Kompyuter tizimlari va tarmoqlari

Lokal tarmoklarning asosiy turlari.

Yuqorida aytilganidek, kompyuterlar tarmoq texnologiyasi rivojlanish davri 1969 yilning 2 sentyabridan boshlangan. Ya’ni AQShning Massachust universitetida professor Len Kleynrok 2 ta talaba bilan oldin ikki, keyin 3 ta kompyuterni bir biri bilan bog‘laydi. Shu yilning noyabr oyida o‘ndan ortiq va 1971 yilda esa shtatdagi bir necha universitetlar kompyuterlarini yagona tarmoqqa ulaydi. Dijital Ekyupment koorporeyshin (DE), Intel va Xegox kabi mashxur firmalar sayi xarakati bilan Ithernet deb nomlanuvchi juda qulay, ommaviy tarmoq texnologiyasi paydo bo‘ldi.

U o‘zining arzonligi, qulayligi, ishonchliligi bilan ajralib turadi. Kamchiligi ham yo‘q emas. Masalan, stantsiyalar soni oshib ketgan yoki uzatiladigan axborot xajmi ortganda, tarmoqning ish tezligi sezilarli tushib ketadi. Binobarin, u bilan videokonferentsiyalar, multimedia vositalarini katta xajmlarda ishlatishning iloji yo‘q.
Mazkur tarmoq quyidagicha ishlaydi. Hamma ishchi stantsiyalar uzluksiz ma’lumotlarni uzatish kanaliga quloq soladi, o‘ziga uzatilgan axborotlarni angladi deguncha, uni o‘qiydi. Agar stantsiya nimanidir uzatishni xoxlamasa, u xolda oldindan kanalga "quloq soladi". Agar kanal bo‘sh bo‘lsa, u xolda stantsiya
ma’lumotlarni jo‘natishni boshlaydi, agar bunda qandaydir to‘siq bo‘lsa (masalan, ikki stantsiyaning bir vaqtda uzatishi), stantsiya ma’lumotlarni jo‘natishni to‘xtatadi va uni qandaydir oraliq vaqtda jo‘natishga xarakat qiladi.
Mazkur tarmoqda "juftli o‘ram", koaksial yoki optik tola kabellaridan foydalanish mumkin. Ithernet umumiy shina va yulduzcha topologiyadan foydalanadi. Ulardagi uzatish tezligi 10 dan 100 Mb/s gacha.
IBM firmasi Token Ring texnologiyali tarmoqlarni nisbatan kech yaratdi. Bu tarmoq xalqa topologiyasi asosida edi. Ular aytarli keng tarqalmadi, biroq yuksak darajada ishonchli va katta axborotlarni qayta ishlashga kafolat beradi.
Ushbu tarmoqda xalqa bo‘ylab doimo marker (token) deb ataluvchi elektron "xabar beruvchi" faoliyat ko‘rsatadi. Xar qanday xabar uzatuvchi kompyuter ana shu "xabar beruvchi" ruxsat berishini kutib turadi, marker kelgach, unga xabarni uzatishga ruxsat beriladi. Xabar adresatga Etib borgandagina, marker ozod bo‘ladi. Bu xolda hamma bir tekis axborot uzatish imkoniyatiga ega bo‘ladi.
Bu tarmoqning eng katta kamchiligi - qurilmalarning nixoyatda qimmatbaxoligidir. Bu Erda ham "juftli o‘ram", koaksial, optik tola kabellardan foydalanish mumkin. Ma’lumotlarni uzatish tezligi 4 dan 16 Mb/s gacha bo‘lishi mumkin.
Bundan tashqari, yana bir necha LKTlar mavjud. Ulardan eng ko‘p uchraydiganlari ARCNET va FDDI.
ARCNET juda arzon, ishonchli va oddiy ishlaydigan tarmoq, biroq tezligi bor yo‘g‘i 2,5 Mb/s. Shuning uchun ham ushbu texnologiya mutaxassislar e’tiborini qozonmadi. ARSNETdan farqli ravishda FDDI (Fider Distributed Data Interfeys) tarmog‘i optik tola kabel bilan jixozlangan bo‘lib, 80-yillar o‘rtalarida yaratildi.
Mazkur tarmoqda video va audio axborotlarni uzatish mumkin. Tezligi 100 Mb/s. Dastlab FDDI aloxida tarmoqlarni ulash uchun magistral sifatida kashf qilindi. Biroq bu tarmoq ham katta xarakat talab qildi. Birgina kompyuterni tarmoqqa ulash 1000 $ dan 2000 $ gacha bo‘lishi tarmoqning keng tarqalib ketishiga to‘sqinlik qilmoqda.

3.