Kelishilgan

Foydalangan adabiyotlar [1,2,3,4,5,6 ,7,8,9,10,13]


Asosiy tayanch tushunchalar
Dars nima, matematika darslari xususiyatlari, matematika darsi turlari; murakkab dars, yangi materialni o`rganish darsi, mustahkamlash darsi, takrorlash-umumlashtiruvchi dars, nazorat qilish darslari, andozasiz dars.


1-§. Boshlang`ich sinflarda dars va matematika darslari sistemasi.

Ma'lumki, boshlang`ich matematika kursi uchta kursdan iborat: unda arifmetik material bilan birgalikda algebra va geometriya elementlari bayon qilinadi. Bu yo`nalishlar bir – biri bilan uzviy ravishda bog`liq holda qaralishi dasturda ko’rsatilgan.

Boshlang’ich sinflarda uyg’unlashgan holda arifmetika, algebra va geometriya materiallarining o’rganishiga boshlang’ich sinflarda matematika kursining sestemasi deyiladi.
Boshlang`ich matematika kursining xususiyatlari nazariy bilimlar, amaliy malaka va ko`nikmalarni shakllantirish va o`zlashtirishni nazarda tutadi. Shu sababli har bir darsda yangi materialni o`rganish bilan bir qatorda ko`nikma va malakalarni mukammalashtirish ishlari olib boriladi.
Matematika darslarining xususiyatlari o`quvchilarning matematik materialni o`zlashtirish xususiyatlariga ham bog`liq: materialning abstrakt xarakterda bo`lishi ko`rsatma vositalarini, o`qitish metodlarini to`g`ri tanlashni, o`quvchilarga differentsial va individual yaqinlashishni talab qiladi.
Boshlang’ich sinflarda o’quv ishlarini tashkil qilishning asosiy formasi dars hisoblanadi. Dars deganda sinfda aniq dars jadvali asosida olib boriladigan mashg’ulot tushuniladi. Shunday qilib boshlang’ich sinflarda matematikani sistemali o’zlashtirish uchun aniq o’quv dasturi, ishchi o’quv dasturi va dars jadvali bo’lishi kerak.

1. 
   Ishchi o’quv dasturida, o’quv materiallarining har bir mavzusini tematik soatlari va sanalari ko’rsatilib ishlab chiqilishi kerak. Shuningdek, har bir mavzuga xos va mos ko’rsatmali qurollar, o’qitish vositalari, o’quvchilarning bilim darajasiga ko’ra individual va gruppali shug’ullanish va uy vazifalarini belgilab qo’yilishi kerak. sinfda o’quvchilar bilimini baholash propartsiyasini saqlash uchun o’quvchilarning ismi va familyalari ko’rsatib qo’yilishi maqsadga muvofiq.
   
2. 
   Boshlang’ich sinflarning matematika ishchi dasturi dastlab O’zbekistan xalq ta’limi vazirligi tomonidan maktablarga yetkazib beriladi. Shu asosda ishchi o’quv dasturini har bir matematika o’qituvchisi tuzib oladilar.
   

