Mantiq ilmining predmeti, asosiy qonunlari. Tushuncha tafakkur shakli sifatida

Tafakkurning asosiy shakllari. Tafakkur uch xil: tushuncha, hukm va xulosa chiqarish shaklida mavjud. Tafakkur shakli fikr mazmunini tashkil etuvchi elementlarning bog‘lanish usuli, uning strukturasidir. Fikrlash elementlari esa predmetning fikrda ifoda qilingan belgilari haqidagi axborotlardir.
Tushuncha – predmet va hodisalarning umumiy, muhim belgilarini yaxlit holda aks ettiruvchi tafakkur shakli. Masalan, «davlat» tushunchasida o‘z maydoni, axolisi, boshqaruv vositalariga ega siyo­siy tashkilot aks ettiriladi. Agar tushuncha aks ettirayotgan predmetni («davlat») A bilan, unda fikr qilinayotgan muhim belgilarni («o‘z maydoniga egaligi», «axolisining mavjudligi», «boshqaruv vositalariga egaligi», «siyosiy tashkilotdan iboratligi»), ya’ni fikrlash elementlarini a, v, s,..., p bilan belgilasak, tushunchaning mantiqiy strukturasini A (a, v, s,..., p) shaklida simvolik tarzda ifodalash mumkin.
Hukm – predmet va hodisalarga ma’lum bir belgining xosligi yoki xos emasligini ifodalovchi tafakkur shakli. Hukmlar tasdiq yoki inkor shaklda ifoda etiladi. Masalan «Temir-metall» degan hukmda predmet (temir) bilan uning xossasi (metall ekanligi) o‘rtasidagi munosabat qayd etilgan. Predmet haqidagi tushuncha (S) bilan predmet belgisi haqidagi tushuncha (R) o‘rtasidagi munosabat, ya’ni R ning Sga xosligi tasdiqlangan. Umumiy holda hukmning mantiqiy strukturasini S-P formulasi yordamida ifoda etish mumkin.
Aristotel hukmni apofansis deb ataydi. Hukm biror narsaga nimaningdir taalluqli yoki taalluqli emasligi haqida bayon qilingan fikr bo‘lib, u chin yoki yolg‘on bulishi mumkin. Xar kanday gap xam hukm bo‘la olmaydi. Faqat qat’iy fikrlargina hukm hisoblanadi. Aristotel hukmni mantiqiy ega, mantiqiy kesim va mantiqiy bog‘lovchilardan iborat bo‘ladi, deb ko‘rsatadi. S-P yoki S-P emas.
Xulosa chiqarish – bir va undan ortiq chin mulohazalarni keltirib chiqarishdan iborat tafakkur shakli. Xulosa chiqarishda ham yuqoridagiga o‘xshash xollarni kuzatish mumkin. Masalan,

Daraxt - o‘simlik Terak – daraxt Terak - o‘simlik

Har bir ximiyaviy element o‘z atom og‘irligiga ega Mis - ximiyaviy element Mis o‘z atom og‘irligiga ega.

Misollardan tafakkur shaklining o‘ziga xos qonuniyatlarga egaligi ma’lum bo‘ldi.
Tushuncha, hukm va xulosa chiqarish tafakkurning universal shakllari, uning asosiy strukturaviy elementlari hisoblanadi. Muhokama yuritish shu va boshqa mantiqiy strukturalar (masalan, muammo, gipoteza, nazariya, g‘oya,argumentlash)da amalga oshadi.
Muhokama yuritishda ishonchli natijalarga erishishning zaruriy shartlariga fikrning chin bo‘lishi va formal jihatdan to‘g‘ri qurilishi kiradi. CHin fikr deb, o‘zi ifoda qilayotgan predmetga muvofiq keluvchi fikrga aytiladi (Ma­salan, «Temir-metall»). Xato fikr predmetga mos kelmaydigan fikrdir (masalan, «Temir-metall emas»). Fikrning chin yoki xato bo‘lishi uning mazmuniga tegishli xususiyatlaridir.
Aristotel mantiqiy ta’limotida xulosa chikarish etakchi o‘rinni egallaydi. U tushuncha va hukmni xulosa chikarishning tarkibiy kismlari sifatida tahlil kiladi. Uningcha, hukm diayrezis – aqliy analizning natijasidir.
Hozirgi paytda mantiq ilmining formal mantiq, dialektik mantiq va matematik mantiq kabi yo‘nalishlari farqlanadi. Formal mantiq, tafakkur strukturasini fikrning konkret mazmuni va taraqqiyotidan chetlashgan holda, nisbatan mustaqil o‘rganadi. Asosan muhokamani to‘g‘ri qurish bilan bog‘liq qoida va mantiqiy amallarga e’tibor qaratadi. O‘zining maxsus formallashgan tiliga, metod va usullariga, konseptual vositalariga ega. Falsafa, psixologiya, fiziologiya bilan hamkorlik qiladi hamda ilmiy bilimlar sistemasida o‘zining munosib o‘rniga ega