Chunon az po fikand iliruzam on raftoru qomat ham,
Ki, fardo bar namexizam, balki fardoyi qiyomat ham14.
(ya’ni: bugun ul xushraftor va xushqanot meni shunchalik oyoqdan qoldirdi, ertaga, balki qiyomat ertasiga ham o’rnimdan tura olmasman.)
Mavlono Sayfiy – buxorolik, shoir, adabiyotshunos (vafoti: 1503) Buxoro va Hirotda tahsil olgan. Uning ikki devoni va “Risolai aruz”, “Risolai musiqiy” asarlari bor. Birinchi risolasida she’r va shoirlik, aruz qoidalari, bahr va doiralari sodda va ravon til hamda uslubda bayon etilgan. Xondamir Sayfiy 3 yil shahzoda Boysung’ur Mirzo xizmatida bo’lgani, uning vafotidan so’ng esa Buxoroga qaytgani haqida yozadi.
“Majolis”ning bu uchinchi majlisida hunarmandlar, hattotlar ham zikr etilgan. Xususan, Moniy Kosagar chinni yasagan va inisi uni naqshlagani aytilib, Navoiy “Chin va Xitoda andoq qila olmaslar” deb maqtaydi.
Dostları ilə paylaş: |
