Kitab-ibrahim-esas Layout 1
Yüklə 4,35 Mb. Pdf görüntüsü
|
|
Elnarə Məmmədova,
Azərbaycan Dövlət Dillər Universitetinin baş müəllimi, İbrahimin ingilis dili müəllimi ELƏ QAYĞIKEŞ, MƏRHƏMƏTLİ, MEHRİBAN İDİ Kİ... M əni İbrahimlə fransız dili müəllimim, universitetimi‑ zin professoru Əsgər Zeynalov tanış etmişdi. Çox sağ olun, Əsgər müəllim, sizin sayənizdə mən də bu gözəl insanı tanıdım. İbrahim haqqında keçmişdə danışmaq mənim üçün çox ağırdır, çünki belə bir güclü, istedadlı insanın yaşayıb yaradacağına şübhəm yox idi. Mən İbrahimi yalnız dil öyrətdiyim tələbə kimi deyil, həm də bir dost kimi tanıdım, məsləhətlərinin dəyərli olduğunu da görürdüm. İbrahimin ingilis dilinə olan sonsuz marağını görüb deyər‑ dim ki, İbrahim, nə yaxşı ki, sənin kimi gənclər var. Demək olar ki, hər dərsdə aldığı yeni kitabları həvəslə mənə göstərərdi və dediyi kimi də növbəti dərsə çalışardı ki, kitabı oxuyub bitirsin. Oxuduğu kitabların əksəriyyəti tarixi kitablar idi. İbrahim səyahət etməyi çox sevərdi. Elə buna görə də müəy‑ A Ğ L I N Z İ R V Ə S İ N D Ə S Ö N Ə N B İ R Ç I R A Q 57 yən qədər ingilis dilini öyrənib Londona getdi. Oradan qayıtdıqdan sonra gördüklərini, öyrəndiklərini hə‑ vəslə, maraqla bölüşürdü. Elə bil ki, dünyanı tez tərk edəcəyini hiss edirdi... İngilis dilində də belə bir ifadə var. – “Only the good die young”. – “Yalnız yaxşılar gənc yaşında dünyasını dəyişir”. İbrahimin vasitəsilə mən professor Buludxan Xəlilovu tanı‑ dım. Bu iki insanın səmimi, möhkəm dostluğunu heç nə ilə sar‑ sıtmaq olmazdı. Buludxan müəllim haqqında danışanda İbrahim dostluqla‑ rının həyatın enişli‑yoxuşlu yollarında sınandığını deyərdi. Bu iki dosta, qardaşa baxanda mən də hər ikisi üçün sevinərdim, çünki gözəl dostluq nümunəsi idilər. İbrahim çalışardı ki, ondan asılı olan köməyi ətrafındakılara etsin, mən bunun də‑ fələrlə şahidi olmuşam. Çalışardı ki, imkanı daxilində insanlara yardımçı olsun, problemin həllini görəndə sevinərdi. Qısa bir ömür yaşamasına baxmayaraq, İbrahim kifayət qədər özünə hörmət qazandı. Elə qayğıkeş, mərhəmətli, meh‑ riban idi ki... Xarakterindəki yumor hissi ətrafındakılara prob‑ lemlərini unutdururdu. Təbiidir ki, insanlar müxtəlifdir, lakin İbrahim kimi bir in‑ sana yenidən rast gəlməyəcəyimə əminəm. Sənin yoxluğuna inanmaq çox çətindir, əziz tələbəm! |