LektsIYa – 1 psixologiya tariyxi predmeti


ERK HA`M MINEZ-QULIQ MAShQALASI



Yüklə 0,56 Mb.
Pdf görüntüsü
səhifə2/7
tarix13.04.2017
ölçüsü0,56 Mb.
#13831
1   2   3   4   5   6   7

ERK HA`M MINEZ-QULIQ MAShQALASI . 

 

Erk  mashqalasi  Demokrit  arqali  za`ru`rlik  ha`m  tosattan  boliwshiliq  tiykarinda    sheshiledi.  Demokrittin` 



materializmnin`  organikaliq  bo`legi  bolip  qatti  determinizm  esaplanadi.  Barliq      tirishilik  za`ru`rlikke  boysing`an. 

Demokrit  ta`biyattag`i  toliq  muwapiqliq  haqqinda  idelistlik  ta`liymatti  qabil  etpedi.  Demokrittin`  ta`liymatinin` 

materialinan  adam  erkinin`  azatlig`in  mashqalasin  qatti  determinizm  tiykarinda  sheshiw  mu`mkin  emes  ekenligi  aniq 

boladi . Epikur adamnin` minez–qulqinin` ta`biyatina atomlardin` o`z-o`zinen awiwi haqqinda ta`liymat tarqatip, ha`r 

bir adam erk azatlig`i elementine iye . 

Erk azatlig`i ha`m za`ru`rlik arasindag`i o`z ara baylanistin` dialektikaliq kontseptsiyasin Lukretsiy dawam 

etti. Al  stoiklerde azatliq  tu`sinigi  o`z aldina boldi. Adam ta`g`dirin jazilg`anda o`z erki menen qabil etiwi kerek. Bul 

o`z  erki  menen  za`ru`rlikke  boysiniw 

  azatliqtan.  Boysiniwshiliq  ideologiyasi,  yag`niy  ta`g`dirge    bag`iniw 

xristianstvo  ta`repinen  qabil  etilgen    ha`m  rawajlandirilg`an  edi  .  Minez-  quliqtin`,  en`  a`hmiyetli  tu`rlerine  stoikler 

batirliq,  o`z-o`zin tuta  biliw, ruwxiy tinishliq ha`m a`dillik jatadi, dep esapladi . 


Minez-quliq  du`n`yag`a  degen  ko`z  qarasqa  tiykarlanip,  jaqsiliq,  jamanliq  ha`m  biypa`rwaliqqa  su`yenedi.  

Stoikler  adamnan  o`z    puqaraliq,  xojaliq  ha`m  t.b.  waziypalardi    orinlawdi  talap  etti.  Dana  adam  o`z  o`mirin  watan 

ha`m doslari ushin bere aladi. Minez-quliqtin` qa`liplesiwinde ruwxti uzaq shinig`iwlar menen shiniqtiriw, isler islew  

ha`m  ja`ne  de,  qaharmanlardin`  islerin  baqlap,  olar  tuwrali  pikir    pikir  ju`rgiziw  u`lken  rol`  oynaydi.  Ha`r  bir  adam 

o`zinde  ku`shli minez-quliq  jarata aladi ha`m jaratiwi sha`rt . 

 

 



 

 

PLATONNIN` IDEOLOGIYaLIQ PSIXOLOGIYaSI . 



 

Sokrat o`zinin` jan haqqinda ta`liymatinda dene   menen jannin` ortasinda shegara barlig`in ko`rsetip, jannin`  

material  ha`m  zat  emes  ekenligin  ja`riyaladi  .  Ol  jandi  bolimsiz  dep  ,  qanday  da  bir  jdeneden  ayriqsha  na`rse  dep 

belgiledi. Jan ko`rinetug`in dene siyaqli  ko`zge ko`rinbeydi. Sokrat jannin` o`lmeytug`inin jaqlap aytti.  

Idealizm  o`zinin`  rawajlaniw  shin`ina  Sokrattin`  sha`kirti  Platon    arqali  eristi  (  n`g`w-qn`w  j.b.e.deyin). 

Platon  ob`ektivlik  idealizmnin`  tiykarin  saliwshi  boldi.  Onin`  G`FedonG`,  G`FedrG`,  G`ZiyapatG`,  G`Ma`mleketG`, 

G`FilebG` atli shig`arma-dialoglarinda psixologiyaliq  mashqalalarg`a en` ko`p orin ajiratilg`an . 

