1. Тuzish vaqtiga ko‘ra:kirish balansi,joriy (davriy) balans,tugatish balansi,bo‘lishbalansi,birlashtirishbalansi.Kirish balansi-korxonaning tashkil topish paytida tuziladi. Joriy balanslar-korxona qonunchilik bilan belgilangan muddatda mavjud bo‘lgan vaqt mobaynida vaqti-vaqti bilan tuzilib turiladi. Bo‘lish balanslari yirik korxonaning bir necha mayda korxonalarga bo‘linish vaqtiga yoki shu korxonaning bir yoxud bir necha tarkibiy bo‘linmasini boshqa korxonaga berish vaqtiga tuziladi. Tugatish balansi-korxona faoliyatini tugatish sanasida mol-mulk va uning manbalari holatini tavsiflash uchun tuziladi
2.Тuzish manbalariga ko‘ra: inventar balanslari. Faqat inventar vositalari asosida tuziladiular qisqartirilgan variantda hisoblanadi. Bunday balanslar mavjud mulk asosida yangi xo‘jalik yurituvchi subyektlar vujudga kelganda yoki xo‘jaliklar o‘z shaklini o‘zgartirganda talab qilinadi;
daftar balansi -inventarizatsiya o‘tkazish yo‘li bilan oldindan tekshirilmasdan faqat daftarlardagi yozuvlar asosida tuziladi; bosh balans -hisob va inventarizatsiya ma’lumotlariga asosan tuziladi.
3. Axborot hajmigako‘ra: yakka (bir martalik) va yig‘ma balanslarga bo‘linadi. Yakka (bir martalik) balans -faqat bir xo‘jalik yurituvchi subyektbo‘yicha joriy hisob asosida tuziladi; yig‘ma balans bir martalik balanslar asosida tuziladi va birlashmalar (vazirliklar, firmalar, aksiyadorlik jamiyatlari va shu kabilar)ning xo‘jalik mablag‘larini aks ettiradi. U barcha xo‘jalik yurituvchi subyektlar mablag‘larining umumiy holatini aks ettiruvchi summalarni mexanik qo‘shish yo‘li bilan tuziladi.
4. Faoliyat xarakteri bo‘yicha: asosiy balans -xo‘jalik yurituvchi subyektning asosiy faoliyat turi va ustaviga to‘g‘ri keladigan balans; asosiy bo‘lmagan balans -xo‘jalik yurituvchi subyektning boshqa faoliyat turlari bo‘yicha tuziladigan balans.
5. Mulkchilikshakliga ko‘ra:davlat, kooperativ, o‘z, aralash va qo‘shma korxonalar, shuningdek, jamoat tashkilotlari balanslari farq qiladi.
