Inson organizmiga chang zararli ta’sirining darajasi nafas olishda yutilayotgan chang miqdoriga, chang zarrachalari o‘lchamlariga, zarrachalar shakliga, changning kimyoviy tarkibiga va eruvchanligiga bog‘liq. Nafas olishda yutilayotgan chang miqdori esa ish o‘rni havosining changlanganlik darajasiga bog‘liq. Changlangan havo ishlash va undan nafas olish natijasida odam organizmining nafas olish organlari, ovqat hazm qilish organlari, ko‘zi, terisi va boshqa organlari turli darajada zararlanishi mumkin. Shularning ichida eng xavflilari o‘pka silikozi, ko‘zga qorachig‘ining xiralashishi, ko‘zda oq parda hosil bo‘lishi, teri yallig‘lanishi, qichima va boshqa teri kasalliklaridir.