Platonnin` orayliq filosofiyaliq mashqalasi – bul ideyalar haqqinda ta`limymat. Ideyalar–bul haqiyqiy  nag`iz 

turmis.  Ol  o`zgermeydi,  ma`n`gi,  payda  bolmaydi  ha`m  hesh  qanday  substantsiyada  a`melge  asirilmaydi.  Olar  tu`r-

tu`ssiz,  ko`zge  ko`rinbeydi,  seziliwshi  na`rselerden  g`a`rezsiz.  Materiyanin`  ideyadan  ayirmashilig`i,  materiya-turmis 

emes, formasiz ko`zge ko`rinbeytug`in na`rse . 

Platonnin`  ideyalar  haqqinda  ta`liymati  –  ob`ektivlik  idealizm.  Onin`  idealistlik  filsofiyasinin`  quramaliq 

bo`legi jan haqqinda ta`liymat bolip esaplanadi. Jan o`z ta`biyati  boyinsha shiriytug`in deneden sheksiz joqari turadi 

ha`m sonliqtan  onin` u`stinen biylik  ete aladi ha`m onin` is-ha`reketlerine boysiniwi sha`rt. Platon  olardin` baylanisi 

haqqinda  u`yretip,  olardin`  bir-birine    sa`ykesligi  haqqinda    aytadi.  Ol  jannin`  9  tu`rin  ayirip  aytadi  ha`m  olardin` 

belgilengen adamg`a tuwra   keletug`inin  ko`rsetedi. Platonjan ha`m deneni ten` salmaqliq jag`dayinda rawajlandiriw 

kerekligin, olardin` arasinda sa`ykeslik  boliw kerekligin  atap o`tedi.  Ol jandi metaforaliq  obrazliq aniqlama   menen 

ko`rsetedi.    G`Ma`mleketG`  degen    shig`armasieda  pada,  padashi  ha`m  og`an    ja`rdem  beretug`in  iytti  salistiriw 

ma`nisinde  aytsa,    G`FedrG`    shig`armasinda    jan  arbag`a  jegilgen  eki  ushqir  atqa    megzetiledi.    Bul  aniqlamalardi 

jannin`  u`sh  quramlig`i  obrazli  tu`rde  aytilg`an  .    Platonnin`  pikiri  boyinsha  adam  janinin`  u`sh  negizi  bar.    Birinshi 

ha`m  to`mengeisi  haywanatlar  ha`m  o`simlikler  menen  birdeyarliqqa  iye  aqilsiz  tiykar.  Og`an  iye  bolg`an  ha`r  yubir 

tu`ri jan o`z denesinin`  qa`lewlerin qanaatlandiriwg`a tirisadi U` ra`ha`tlikti sezedi, su`yedi, ashliqti  sezedi, sho`lleydi 

ha`m basqa qumarliqlarg`a toli boladi . Bul  tiykar   adam janinin` ko`p bo`legin iyeleydi. Ekinshi, aqilli tiykar bolsa, 

qumarliqqa  iye  tiykardin`  umtiliwlarina  qarsi  turadi  ha`m  qarsi  gu`resedi.  U`shinshi  tiykar  –  bul  qa`ha`rli  ruwx.  Bul 

tiykar    menen  adam    qizip  ketedi,  ashiwlanadi,  o`zi  a`dil  dep  esaplag`an  na`rsesinin`  ta`repdari  boladi  ,  bul  ushin  ol 

ashliqqa, suwiqqa shidawg`a ha`m basqa da barliq azaplardi  basinan o`tkizip, tek jen`iske erisiwge tirisadi . 

Platonnin`  adam  denesi  o`lgennen  keyin  janinin`  ta`g`diri  qanday    bolatug`ini  haqqinda    ta`liymati  mif  

formasina iye bolip, etikaliq , ma`mleketlik  ha`m pedagogikaliq maqsetlerdi go`zleydi. Adam jasap atirip, o`lgennen  

keyin  jan  denenin`  barliq  is-ha`reketleri  ushin  juwapker  ekenine  iseniwi  kerek.  Bul  isenim  ha`r  bir  adamdi  keleshek 

o`mirde  bolatug`in jazadan qorqiwg`a  ha`m a`dep-ikramliq,  juwapkershilik  shegarasinan shig`ip ketpewge  ma`jbu`r 

etedi .Jannin` o`lmeytug`ini haqqinda ideya ja`ne bir ma`nisti o`z ishine  jasirg`an U` ruwxiy ta`jiriybe adamnin` o`limi 

menen qosilip o`dip ketpeydi, ol ma`n`gi . 

