5.5. Bitkilərin kütləvi qırğın vasitələrindən mühafizəsi Kənd təsərrüfat bitkilərinin kütləvi qırğın vasitələrindən
mühafizəsi üçün sülh dövründən bir sıra təşkilati, aqrokimyəvi
və digər tədbirlərin görülməsi vacibdir. Burada əsas diqqət
kənd təsərrüfat bitkilərinin xəstəliklərinin və ziyanvericilərinin
yayılmasının qarşısının alınmasına yönəldilir. Bunun üçün xəs-
təliklərə və ionlaşdırıcı şüalanmaya qarşı daha dayanıqlı olan
sortların (növlərin) əkilib becərilməsi məqsədilə seleksiya işləri
aparılır. Aqrofonun yaxşılaşdırılması və karantin tədbirləri hə-
yata keçirilir. Nüvə partlayışları məhsullarının intensiv çöküntü
dövrlərində radiasiya şəraitindən asılı olaraq radioaktiv zəhər-
ləyici maddələrin meşə təsərrüfatına vurduğu zərərin azaldıl-
ması üçün işlər görülür. Meşə massivinə çökən radioaktiv toz-
lar əsasən (40-90 %) ağac köklərində, yarpaqlarda, budaqlarda,
ağac gövdələrində cəmləşir. Çox az miqdar isə ot örtüyünə çö-
kür. Meşənin qorunması bu halda ağacların kəsilməsi və yeni
ağacların əkilməsi qaydalarına düzgün riayət etmək lazımdır.
