Lİzpress tabletlər lispress beynəlxalq patentləşdirilməmiş adı
Yüklə 219,14 Kb. Pdf görüntüsü
|
- Bu səhifədəki naviqasiya:
- Farmakokinetikası Lizinopril
- Lizpress
- Lizpress
- Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
- Yararlılıq müddəti
- «TETRADA» MMC
|
Dərman vasitəsinin istifadəsi üzrə təlimat (xəstələr üçün)
LISPRESS
Beynəlxalq patentləşdirilməmiş adı: Lisinopril + Hydrochlorothiazide
Təsiredici maddələr: hər tabletin tərkibində 10 mq lizinoprilə ekvivalent olan 10,89 mq lizinopril dihidrat, 12,5 mq hidroxlortiazid vardır. Köməkçi maddələr: mannitol, kalsium-hidrofosfat dihidrat, jelatinləşdirilmiş qarğıdalı nişastası, kroskarmelloza natrium, maqnezium-stearat, bej piqment qarışığı PB-27222 (jelatinləşdirilmiş qarğıdalı nişastası, sarı dəmir oksidi (Е172), qırmızı dəmir oksidi (Е172)).
Örtüksüz, şaftalı rəngli, yumru, iki tərəfi qabarıq formalı, bir tərəfinə "LH" həkk olunmuş tabletlər. Farmakoterapevtik qrupu Kombinəolunmuş antihipertenziv preparat. ATC kodu: C09BA03
Farmakodinamikası Tərkibində AÇF inhibitoru (lizinopril) və diuretik (hidroxlortiazid) olan kombinəolunmuş antihipertenziv preparatdır. Antihipertenziv və diuretik təsir göstərir.
angiotenzin II-nin angiotenzin I-dən əmələ gəlməsinin zəifləməsinə və aldosteron ifrazının birbaşa azalmasına gətirib çıxarır. Bradikininin deqradasiyasını azaldır və prostaqlandinlərin sintezini yüksəldir. DÜPM-i (damarların ümumi periferik müqaviməti), AT-ni (arterial təzyiq), ağciyər kapilyarlarında təzyiqi aşağı salır, xroniki ürək çatışmazlığı olan xəstələrdə qanın dəqiqəlik həcminin və yüklənmələrə qarşı dözümlülüyünün artmasına səbəb olur. Lizinopril damargenişləndirici təsir göstərir, bu zaman arteriyaları venalara nisbətən daha çox genişləndirir. Bəzi effektləri toxuma renin-angiotenzin sisteminə təsiri ilə izah olunur. İşemiyaya məruz qalmış miokardın qan təchizatını yaxşılaşdırır. Uzun müddət istifadə olunduqda miokardın və rezistiv tipli arteriya divarlarının hipertrofiyası azalır. AÇF inhibitorlarının xroniki ürək çatışmazlığı olan xəstələrdə istifadəsi ömrün uzanmasına; ürək çatışmazlığının klinik əlamətləri olmadan miokard infarktı keçirmiş xəstələrdə isə sol mədəcik disfunksiyasının proqressivləşməsinin ləngiməsinə gətirib çıxarır. Antihipertenziv təsir preparatın qəbulundan 6 saat sonra müşahidə olunur və 24 saat müddətində saxlanılır. Təsirin davam etməsi həmçinin dozanın miqdarından asılıdır. Preparatın təsirinin başlanması 1 saatdan sonra, maksimal effekt isə 6-7 saatdan sonra müşahidə olunur. Arterial hipertenziya zamanı təsir müalicə başlandıqdan sonra ilk günlərdə müşahidə olunur, stabil təsir isə 1-2 aydan sonra inkişaf edir. Preparatın qəbulu birdən dayandırıldıqda AT-nin nəzərəçarpacaq dərəcədə yüksəlməsi müşahidə olunmur. AT-ni aşağı salmaqla yanaşı lizinopril albuminuriyanı da azaldır. Hiperqlikemiyalı xəstələrdə zədələnmiş qlomerulyar endotelin funksiyasının normallaşmasına şərait yaradır. Lizinopril şəkərli diabet xəstələrində qanda qlükozanın qatılığına təsir göstərmir və hipoqlikemiya hallarının tezləşməsinə səbəb olmur.