Platon  jan  ko`rinislerin  su`wretlegende  bilimge  ha`m  onnan  ayirilmaytug`in  ra`ha`tlik  penen    qiyinshiliqqa 

ayriqsha  diqqat awdaradi. Ol bilim ob`ektine qaray pikir, aqil ha`m esti ayirip aytadi . Platonnin`   idelizminin` tiykarin 

quraytug`in usi ob`ektlerdin`  turmistag`i qatnainin` u`zilgeni G`Ma`mleket tin`  VII  kitabinda  mif formasinda bayan 

etiledi . Sezimler a`leminde adamnin` o`miri  qamaqtin` tu`binde baylang`an tutqinlardin` o`mirine megzetiledi. Pikir – 

bul bilim ha`m bilimsizliktin` arasindag`i na`rse.  

Turmisqa  (ideyalarg`a)  bag`darlang`an  bilim,  yag`niy  aqil  menen  tu`sinip  jetetug`in  du`n`yag`a 

bag`darlang`an  bilim  haqiyqiy  bilim  beredi.  Bul    intellektual`  bilim  bilimnin`  joqari  tu`ri  bolip,  eki  tu`rge  iye.  Bul 

intellektual`  `bilim  bilimnin`  joqari  tu`ri  bolip  ,    eki    tu`rge  iye.  Bul  birinshiden,  aqil.  Aqil  ideyalar  tarawina    tiyisli, 

biraq  bunday waqitta jan o`zi su`wretlewshi dep esaplaytug`in  obrazlardi qollanadi.  

Platonnin` pikiri boyinsha, biliw protsessi- bul iske tu`siriw, yag`niy anamnezis. Bul protsess- taza ratsional 

ha`m logikaliq  protsess. Platon  go`zzal na`rselerge , olardin` ren`i, formasi ha`m  sestine  qarap,  tamashalawdi joqari 

bahaladi. Go`zalliqqa degen su`yispenshilik jannin` qa`liplesiwinde kerekli qural boladi . 

Platonnin`  jan  haqqinda  ta`liymatinin`  quramali  bo`legi-  sezimler  haqqinda  ta`liymat  bolip  esaplanadi  . 

Platon  ra`ha`tlik u`lken baxit, degen tu`sinikti biykarlaydi . Ra`ha`tlik, qiyinshiliq ha`m olardin` ekewinin` de joqlig`i 

jannin`  u`sh  jag`dayi  ha`m  olarg`a  sa`ykes  keletug`in  o`mirdin`    u`sh  tu`ri  sipatinda  qaraladi.  Platon  minaday 

sezimlerdin` tu`rin  atap o`tedi U` g`a`zep, qorqinish, tilek, qayg`i, muhabbat, qizg`anish ha`m ku`nshillik . 

Ra`ha`tleniwdin`  to`men  ha`m  joqari  tu`rleri  bolip,  to`men  tu`ri  fizikaliq  talaplar,  al  ekinshi  joqari  tu`ri 

estetikaliq  ha`m  aqilg`a  baylanisli  isler,  ra`ha`tleniwler  –  jannin`  u`sh  tiykarina  ta`n,    ku`shli      (u`lken)  ha`m  kishi 

ku`shlilerde  molsher joq, al ku`shli emeslerge sa`ykeslik  ta`n) N` kewil ra`ha`tligi dene ra`ha`tliginin` aldin aladi. 

Platonnin` pikiri boyinsha, ma`mlekette adamlar o`zinin` ta`biyg`iy  uqibina say orin iyelewi tiyis. 

