Kirish. Kimyo o'qitish metodikasi fani, vazifalari

Tekshiruv savollari:

1. 
   Kimyo fani va kimyo o’qitish metodikasi fanlarining rivojlanishi bosqichlarini ayting. Olimlar, ularning fanga qo’shgan hissalari haqida fikr yuriting.
   
2. 
   Kimyo rivojlanishidagi davrni tahlil qiling.
   
3. 
   Ta’lim-tarbiya yunalishlarini tushuntiring.
   

Adabiyotlar:
1. I. N. Borisov. Kimyo o’qitish metodikasi. T. 1966y.
2. Yu. V. Pletner, V. S. Polosin. Kimyo o’qitish metodikasidan praktikum. N. 1981y.


3-MAVZU: kimyo o'qituvchisining maqsadi va ta'lim-tarbiyaviy vazifalari.


REJA:
1. Kimyo va ilmiy dunyoqarash, materialistik va idealistik qarashlar.
2. Kimyo va ateizm.
Tayanch iboralar:
Dialektik materializm, idealistik qarashlar. Vitalistik nazariya. Ateistik g’oyalar. Vatanparvarlik. Ma’naviyat. O’zbek olimlari.

Kimyo o'qituvchisining vazifasi yosh avlodni mustaqil Respublikamizni qurishga tayyorlash bilan belgilanadi. O'quvchilarni hozirgi zamon bilimlari bilan qurollantirish maktabimizning eng muhim vazifasidir va bu kimyo o'qituvchisiga ham yuklatilgandir.

O'quvchilarga kimyo o'qitish jarayonida politexnik ta'lim berish dialektik-materialistik dunyoqarash asoslarini hosil qilish, vatanparvarlik va xalqparvarlik ruhida tarbiyalash maktab hamda kimyo o'qituvchisining eng muhim vazifasidir. O'qituvchi o'quvchilarga politexnik ta'lim berish maqsadida:

1. 
   O'quvchilarni eng muhim kimyoviy ishlab chiqarishlar bilan tanishtiradi, hozirgi zamon kimyoviy ishlab chiqarishlariga asos bo'lgan ilmiy prinsiplarni alohida ta'kidlab o'tadi.
   
2. 
   Qishloq xo'jaligi ishlab chiqarishining kimyoviy asoslarini ochib beradi.
   
3. 
   O'quvchilarga kimyo va kimyo sanoatining yutuqlarini, shuningdek, ularning bundan buyon asosan qaysi yo'lda rivojlanishini ko'rsatib beradi.
   
4. 
   Kimyoning eng yangi yutuqlaridan amaliy hayotimizda qanday foydalanilayotganligiga o'quvchilar e'tiborini jalb ettiradi.
   
5. 
   O'quvchilarga eng muhim, amaliy hayotda albatta zarur bo'ladigan o'quv malakalar beradi.
   
6. 
   O'quvchilarni ularning qo'lidan keladigan ta'lim-tarbiya maqsadlariga bo'ysundirilgan ijtimoiy foydali ishlarga jalb etadi.