ionlarının, suyun reabsorbsiyasının pozulması ilə əlaqəlidir; kalsium ionlarının, sidik turşusunun xaric olunmasını ləngidir. Arteriolların genişlənməsi hesabına antihipertenziv təsir göstərir. Praktik olaraq normal AT-yə təsir göstərmir. Diuretik təsir 1-2 saatdan sonra inkişaf edir, 4 saatdan sonra maksimuma çatır və 6-12 saat davam edir. Antihipertenziv təsir 3-4 gündən sonra meydana çıxır, lakin optimal terapevtik təsirə çatması üçün 3-4 həftə tələb oluna bilər. Lizinopril və hidroxlortiazid kombinasiyada əlavə antihipertenziv təsir göstərir.
Absorbsiya - 30% (6-60%). Lizinoprilin biomənimsənilməsi 25-50% təşkil edir. Qan plazmasında C max
Paylanması Plazma zülalları ilə zəif birləşir. Lizinopril HEB-i və plasentar baryeri əhəmiyyətsiz dərəcədə keçir. Metabolizmi və xaric olunması Lizinopril metabolizə olunmur və dəyişilməmiş şəkildə sidiklə xaric olunur. T 1/2
- 12 saatdır. Lizinoprilin əsas hissəsi başlanğıc α-faza (effektiv T 1/2
- 12 saat) zamanı xaric olunur, ondan sonra uzaq terminal β-faza (30 saata yaxın) gəlir. Hidroxlortiazid Sorulması Daxilə qəbulundan sonra 60-80% absorbsiya olunur. Qan plazmasında C max təqribən 1,5-3 saatdan sonra olur. Qida qəbulunun təsiri altında baş verən sorulma dəyişiklikləri kliniki əhəmiyyət daşımır. Paylanması Hidroxlortiazid eritrositlərdə toplanır. Xaric olunma fazasında onun eritrositlərdə olan qatılığı plazmadakından 3-9 dəfə çox olur. Plazma zülalları ilə birləşməsi 40-70%-dir.
Hidroxlortiazid çox aşağı dərəcədə metabolizə olunur. Hidroxlortiazidin plazmadan xaric olunması iki fazalı xarakter daşıyır: T 1/2
başlanğıc α-fazada 2 saat, terminal β-fazada təxminən 10 saat təşkil edir. Hidroxlortiazid sidiklə xaric olunur (daxilə qəbul olunmuş dozanın 50-75%-i - dəyişilməmiş şəkildə). İstifadəsinə göstərişlər Arterial hipertenziya (kombinəolunmuş terapiya göstəriş olan xəstələrdə).
- preparata, digər AÇF inhibitorlarına və sulfanilamid törəmələrinə qarşı yüksək həssaslıq; - tərkibində aliskiren olan, qan təzyiqini aşağı salan preparatlarla müalicə; - böyrək funksiyalarının pozulması; - ağır böyrək çatışmazlığı (КК <30 ml/dəq); - anuriya; - angionevrotik ödem (o cümlədən anamnezdə AÇF inhibitorlarının istifadəsi nəticəsində yaranan); - yüksək keçiriciliyə malik dializ membranlarının istifadəsi ilə hemodializ; - hiperkalsiemiya; - hiponatriemiya; - porfiriya; - prekoma, qaraciyər koması; - şəkərli diabet (ağır formaları); - 18 yaşa kimi yaş dövrü (istifadəsinin təhlükəsizliyi və effektivliyi müəyyən olunmayıb); - hamiləlik; - laktasiya dövrü (ana südü ilə qidalandırma).