A`yyemgi (antik) psixologiyasi shin`i – Aristotel`din`              ( b.er.shekem. EIR-EWW j.j.) jan haqqinda 

ta`liymati  bolip esaplanadi. Aristotel`  G`Jan haqqindaG` degen traktattin`  avtori bolip, du`n`ya ju`zlik a`debiyatta jan 

mashqalasi  boyinsha  birinshi  bolip  sistemaliq  izertlewler  ju`rgizdi.  Ol  Platon  sha`kirti  bolip,  ideyalardin`    ta`biyatin 

tu`siniwde ekewinin` pikiri eki tu`rli edi ha`m Aristotel`  ideyalardin` zatlardan bo`lek ekenin biykarladi. Aristotel`din` 

pikiri boyinsha, ha`r bir na`rse materiyanin` ha`m formanin` birligi bolip  esaplanadi. Pu`tkil ta`biyat- materiya menen  

baylanisli  bolg`an  formanin`  jiyindisi.  Degen  menen,  Aristotel`  formanin`  materiyasiz    boliwi  mu`mkin  ekenin 



shamaladi  .  Bul-  material  emes,  energiyaliq    aqil,  joqari  aqil  bolip,  formalar  formasi  .  Aristotel`din`  sistemasina 

qarama-qarsiliq  ta`n  U`  o`zinin`  forma  haqqinda  ta`liymatinda    ol  ob`ektivlik    idealizm  pozitsiyasinda    qaladi,  biraq 

Platonnin`  idealizm menen salistirg`anda onin` idealizmi uliwma alg`anda  alisiraq ha`m ortaq . 

 

ARISTOTEL`DIN`  JAN HAQQINDA TU`SINIGI . 

 

Aristotel`din`  pikiri  boyinsha,  jan  tiri  organikaliq  denenin`  formasi.  Bul  jag`day  to`mendegi  metaforalar 

menen    tu`sindiriledi  U`    eger    ko`z  tiri  jan  bolg`anda,  onda  onin`  jani  ko`riw  qa`bileti  bolar  edi.  O`ytkeni    ko`riw 

qa`biletinin` o`zi ko`zdin` tiykari boladi, ko`riw qa`biletin joytqan  ko`z endi ko`z emes. Ol tek ko`z dep atalip, tastan 

islengen  yamasa su`wrette sog`ilg`an  ko`z siyaqli boladi .  Jan deneni tiri qiladi. Jan  bolmasa, dene o`li boladi. Janda 

tiri denenin` barliq ko`rinisleri bar U` boy, dem  aliw, seziniw ha`m pikir ju`rgiziw. Dene ha`m onin` barliq  organlari 

menen bo`limleri jang`a xizmet etetug`in a`sbaplar . 

Jandi  u`yreniw  eki  izertlewshinin`–ta`biyat`shi  ha`m  dialektiktin`    isi.  Jannin`  organi–bul  ju`rek.  Miy 

ko`mekshi  funktsiyani  atqaradi,    onda  qan  kerekli  normag`a  deyin    suwitiladi.  Aristotel`  Platondi    jandi  bo`leklerge 

bo`lgeni  ushin  krikalap,    jannin`  biriligin  da`lilledi  ha`m  onin`  ayirim  qa`biletleri  ha`m  ku`shi                          (dyunamis) 

haqqinda aytti.  Sol waqittin` o`zinde Aristotel` jannin` g`a`rezsiz ha`m bo`lingen eki  negizin moyinladi . Jan denege 

keledi  ha`m    o`lgen  waqitta  onnan  shig`ip    ketedi.  Aristotel`de  jannin`  bo`limleri  boyinsha  ha`r  tu`rli    sistemalar 

ushirasadi.  Onin`  klassifikatsiyasinin`  tiykarinda  o`mir  u`sh  basqishqa    bo`linedi  U`  o`simlikler,  haywanatlar  ha`m 

adamlar.  O`simlikler  ha`m    haywanatlar  jani  materialistlik  ma`nisinde  tu`siniledi.  Barliq  haywanatlarg`a    ta`n 

qa`siyetler U` seziw arqali biliw , este saqlaw, umtiliw, qumarliq (ha`wes), erk, tilek, ra`ha`tleniw ha`m qiynaliw bolip 

esaplanadi.  Aristotel`din`  pikiri    boyinsha,  aqilli  jan  ideal,  deneden  ayiriladi  ha`m  onin`  tiykari    Qudaydan  bolip,  ol  

dene  o`lgennen  son`  joq  qilinbaydi.  Ol  hawa  ken`isligindegi  denesiz  efirge  qaytadi.  Aristotel`  adamnin` 

haywanatlardan    ha`m  o`simliklerden  sapali  ayirmashiliqqa    iye  ekenin  duris  tu`sine  otirip,  onin`  tiykarin  idealistlik 

tu`rde tu`sindiredi . 

