Lala ta’rizliler ta’rtibi

2.Gu’lsafsar ta’rizliler tuqimlasi
Italiya gladiolusi (Gladiolus Italicus Mill)- Boyi 80 sm jetetug’in ko’p jilliq sho’p. Japirag’i qilish siyaqli, uzinlig’i 18-20 sm, o’tkir ushli,kem tamirli. To’pgu’li masaq siyaqli, 6-8 gu’lli. Gu’laldi japiraqlari nishter siyaqli, gu’lleri tik. Miywesi domalaq ma’yek siyaqli, Iyun ayinda gu’llep, iyulda miywesi pisedi.
Ippolit gu’lsafsari (Iris hippolyti)- Paqali 10 sm ba’lentlikte. Tu’ynek piyazi 1,5 sm juwanliqta. Japiraqlari oraq siyali, eni 1-1,5 sm,tegis. Gu’lleri birewden ashiq siya ren’li. Sirtqi gu’ljapiraqlari 2 sm uzinliqta, romb siyaqli. Mart-aprel aylarinda gu’llep, miywesi aprel-mayda pisedi.
3.Piyaz ta’rizliler tuqimlasi (Alliaceae)
Boshantsev piyazi(Allium botschantzevii)-Bas piyazi 1-2 sm ken’likte, qaramtir, qag’az siyaqli qabiq penen qaplang’an. Paqali 30-60 sm u’lkenlikte, to’mengi bo’limi to’menge iyilgen tu’kli. Japiraqlari 2-3, qa’lemli nishter siyaqli, eni 10-15 mm, to’menge iyilgen, qalin’ tu’kler menen qaplang’an. Sayaman ko’p gu’lli, derlik shar siyaqli, diametric 30-4-mm. Gu’l qorg’an bo’lekleri juldiz siyali,uzinlig’i 6 mm. Ataliq jipleri 6 mm uzinliqta. Go’regi shar siyaqli, diametric 4 mm. Aprelde gu’llep, mayda miywe beredi. Tuqimnan ko’beyedi.
Bakxaus piyazi (Allium bakhousianum)- Bas piyazinin’ eni 3-5 sm, qaramtir, qag’az siyaqli qabiq penen qaplang’an. Paqalinin’ boyi 90-150 sm, tegis. Japiraqlari 5-6, qayis siyaqli, eni 4-8 sm tegis. Sayamani ko’pgu’li, derlik shar siyaqli, diametric 5-10 sm.
Gu’lbaldag’i derlik ten’, uzinlig’i 3-5 sm. Gu’lqorg’an bo’lekleri juldiz siyaqli, aq, jasil tamirli, uzinlig’i 10 mm .Mayda gu’llep, iyulda miywe beredi.
4.Chuchmoma ta’rizliler tuqimlasi
Sari shternbergiya (Sterbergia lutea)- Boyi 20 sm ge jetetug’in ko’p jilliq,piyazshali sho’p. Piyazi iri,eni 4 sm ge, uzinlig’i bolsa 5 smge jetedi. Japiraqlari ken’ nishter siyaqli, shetleri mayda o’tkir tisli. Japirag’i gu’li menen bir waqitta o’sip shig’adi. Gu’lleri baldaqsiz, sari ren’li.Gu’lpaqali nay ta’rizli. Sentyabr-oktyabr aylarinda gu’lleydi.
Fisher shternbergiyasi( Sternbergia fischeriana)- Boyi 10 sm ge jetetug’in ko’p jilliq,piyazli o’simlik. Japiraqlari 4-8, tu’ksiz. Gu’lleri 8-10 mm uzinliqtag’i gu’lbaldaqta jaylasqan.Gu’lqorg’annin’ sirtqi japiraqshalari soziq. Tuqimi derlik domalaq. May ayinda gu’llep, aprelde miywe beredi.