O’qituvchi har bir darsni mavjud ishchi o’quv dasturi bo’yicha tashkil etadi. Bunda o’qituvchi kalendar reja bo’yicha darsning konspektini shakllantiradi. konspektda darsning aniq rejasi beriladi.
Dars. Darsni o`tkazishga tayyorgarlik ko`rishda eng oldin darsning asosiy maqsadlarini aniq oydinlashtirib olish zarur. Darsda nazariya bilan amaliyotning bog`liqligi, Algebraik va geometrik elementlarining arifmetika bilan bog`liqligi, didaktik maqsadlar amalga oshiriladi; yangi material bilan topshiriladi va mustahkamlanadi, malaka, ko`nikmalar hosil qilishga doir ishlar o`tkaziladi. Misol'>Misol uchun «Ikki xonali sonlarni xona birliklarining yig`indisi bilan almashtirish» mavzusiga bag`ishlangan darsni qaraylik.
Dars maqsadi. 1. O`quvchilarni 2 xonali sonlarni xona birliklarining yig`indisi bilan almashtirishga o`rgatish.
2. Nollar bilan tugaydigan ikki xonali sonlarni qo`shish va ayirish malakalarini mustahkamlash.
3. Sonni yig`indiga qo`shish xossalarini o`rgatishga doir tayyorgarlik ishini o`tkazish.
Tematik reja (dars ishlanmasi) tuzish darsni aniq rejalashtirishga yordam beradi. Tematik reja darslarning to`la ishlanmasidan iborat bo`lmay, balki, shu dars uchun majburiy bo`lgan asosiy momentlarini o`z ichiga oladi.
1. Dars № vaqti.
2. Mavzu:
3. Maqsadi:
4. O`tilganlarni takrorlash, yangisini o`tishga tayyorlanish.
5. Yangi materialni o`tish usuli.
6. O`rgatuvchi, mashq qildiruvchi ishlar tizimi.
7. Mustaqil ish.
8. Ko`rgazmali vositalar.
9. Uyga vazifa.
Dars maqsadlarini muvoffiqiyatli amalga oshirishning to`g`ri yo`llarini topishga darsning ta'limiy va tarbiyaviy vazifalarini, irodani qiziqishlarini va qobiliyatlarini rivojlantiruvchi vazifalarni aniqlash yordam beradi.
Dars mazmunini aniqlash uchun o`qituvchi quyidagi talablarga rioya qilishi kerak.
1. Dars mazmuni dasturiga mos kelishi va uning maqsadlaridan kelib chiqishi.
2. G`oyaviylik va e'tiqodni tarbiyalash. Darsda o`quvchilar dunyoqarashlarini kundalik axloq asoslari sifatida shakllantirish uchun eng qulay, yaxshi sharoit yaratish zarur.
3. Darsni turmush bilan, o`quvchilarning shaxsiy tajribasi bilan bog`liqligi.
4. O`quv materialning o`quvchilarga tushunarli va ularning kuchlari yyetadigan bo`lishi.
Dars mazmuniga har xil masalalar, mashqlar kiradi. O`qituvchi bularni almashtirishi mumkin. Misol. «Ko`paytirishning gruppalash qonuni» ni quyidagi masala bilan boshlash mumkin.
Zoomagazinga qushlar qamalgan qafaslar keltirildi. Qafaslarni uch qatorga har birida 5 tadan qafas qilib joylashtirildi. Har bir qafasda 2 tadan qush bor. Qafaslardagi hamma qush qancha?
Qafasni to’g’ri to’rtburchak, qushni uchburchak shaklida tasvirlashga kelishib olamiz.

I usul. Bir qatorda tyrgan qafaslarda qancha qush borligini bilib olamiz. Bir qafasda 2 ta qush bor. Qatorda esa 5 ta qafas bor. Demak, ularda 5·2 ta qush bor. Qafaslar 3 qator qilib joylashtirilgan, demak, hammasi bo’lib (5·2)·3 ta qush bor.

Yechish: (5·2)·3=10·3=30 ta qush.
II usul. Oldin qafaslar qanchaligini bilib olamiz. Bir qatorda 5 ta, bunday qatorlar 3 ta, demak, hammasi bo’lib, 5·3 ta qafas bor. Har bir qafasda 2 tadan qush bor, demak, hammasi bo’lib (5·2)·3 ta qush bo’ladi.
Yechish: (5·3)·2=15·2=30 ta qush.
III usul.bir ustundagi qafaslarda qancha qush borligini bilib olamiz. Bir qafasda 2 ta qush bor, bir ustunda esa 3 ta qafas bor. Demak, ularda (2·3) ta qush bor. Qafaslar 5 ta ustundan iborat. Demak, hammasi bo’lib (2·3)·5 ta qush bor.
Yechish: (2·3)·5=6·5=30 ta qush.
Matematika darslarida bajariladigan asosiy ish turlari: a) og`zaki mashqlar, b) yozma hisoblashlar va masalalar yechish, v) yasashga va o`lchashga doir mashqlar.
Hozirgi zamonning muhim talablaridan biri o`quvchilarning bilish va ijodiy faoliyatlarini aktivlashtirishdan iborat. Har bir dars fikrlash, ijod qilishga qaratilgan bo`lishi kerak.