 

BILIM PROTsESSLERI  HAQQINDA TA`LIYMAT. 

 

Bilimnin`  negizi  seziw  qa`biletlerin  payda  etedi.  Aristotel`  ren`di  seziw  misalinda  seziw  protsessin 

su`wretleydi.  Esitiw,  ko`riw  ha`m  iyis  seziw  arasindag`i  ortaliq–bul  hawa  ha`m  suw,  al  seziw  ushin    til  ha`m  dene 

boladi. Seziw organi-bul jannin` o`zi. 

Sezimlerdi  saqlaw  hg`m  olardi  qayta  tiklewge  este  saqlaw  ja`rdem  beredi.  Ol  u`sh  tu`rli  boladi.  Birinshisi 

to`men  bolip,  ol  haywanatlarg`a  ta`nU`  Joqari  este  saqlawda    (bul  ekinshi)  pikir  ju`rgiziw  qatnasadi  .  Son`g`isi  tek 

adamda g`ana bar . 

Eske tu`siniwlerden ta`jiriybe payda boladi, al ta`jiriybelik ko`rkem o`ner ha`m ilimnin` basi. Aristotel` qiyal 

etiwge ha`dden tis a`hmiyet berip, ol haywanatlarda pikir  ju`rgiziwdin` ornin basatug`inin aytti . 

Pikir ju`rgiziw  organi nus bolip, ol-adamg`a ta`n bolg`an jannin` bir bo`legi . Aristotel` to`men ha`m joqari 

ju`rgiziw bar dep  ayiradi. To`men  pikir ju`rgiziw – bul pikir yamasa shama, al joqari  pikir ju`rgiziw – bul za`ru`rlik. 

Joqari  pikir  ju`rgiziw  u`shke  bo`linediU`  aqil  juwirtiwshi  ,  logikaliq  ha`m  diskursliq.Ne  haqqinda  pikir  ju`rgizilip 

atirg`anina  qaray  eki  tu`rli  aqil  barU`  teoretikaliq  ha`m  praktikaliq.  Teoretikaliq  aqil  tirishilikti  u`yrenedi,  bul-  ilim, 

onin` predmeti- za`ru`rlik. Ol praktikaliq sorawlardi qoymaydi. Onin` maqseti- zatlar haqqinda haqiyqatliqti jaratiw. Al 

praktikaliq  aqil  is-ha`reketke  bag`darlang`an  bolip,  onin`  ja`rdeminde  is-ha`rekettin`  norma  ha`m  printsipleri 

u`yreniledi . 

Aristotel`din`  bilim  haqqinda  ta`liymati  tolig`i  menen  adamnin`  ta`biyatti  u`yrenip  bile  alatug`inlig`ina 

degen isenimge toli . 



 

SEZIMLER HAQQINDA TA`LIYMAT. 

Aristotel` affektlerge ko`birek toqtalip, affektler dep qumarliq, g`a`zep, qorqinish, batirliq , ashiw, quwanish, 

muhabbat,  jek  ko`riwshilik,  sag`inish,  ku`nshillik,  ra`him    etiw,  uliwma  alg`anda  ra`ha`tleniw  yamasa    qiynaliwg`a 

baylanisli  na`rselerdi  ataydi.  Affekt-  bul  adamda  qanday  da  bir  ta`sir  na`tiyjesinde  payda  bolg`an  qiyin  awhal  bolip, 

niyet ha`m oysiz payda boladi. Onin` ta`siri sebepli adam buring`i sheshimlerin o`zgertedi. Affekt jag`dayinda denede 

de o`zgerisler payda boladi . 

Aristotel`` ayirim affektlerdin` su`wretlemesin teren` aqil menen du`zip shiqti. Misali U` qorqinish ( f9b9s)  

qanday  da    bir  jag`imsiz  sezim    yamasa  uyaliw  dep  su`wretlenedi.  Qorqinish  bolajaq  jawizliqti  ko`z  aldina  keltirip, 

o`zine ol jamanliq a`keledi yamasa nabit qiladi dep oylag`anda payda boladi .  Biraq adamlar barliq jawizliqtan qorqa 

bermeydi  .  Misali  U`  olar  a`dalatsiz  yamasa  erinshek  boliwdan  qorqpaydi  .  Al  qiyinshiliq    a`keletug`in,  qatti  qapa 

qilatug`in yamasa  nabit qilatug`in, so`zsiz bolatug`inday bolip ko`ringen jaqin apatshiliqlardan qorqadi . 

