Laboratoriya ishi №1 Mavzu: sqlda xampp dasturi uni o‘rnatish va ishga tushirish ishdan ko`zlangan maqsad

Laboratoriya ISHI №1
Mavzu: SQLDA XAMPP DASTURI UNI O‘RNATISH VA ISHGA TUSHIRISH
Ishdan ko`zlangan maqsad. Talabalarga SQL dasturi bilan ishlashda dasturning ishlatilish maqsadi, dasturni kompyuterga o’rnatish, dasturni ishga tushirish masalalarini o`rgatishdan iborat.
Topshiriqlar:
1. Dasturni ishga tushirishni o`rganib chiqing?
2. Agar sizning kompyuteringizda bu dastur mavjud bo`lmasa uni tezda o`rnating va o`rnatish tizimini gapirib bering?
3. Barcha ishlarni amalga oshirganingizdan so`ng, ma`lumot kiritib baza yarating?
4. Barcha ishlarni qilib bo`lganingizdan so`ng, hisobot tayyorlab uni himoya qiling?.
Ma`lumotlar bazalarini tashkil etishda ko`plab dasturiy vositalar ish olib boradi. Shunday dasturlardan biri bu SQL dasturi hisoblanadi. Bu dasturda ishlash uchun foydalanuvchilardan XAMPP amaliy dasturiy vositasi bilan ishlashni bilish talab etiladi. Endi bu dastur uchun qanday serverlardan foydalanish mumkinligiga to`xtalib o`taylik. Eng yaxshi serverlardan biri bilan tanishaylik, bu Apache serveridir. Apache Internetda keng tarqalgan web-servevrlargan biridir. Hozirgi vaqtda Apache dasturiy ta’minoti taxminan butun jahon Web uzel(tugun)larining yarmida o’rnatilgan. Shuningdek ba’zi bir ilovalar ham tavsiya etiladi. Bular PHP va mashhur MySQL Ma’lumotlar bazasini boshqarish tizimlari interpretatoridir.
PHP dasturlash tilini o’rganishni boshlash uchun Apache virtual serverini barcha zarur modullarini hamda MySQL ma’lumotlar bazasini o’rnatish va sozlash lozim. Buning eng sodda va qulay usuli – Apache, MySQL, PHP lar birlashtirilgan XAMPP paketini o’rnatishdir.
XAMPP – o’zida Apache, MySQL, PHP interpretatori, Perl dasturlash tili va bir qancha qo’shimcha kutubxonalarni jamlagan krossplat-formali yig’ilgan Web serverdir.
XAMPP – bu:

• 
  X (ixtiyoriy to’rtta operatsion tizim)
  
• 
  Apachi
  
• 
  MySQL
  
• 
  PHP
  
• 
  Perl
  

XAMPP barcha 32-64 razryadli Microsoft operatsion tizimlarida (98/2000/XP/2003/Vista/7/8/10) hamda Linux, Mac OS X va Solaris tizimlarida ishlaydi. Dastur ochiq va bepul tarqatiladi. XAMPP ni o’rnatish uchun zip, tar yoki exe formatdagi faylni yuklab olish zarur, dastur komponentlari sozlashni talab etmaydi. Dastur doimiy tarzda tarkibiga Apache/MySQL/PHP va Perl larning yangi versiyalarini olib yangilab turadi. Dasturning foydalanuvchi interfeysi sodda tuzilgan. XAMPP ni o’rnatish uning komponentlarini har birini alohida o’rnatishga nisbatan kam vaqt oladi.