- Пшеница; - Антрацит; - Сигареты; - Лампы накаливания; - Волокно хлопковое; - Цемент всякий марки до м-400 в таре; - Уголь каменный марки ОС-отощенный спекающийся va h.k.
Yuklarning ЕТСНГ kodining pozitsiya nomeri (birinchi uchta raqam) bo‘yicha yuklarning reja va ortishni hisobga olish nomenklaturasi hamda shifri Прейскурант 10-01 [7] bo‘yicha aniqlanadi. Bu nomenklaturada yuklar shunday alomatlari bo‘yicha birlashtirilganki, asosiy ommaviy yuklar nomenklaturasi qisqa bo‘lishini, taqqoslanuvchanligini, tashish sharoitlarini belgilashini va harakatdagi sostav turini tanlash imkoniyatini berishi inobatga olingan. Yuklarning reja va ortishni hisobga olish nomenklaturasi yuk tashishlarni rejalashtirishda va ortishni hisobga olishda foydalaniladi.
Yuklarning kodini himoyalovchi nazorat soni kompyuterda (yoki dastagi) hisoblanadi va tekshiriladi. Buning uchun 1 2 3 4 5 6 7 8 9 10 1 2 3.... vazn qatoridan va 11 modulli nazorat metodidan foydalaniladi. Yukning kodni birinchi beshta sonlarini 1 2 3 4 5 vazn qatoriga razryadlar bo‘yicha ko‘paytmasi summasini 11 moduliga bo‘lish natijasidagi qoldiq, kodni himoyalovchi nazorat soni hisoblanadi. Qoldiq (nazorat soni) ikki raqamli (10) son chiqqan hollarda, vazn qatori ikki pozitsiyaga suriladi, ya’ni yuk kodining sonlari razryadlar bo‘yicha, 3 4 5 6 7 vazn qatorigako‘paytiriladi. Agar shunda ham qoldiq (nazorat soni) 10 ga teng bo‘lsa, yuk kodini himoyalovchi nazorat soni qiymati 0 ga teng deb qabul qilinadi. Bu metod yordamida axborot vositalariga kiritilgan barcha noto‘g‘ri kod sonlari va boshqa xatolar aniqlanadi.
3.1-misol:“Уголь каменный марки К-коксовый” ni ЕТСНГ bo‘yicha kodi, yuklarni reja va ortishni hisobga olish nomenklaturasida qaysi nomenklatura guruhiga mansubligi va shifri hamda nazorat soni aniqlansin.