Nəzərə almaq lazımdır ki, AT-nin enməsi diuretiklərlə terapiya, qidada duzun miqdarının azaldılması, dializ, ishal və ya qusma nəticəsində meydana çıxan SQH-nin azalması ilə yaranır. Eyni zamanda xroniki böyrək çatışmazlığı ilə və ya onsuz xroniki ürək çatışmazlığı olan xəstələrdə simptomatik hipotenziya inkişaf edə bilər, hansı ki, daha çox xroniki ürək çatışmazlığının ağır formaları olan xəstələrdə meydana çıxır. Belə xəstələrdə müalicəni həkimin ciddi nəzarəti altında başlamaq lazımdır. Bu cür taktikanı Lizpress tabletlərini ÜİX, serebrovaskulyar çatışmazlığı olan xəstələrə təyin edərkən gözləmək lazımdır, hansılarda ki, AT-nin kəskin enməsi miokard infarktına və ya insulta gətirib çıxara bilər. Müalicəyə başlamazdan əvvəl imkan daxilində natriumun qatılığını normallaşdırmaq və ya itirilmiş mayenin həcmini bərpa etmək, preparatın başlanğıc dozasının xəstəyə təsirinə diqqətlə nəzarət etmək lazımdır. Xroniki ürək çatışmazlığı olan xəstələrdə AÇF inhibitorları ilə müalicəyə başladıqdan sonra AT-nin nəzərə çarpacaq dərəcədə enməsi böyrək funksiyalarının gələcəkdə pisləşməsinə gətirib çıxara bilər. Kəskin böyrək çatışmazlığı halları qeydə alınmışdır. Lizinopril də daxil olmaqla AÇF inhibitorları qəbul etmiş xəstələrdə nadir hallarda üzün, ətrafların, dodaqların, dilin, qırtlaq qapağı və ya qırtlağın angionevrotik ödemi inkişaf edirdi, bununla belə onun inkişafı müalicənin istənilən dövründə baş verə bilər. Belə olan halda müalicəni mümkün qədər tez dayandırmaq və simptomların tam reqressiyasına kimi xəstəni nəzarət altında saxlamaq lazımdır. Lakin, ödemin yalnız üzdə və dodaqlarda baş verdiyi və vəziyyətin müalicəsiz normallaşdığı hallarda antihistamin preparatların təyini mümkündür. Angionevrotik ödem dilə, qırtlaq qapağı və ya qırtlağa yayıldıqda tənəffüs yollarının obstruksiyası baş verə bilər, ona görə də dərhal müvafiq terapiyanı (0.3-0.5 ml epinefrin/adrenalin/ məhlulu 1:1000 nisbətində d/a) və ya tənəffüs yollarının keçiriciliyinin təmini üçün tədbirlər aparmaq lazımdır. Anamnezində öncəki AÇF inhibitorları ilə müalicəylə əlaqədar olmayan angionevrotik ödem olan xəstələrdə AÇF inhibitorları ilə müalicə zamanı onun inkişaf riski yüksələ bilər. Nəzərə almaq lazımdır ki, eyni zamanda AÇF inhibitorları qəbul edən və yüksək keçiriciliyə malik dializ membranlarının istifadəsi ilə aparılan hemodializdə olan xəstələrdə anafilaktik reaksiya inkişaf edə bilər. Belə hallarda dializ üçün digər növ membranlardan və ya digər antihipertenziv preparatlardan istifadənin mümkünlüyünü nəzərdən keçirmək lazımdır. Bəzi hallarda hiperkaliemiya müşahidə olunurdu. Hiperkaliemiyanın inkişafının risk faktorlarına böyrək çatışmazlığı, şəkərli diabet, kalium preparatları və ya xüsusən də pozulmuş böyrək funksiyası olan xəstələrdə kaliumun qanda qatılığının yüksəlməsinə səbəb olan preparatların (məsələn, heparin) qəbulu aiddir.
Simptomatik hipotenziyanın inkişaf riski olan və hiponatriemiyalı və ya onsuz, azduzlu və ya duzsuz pəhrizdə olan xəstələrdə, həmçinin yüksək dozada diuretiklər qəbul etmiş xəstələrdə yuxarıda sadalanan vəziyyətləri (maye və duz itkisi) müalicəyə başlamazdan əvvəl kompensasiya etmək lazımdır. Tiazid diuretiklər qlükozaya qarşı tolerantlığa təsir edə bilər, buna görə də Lizpress tabletləri ilə eyni zamanda qəbul olunan hipoqlikemik preparatların dozasını korreksiya etmək lazımdır. Tiazid diuretiklər kalsiumun sidiklə xaric olunmasını aşağı sala və hiperkalsiemiya yarada bilər. Nəzərə çarpan hiperkalsiemiya gizli hiperparatireozun simptomu ola bilər. Qalxanabənzər ətraf vəzilərin funksiyalarının qiymətləndirilmə sınağı aparılana kimi tiazid diuretikləri ilə müalicəni dayandırmaq məsləhətdir.