Aristotel`din`  pikiri  boyinsha,  tiykarinda,  affektler  o`zliginen  jaqiliq  yamasa  ayip  is  emes.  Affektler 

haqqinda ta`liymattin` quramali  bo`legi  katarzis, yag`niy affektlerdin` t`azalaniwinan turadi. Bul tu`sinikti Aristotel` 

meditsinadan  aldi.  Oni  Gippokrat  kirgizgen  bolip,  Gippokrattin`  tu`sinigi  boyinsha    awiriw–bul  ziyanli  soklardin` 

jiynaliwi,  al  emlew–bul  olardi  ortasha    jag`dayda  tu`siriw,  den-sawliq  jol  qoyg`ansha  tazalaw,  katarzis  oni  shig`arip 

jiberiwden ibarat. 

Affektlerge  baylanisli  katarzis  ko`rkem  o`ner  ja`rdeminde  emotsional`  estetikaliq  sezimlerge  iye  boliwdi 

bildiredi.  Tragediya  ra`hmi  keliwshilik  ha`m    qorqinishtin`  ja`rdeminde  affektlerdi  tazalawg`a    erisedi.  Teatrda 

tragediyani tamashalag`an tamashago`yler usi sezimler arqali o`mirde  barliq awir, u`stin`nen basip turatug`in, gu`milji 

na`rselerden azat bolip, olardan tazalanadi ha`m  adamg`a belgili jag`daylarda waqiyalar ha`m islerdin`  logikasi menen 



o`mir  danalig`i  ashiladi.  Ha`zirgi  zaman  avtorlari  teatrdin`  tamashago`yge  o`tkizetug`in    bul      ta`sirin  sotsialliq   

terapiya dep ataydi. 



 

ERK MAShQALASI . 

Erk haqqinda ta`liymat Aristotel` ta`repinen is-ha`reket xarakteristikasi sebepli rawajlanadi . 

Adamnin`  barliq  is-ha`reketleri  iqtyarsiz  ha`m  erkli  tu`rde  islengen  is-ha`reketler  bolip  bo`linedi.  Erkli 

islengen is-ha`reketler keleshekke bag`darlang`an bolip, olarda  aqilliq penen payda  ko`riw  maqseti bar.  Aqil  maqset 

haqqinda  aylanadi  U`  og`an  erisiwge  bala  ma  ya  yaq  pa  ,  soni  esaplap  shig`adi  .  Sonliqtan  aqil  joq  jerde  erk  de  joq 

(misaliU` haywanatlarda, kishkene balalarda ha`m aqili kemis adamlarda). Muqiyatli tu`rde esaplap shig`ilg`an erkli is-

ha`reket  erkin  ha`m  juwapkerli  boladi.  Sol  sebepten  go`zzal    yamasa  uyat  is-ha`reketler  islew  bizlerdin`  erkimizde, 

jaqsi ha`m ayip is islewge birdey erkinlik bar bolip, olardin` psixologiyaliq mexanizmi de birdey. 

 

MINEZ-QULIW HAQQINDA. 

Aristotel` jannin` ku`shli is-ha`reketleri bolg`an affektlerge minez-quliqtin`  turaqlig`in qarsi qoyadi. Minez-

quliq    adamnin`  negizin  ko`rsetedi.    Aristotel`adamlardin`  jasina,  sotsialliq  jag`dayina  ha`m  ka`sibine  qaray,  olardin` 

ruwxiy qa`siyetlerine baha berdi. Minez-quliq ta`biyg`iy qa`siyet emes, al ta`jiriybeliktin` na`tiyjesi . Aristotel` o`zine 

ta`n aniqliq penen aqsu`yek  adamlardin` balaliqta, erjetkende ha`m qartayg`anda qanday mizez-quliqqa iye bolg`anin 

bayanlag`an.  Bul  ta`liymat  Aristotel`din`  sha`kirti  Teofrast                              (b.er.shekem  qw0-g`hh  jillar  )  ta`repinen 

rawajlandirilg`an. Ol o`zinin` G`XarakteristikalarG` (Minezlemeler) degen traktatasinda  q0 tu`rli minez-quliqti ayirip 

aytti. Ja`ne de, o`zi  adamlardin`                   is-ha`reketlerinde baqlag`an minez-quliqtin` usi tu`rlerin bayanlap berdi. 

