Ba’zibir changlar inson sog‘lig‘i uchun xavfli bo‘lishidan tashqari havo bilan ma’lum bir konsentratsiyada aralashma hosil qilganda portlash xususiyatiga ega. Bularga ko‘mir, torf, yog‘och-taxta, shakar, un, don, tamaki va teri mahsulotlari changlari kiradi. Ba’zibir changlar portlashining pastki konsentratsiya chegarasi va xavflilik sinfi 6-ilovada keltirilgan.
Changlar, o‘zining abrazivlik xususiyatiga bog‘liq holatda, mashina va mexanizmlarning detallarining yeyilishini, buzilishini tezlashtiradi, ishonchliligini pasaytiradi. Buning natijasida turli avariya holatlari yuzaga kelib baxtsiz hodisalar sodir bo‘lishi mumkin.