səviyyəsinə müntəzəm nəzarət lazımdır. Müalicə dövründə alkoqollu içkilərdən istifadə etmək məsləhət görülmür, belə ki, alkoqol preparatın hipotenziv təsirini gücləndirir. Fiziki məşqlərin icrası zamanı, isti havada ehtiyatlı olmaq lazımdır, belə ki, dehidratasiya və SQH-nin azalması hesabına AT-nin kəskin enməsinin baş vermə riski vardır. Lizpressin yüksək qan təzyiqini müalicə etmək üçün istifadə olunan aşağıdakı preparatlardan hər hansı biri ilə qəbulu zamanı xüsusilə diqqətli olmaq lazımdır: - “angiotenzin II reseptorlarının blokatorları” (ARB) (həmçinin sartanlar kimi tanınan – məsələn: valsartan, telmisartan, irbesartan və s.), xüsusilə, əgər diabetlə əlaqəli böyrək problemləri olarsa; - aliskiren. Böyrək funksiyaları, qan təzyiqi və elektrolitlərin (məsələn: kalium) qanda miqdarı vaxtaşırı yoxlanılmalıdır (həmçinin “Əks göstərişlər” bölməsindəki məlumatlara bax).
tərkibində kalium olan duz əvəzediciləri ilə eyni vaxtda istifadəsi zamanı, xüsusən də böyrək funksiyasının pozulması olan xəstələrdə hiperkaliemiyanın inkişaf riski yüksəlir. Buna görə də, belə kombinasiyanın istifadəsi lazım olduqda qan zərdabında kaliumun və böyrək funksiyalarının nəzarəti göstərişdir. Lizpress tabletlərinin damargenişləndiricilər, barbituratlar, fenotiazinlər, trisiklik antidepressantlar və etanolla eyni vaxtda istifadəsi zamanı antihipertenziv təsirin güclənməsi müşahidə olunur. Lizpress tabletlərinin QSİƏP, estrogenlərlə eyni vaxtda istifadəsi zamanı lizinoprilin antihipertenziv təsiri zəifləyir. Lizpress tabletlərinin litium preparatları ilə eyni vaxtda istifadəsi zamanı litiumun orqanizmdən xaric olunması ləngiyir, bu da litiumun kardiotoksik və neyrotoksik təsirlərinin güclənməsinə gətirib çıxarır. Antasidlər və kolestiraminlə eyni vaxtda istifadəsi zamanı Lizpress tabletlərinin MBT-dən sorulması zəifləyir.
və podaqra əleyhinə vasitələrin təsirini azaldır. Lizpress tabletləri eyni vaxtda istifadə zamanı ürək qlikozidlərinin (əlavə təsirlər daxil olmaqla) və periferik miorelaksantların təsirini gücləndirir. Lizpress tabletləri eyni vaxtda istifadə zamanı xinidinin xaric olunmasını aşağı salır. Eyni vaxtda istifadə zamanı peroral kontraseptivlərin təsirini aşağı salır. Metildopa ilə eyni vaxtda istifadəsi zamanı hemolizin baş vermə riski yüksəlir. Etanol preparatın hipotenziv təsirini gücləndirir. Angiotenzin II reseptorlarının blokatorlarını (ARB) və ya aliskiren qəbul edən pasientlərdə dozanı dəyişmək və/və ya digər ehtiyat tədbirləri görmək lazım ola bilər (həmçinin “Əks göstərişlər” və “Xüsusi göstərişlər” bölməsindəki məlumatlara bax).
Hamiləlik zamanı Lizpress tabletlərinin istifadəsi əks göstərişdir. Hamiləlik baş verdikdə Lizpress tabletləri ilə müalicəni qısa zaman müddətində dayandırmaq lazımdır. AÇF inhibitorlarının hamiləliyin II və III trimestrlərində qəbulu dölə mənfi təsir göstərir (AT-nin kəskin enməsi, böyrək çatışmazlığı, hiperkaliemiya, kəllənin hipoplaziyası, bətndaxili ölüm baş verə bilər). Preparatın hamiləliyin I trimestrində istifadə olunması halında dölə mənfi təsiri haqqında məlumat yoxdur. AÇF inhibitorlarının bətndaxili təsirinə məruz qalmış yenidoğulmuşlar və südəmər uşaqlarda AT-nin nəzərəçarpacaq dərəcədə enməsinin, oliquriyanın, hiperkaliemiyanın vaxtında aşkarlanması üçün hərtərəfli müşahidənin aparılması məsləhət görülür. Lizinoprilin ana südünə keçməsi haqqında məlumat yoxdur, hidroxlortiazid isə ana südünə keçir. Lizpress tabletləri ilə müalicə dövründə ana südü ilə qidalandırmanı dayandırmaq lazımdır.
