Ana plata (Motherboard) – fərdi kompüterin qovşaq və hissələrini bir-biri ilə fiziki əlaqələndirən platadır, üzərində mikroprosessor, əməli yaddaş, Keş-yaddaş, çıxış/giriş qurğularının kontrollerləri, CMOS, BİOS, Chipset mikrosxemləri yerləşir. Eyni zamanda ana platanın üzərində müxtəlif yuvalar yerləşir. Bəzi ana platalarda videoadapterin və səs kartının mikrosxemləri də yerləşir.
Mikroprosessor (CPU) - fərdi kompüterlərin düşünən beyni olub ana plata üzərində yerləşir, ədədlər üzərində hesab-məntiq əməliyyatlarını yerinə yetirmək və idarəetməni həyata keçirmək üçün nəzərdə tutulmuşdur. Mikroprosessor hesab-məntiq və idarə qurğusunu özündə birləşdirir. Mikroprosessorların daxili yuvaları operativ yaddaşın yuvalarına bənzəyir və registr adlanır. Mikroprsessorları əsasən Intel, AMD və Cyrix firmaları istehsal edir. Intel firması öz mikroprosessorlarını əsasən Pentium markası ilə istehsal edir. Pentium tipli mikroprosessorlar işləmə(takt) tezliyinə görə aşağıdakı siniflərə bölünür.
Pentium I - 75 Mhs 300 Mhs
Pentium II - 300 Mhs 600 Mhs
Pentium III - 600 Mhs 1100 Mhs
Pentium IV – 1100 Mhs(1,1Ghs) 4000 Mhs(4 Ghs)
Müasir fərdi kompüterlərin hesablama məhsuladarlığı saniyədə milyard əməliyyata bərabərdir. Mikroprosessor kompüterin digər qurğuları, ilk növbədə əməli yaddaş ilə verilənlər şini, ünvan şini və əmrlər şinləri ilə bağlı olur.