Bul  bayanlamalar  teren`  tu`siniwshilik  ha`m  puqtaliq  penen  ayirilip  turadi.  Teofrast  baslag`an  bul  da`stu`r  Oyaniw  

ha`m Jan`a  waqit da`wirlerinde Monten`, Labryuyer ha`m Laroshfuko ta`repinen rawajlandirildi. 

Aristotel`  adamnin`  ha§wanatlarg`a  salistirg`anda  sapali  qa`siyetke  iye  ekenin  ayta  otirip,  adamdi 

G`ja`miyetlik  tiri  janG`    dep  ko`rsetti  .  Aristotel`din`  jan  haqqinda  ta`liymati  XVII  a`sirge  deyin  ayirim  o`zgerisler 

menen u`stemlik etti . 

 

A`YYEMGI (ANTIK) VRACHChLARDIN` TA`LIYMATI . 

Antik    psixologiyasinda  materializmnin`  pzitsiyasi  antik  vrachlardin`  anatomiya  ha`m  meditsinadag`i 

tabislari menen bekkemlendi.  

Vrashch  ha`m  oyshil  Alkmen  Krotonskiy  (  b.er.shekem  VI  a`sir)  bilim  tariyxinda  birinshi  ma`rte  bas 

miyinde oy-pikirlerdin` lokalizatsiyasi haqqinda  rejeni usindi . 

G`Meditsinanin` a`kesiG` bolg`an Gippokrat ( shama  menen b.er. shekem   n`u`0-qww jillar ) filosofiyada 

Demokrittin`  ta`repin  tutip,  meditsinada  materializmnin`  wa`kili    sipatinda  jumis  alip  byuardi.  Ol  Alkmeon  siyaqli, 

pikir ju`rgiziw ha`m seziw organi – bul miy, dep esapladi . 

Gippokrattin`  ju`da`  belgili  byuolg`an  ta`liymati  temperament  haqqinda  edi  .Onin`  pikiri  boyinsha  adam 

organizminin` tiykarin to`rt sok quraydi U` silekey (  miyde islep shig`iladi) , qan ( ju`rekte islep shig`iladi, sari o`t ( 

bawirdan) , qara  o`t ( talaqtan). Ha`r qiyli adamlarda usi soklardin` birewinin` basim boliwi, adamnin` temperamentin 

aniqlaydi.  Qan  basim  bolsa,  onda  sangvinikaliq  temperament,  silekey  basim  bolsa,  flegmatik  temperament,  sari  ot 

basim bolsa, xolerik temperament, al qara o`t basim bolsa, melanxolik temperament boladi . 

Antik  meditsinasi  a`sirese  Aleksandraiyada  ku`shli  rawajlandi.  Ol  jerde  eki  alim  ha`m  vrachshlar  Gerofil 

ha`m  Erazistrat  a`hmiyetli    jan`aliqlar,  ashiliwlar  isleri,  jaratti.  Gippokrattin`  kommentatori  ha`m  Ptolomey  II  nin` 

vrashchi bolg`an  Gerofil birinshi ma`rte nervlar, sin`ir ha`m tu`yinler  arasindag`i ayirmashiliqti aniqladi . 

Bul  eminizm  da`wirindegi  barliq  anatomiyaliq  ha`m  fiziologiyaliq  mag`liwmatlardi  rim  vrachshi  Galen  ( 

b.er.shekem  II-a`sir)  topladi  ha`m  toliqtirdi.  Onin`  meditsina,  anatomiya  ha`m  fiziologiya  boyinsha  jazg`an  jiynaqli 

shig`armalari  XVII  a`sirge  deyin  vrachshlardin`  ku`ndelikli  kitabi  bolip  keldi.  Galen  ta`jiriybede  julinnin`  jumisin 

aniqladi. Jumisi boyinsha julinnin` alding`i ha`m artqi tu`biri barlig`in  ayirip aytti . 