Müalicə dövründə avtonəqliyyat idarə etməkdən və diqqətin yüksək konsentrasiyasını və psixomotor reaksiyaların tezliyini tələb edən digər potensial təhlükəli fəaliyyət növlərindən uzaq olmaq lazımdır, belə ki, müalicə kursunun xüsusən başlanğıcında başgicəllənmə ola bilər. İstifadə qaydası və dozası Preparat qida qəbulundan asılı olmayaraq, gündə 1 dəfə 1 tablet daxilə qəbul olunur. KK 30 ml/dəq-dən 80 ml/dəq-dək olduqda böyrək çatışmazlığı olan xəstələrə Lizpress tabletlərini ancaq preparatın ayrı-ayrı komponentlərinin dozalarının titrlənməsindən sonra təyin etmək olar. Ağırlaşmamış böyrək çatışmazlığı zamanı lizinoprilin məsləhət olunan başlanğıc dozası gündə 5-10 mq təşkil edir.
hallar daha çox diuretiklərlə əvvəlki müalicə nəticəsində su və elektrolit itkisi olan xəstələrdə müşahidə olunur. Buna görə də diuretiklərin qəbulunu Lizpress tabletləri ilə müalicəyə başlamazdan 2-3 gün əvvəl dayandırmaq lazımdır. Əlavə təsirləri Ürək-damar sisteminə Az rast gələn: yüksək riskə malik xəstələrdə arterial təzyiqin həddindən artıq aşağı düşməsi (hipotoniya) ilə əlaqədar ola bilən miokard infarktı (ürəktutması) və ya insult, tezləşmiş və ya qeyri-müntəzəm ürək vurğuları, damar spazmı nəticəsində əl və ayaq barmaqlarının rənginin dəyişməsi (Reyno sindromu). Həzm sisteminə Çox rast gələn: ishal, qusma. Az rast gələn: ürəkbulanma, qarında ağrılar, həzmin pozulması, qaraciyər göstəricilərinin yüksəlməsi, ağız suyu vəzilərinin iltihabı, iştahanın itməsi, susuzluq. Nadir hallarda: qıcıqlanmış mədə, qəbizlik. Çox nadir hallarda: bağırsağın selikli qişasının ödemi, mədəaltı vəzinin iltihabı (pankreatit), qaraciyərin iltihabı (hepatit), qaraciyər çatışmazlığı, sarılıq.
Çox rast gələn: başgicəllənmə, bayılma, baş ağrıları. Az rast gələn: əhvalın dəyişməsi, depressiya, keyləşmə, iynə batma və ya yanma hissi (paresteziya) kimi sensor pozğunluqlar, dadbilmə pozğunluqları, yuxu pozğunluqları. Nadir hallarda: huşun qarışması, narahatlıq, sarı görmə (ksantopsiya), keçici görmə pozğunluqları, həyəcan.
Çox rast gələn: quru öskürək. Az rast gələn: burun tutulması. Çox nadir hallarda: bronxospazm, burunətrafı ciblərin iltihabı (sinusit), ağciyərlərdə alveolların allergik iltihabı (allergik alveolit), ağciyərlərdə ağ qan hüceyrələrinin toplanması (eozinofil pnevmoniyası), ağciyərlərin iltihabı (pnevmoniya) və ya ağciyərlərdə su toplanması (ağciyərlərin ödemi) da daxil olmaqla tənəffüs pozğunluqları. Dermatoloji reaksiyalar Az rast gələn: dəri səpgisi. Nadir hallarda: saçların tökülməsi, övrə, tərləmənin çoxalması, qaşınma, psoriaz (qırmızı ləkələr və dəri iltihablanması olan dəri xəstəliyi), psoriazabənzər dəri səpgiləri. Çox nadir hallarda: qovuqca (suluqların əmələ gəlməsi və dəridə açıq yaralar olan autoimmun xəstəlik), Stivens-Conson sindromu (dərinin qabıqlanması ilə gedən ciddi dəri xəstəliyi), çoxformalı eritema (solğun qırmızı, qaşınan ləkəli dəri xəstəliyi), kiçik və ya böyük ölçülü dərialtı qansızmalar (purpura).
