Chang zaharli va zaharsiz bo‘lishi mumkin. Bu uning kimyoviy tarkibiga bog‘liq. Zaharli changlar kukunsimon pestitsidlar, mineral o‘g‘itlar va boshqa kimyoviy moddalar bilan ishlaganda hosil bo‘ladi. Bundan tashqari zaharsiz chang tarkibida turli mikroorganizmlar va mikroblar bo‘lishi mumkin. Bu holat uning zararli ta’siri oqibatini og‘irlashtiradi.
Ba’zibir changlar inson sog‘lig‘i uchun xavfli bo‘lishidan tashqari havo bilan ma’lum bir konsentratsiyada aralashma hosil qilganda portlash xususiyatiga ega. Bularga ko‘mir, torf, yog‘och-taxta, shakar, un, don, tamaki va teri mahsulotlari changlari kiradi. Ba’zibir changlar portlashining pastki konsentratsiya chegarasi va xavflilik sinfi 6-ilovada keltirilgan.