Galen  o`zinin`  bir  qansha  shig`armalarin  bas  miyine  bag`ishladi.  Ol  Aristotel`din`  miy  ju`rektin`  

muzlatqishi  degen  tu`sinigin  sing`a  alip,  miy  aqil  ha`m  sezimlerdin`  orni  ekenin  aytti.  Galen    Gippokrattin` 

temperamentler  haqqinda  ta`liymatin  rawajlandirip,  barliq  zatlardin`  to`rt  tiykari    barlig`in,  olar    jilli,  suwiq,  qurg`aq 

ha`m  ig`al  ekenin  ayirip  aytti.  Haywanatlardin`  ha`m  adamnin`  organizminin`  qurilis  materiali    siyaqli  to`rt  soki  bar 

ekenin aytip, usi soklardin` sa`ykesligine ha`m tiykarlarg`a adamnin` psixikaliq qa`siyetleri, ha`tte, jinisi da baylanisli 

ekenin  ko`rsetti.  Galen  barlig`i  bolip  a`q  temperamentti  ayitir  aytti,    olardin`  tek  birewi  g`ana  normada  bolip,  a`g` 

temperament    normag`a    sa`ykes  kelmeydi.  Al  Rim  vrashchi  Aetsiy  (b.er.shekem  V  a`sir)  to`rt  temperamentti 

su`wretledi. Olardi da`stu`riy tu`rde Gippokrattiki dep ataydi . 

Ko`z  benen  ko`rip  qabil  etiw  haqqinda  bilim  ta`biyat  iliminin`  bir  tarawina  jatadi.  Ol  tuwrali  mag`liwmat 

berip Afinada filosofiya oqitiwshisi bolg`an, peripatetimik Aleksandr Afrodisiyskiy  (a`9h-g`a`a`) boldi. 

Adam  da  du`n`yanin`  nizamlari,  o`zi  baqlag`an  waqiyalardin`    sebepleri,  ta`biyat  qubilislarinin`  sebepleri 

haqqinda sorawlarg`a juwap beriwge tirisadi ha`m jan haqqinda oylanadi . Adamnin` jani zat sipatinda emes, al qanday 

da  bir  puw,  hawa  ha`m  ko`lenke  sipatinda  ko`z  aldina  elesletilgen.  Jan  o`mirdin`  ha`m  oy-qiyallardin`    sebeplerinen 

ibarat  bolip,  o`zinin`  ta`nha  sana-sezimine  ha`m  denedegi  adamnin`  erkine  iye.  Deneni  qaldirip  kete  aladi,  bir  jerden 

ekinshi jerge ko`ship ju`re aladi, uyiqlap atirg`an adamlarg`a deneden  ayirilg`an, biraq dene menen birdey obraz bolip 

ko`rine  aladi  .  Jan  deneni  basqaradi.  A`nekey,  solay  etip,  adamnin`  eki  na`rseden  U`  dene    ha`m  ruwxtan  (jannan) 

ibarat,  eki  ta`repliligi  haqqinda  tu`sinik  payda  boladi.  Alg`aqshi  obshshinaliq  da`wirdegi  adam  o`zin  qorshap  turg`an 

du`n`yag`a  ko`z  jiberip,  eki  na`rsenin`U`  dene  ha`m  ruwxtin`  bar  ekenin  ayiradi.  Solay  etip,  jabayi  adam  uliwma  

animizmge-ta`biyattin` ruwxlandiriliwina dus keledi. Aqil-oy mexanizmi zamanago`y adamda da, alg`aqshi adamda da 


birdey. Bul mexanizm ekewinde de so`zsiz an`izlar ha`m tu`siniklerdi payda etedi. Eger de ma`deniyat joq bolip ketken 

jag`dayda,  zamanago`y  adam so`zsiz  animizmge kelip jeter edi . 

Adamzat  ta`jiriybesin`  tariyxiy  rawajlaniwinin`  barliq    basqishlarinda  sana-sezimnin`  o`zgermegeni 

haqqinda  juwmaq,  yag`niy  alg`aqshi  obshshinaliq  animizmnin`  teoriyasinin`  tiykarg`i    tezisine  frantsuz  sotsiologiya 

mektebi  ta`repinen  qarsi  pikirler  aytilg`an  edi.  Bul  frantsuz    sotsiologiya  mektebi  XX  a`sirde  alg`aqshi  obshshinaliq 

da`wirdegi  jasag`an adamnin` sana-sezimi zamanago`y adamnin` sana-seziminen sapaliq ayirmashiliqlarg`a iye ekenin 

aytqan edi. 


Yüklə 0,56 Mb.

Dostları ilə paylaş:
1   2   3   4   5   6   7




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin