor – och sariq tusli, zaharli gaz.
Gard – chang; nuqson.
Gardaniga tushmoq – zimmasiga tushmoq.
Gaz – qadimgi uzunlik o‘lchovi. Bir gaz 71 santimetrga to‘g‘ri keladi.