Nadir hallarda: anemiya, sümük iliyinin funksiyasının zəifləməsi, qanda hemoqlobinin və hematokritin aşağı düşməsi, qan damarlarının iltihabı (angiit/vaskulit, hansılar ki, toxumanın ölümünə (nekroz) gətirib çıxara bilər).
Çox nadir hallarda: trombositlərin çatışmazlığı, leykopeniya, aqranulositoz, limfa düyünlərinin böyüməsi (limfadenopatiya, dəri psevdolimfoması). Sidik-cinsiyyət sisteminə Çox rast gələn: kəskin böyrək çatışmazlığı. Az rast gələn: impotensiya. Çox az rast gələn: böyrəklərin iltihabı (interstisial nefrit), böyrəklərdən sidiyin xaric olunmasının azalması və ya olmaması (müvafiq olaraq, oliquriya və anuriya).
Nadir hallarda: angionevrotik ödem, qızartı və suluqlar əmələ gələn ağır dəri reaksiyaları (yanmış dəri simptomları). Çox nadir hallarda: autoimmun xəstəliklər. Laborator göstəricilər Çox rast gələn: qanda sidik turşusunun artması, qanda qlükozanın, sidikdə şəkərin artması, qanda lipidlərin artması (xolesterin və/və ya triqliseridlərin). Az rast gələn: qanda kaliumun artması, böyrək çatışmazlığının əlaməti kimi sidik cövhəri, kreatininin artması. Nadir hallarda: qanda natriumun azalması, qanda bilirubinin artması, uremiya (böyrək çatışmazlığı ilə əlaqədar qanda sidik cövhərinin artması nəticəsində yaranan zəhərlənmə növü). Çox nadir hallarda: qanda xloridlərin azalması, qanda maqneziumun azalması, qanda qlükozanın səviyyəsinin azalması, qanda kalsiumun artması. Maddələr mübadiləsinə Çox rast gələn: mineral mübadiləsinin pozğunluqları (məsələn, qanda natrium və ya kalium səviyyəsinin azalması), podaqra. Çox nadir hallarda: metabolik alkaloz, orqanizmin maye itirməsi (dehidratasiya). Sümük-əzələ sisteminə Çox rast gələn: əzələ qıcolmaları. Digər Nadir hallarda: qızdırma, gün işığına qarşı yüksək həssaslıq (fotohəssaslıq), ginekomastiya.
qəbizlik, narahatlıq, yüksəlmiş qıcıqlanma. Müalicəsi: dehidratasiyanın korreksiyası (mayelərin yeridilməsi) və su-duz balansının pozğunluqlarına yönəldilmiş simptomatik terapiya, mayelərin v/d yeridilməsi, AT-nin nəzarəti aparılır. Qan zərdabında sidik cövhərinin, kreatininin və elektrolitlərin, həmçinin diurezin nəzarətini aparmaq lazımdır.
10 tablet PVX/Al blisterdə. 2 blister içlik vərəqə ilə birlikdə karton qutuya qablaşdırılır.
25ºС-dən yuxarı olmayan temperaturda, orijinal qablaşdırmada saxlamaq lazımdır. Uşaqların əli çatmayan yerdə saxlamaq lazımdır.
3 il. Qablaşdırmanın üzərində göstərilən yararlılıq müddəti bitdikdən sonra istifadə etmək olmaz. Aptekdən buraxılma şərti Resept əsasında buraxılır.
Genericon Pharma Gesellschaft m.b.H. A-8054, Qras, Avstriya E-mail: genericon@genericon.at
Azərbaycanda rəsmi distribyutor «TETRADA» MMC-dir. AZ1102, 20Yanvar küçəsi,14; Bakı, Azərbaycan Теl.: (+994 12) 431-59-24, 431-05-41 Faks: (+994 12) 430-80-51 Е-mail: info@tetrada-az.com www.tetrada-az.com Yüklə 219,14 Kb. Dostları ilə paylaş:
|