Markaziy osiyoning jahon

---

Analysis of world scientific views International Scientific Journal 
2023 
Vol1 Issue 8 
 
IF(Impact Factor)8.2 / 2023
 
https://academics.uz/index.php/awsit
140 
MARKAZIY OSIYONING JAHON 
GOESIYOSATIDA TUTGAN O‘RNI 
G‘aybullayev O‘rozali Alisher O‘g‘li, 
Guliston davlat pedagogika instituti, 
Milliy g‘oya,ma’naviyat asoslari va huquq ta’limi yo‘nalishi 2-bosqich 
talabasi 

Annotatsiya:
Ushbu maqolada Markaziy Osiyo davlatlarining geosiyosiy 
maydondagi o‘rni va ahamiyati haqida ma’lumotlar beriladi. Mintaqa uzoq 
yillardan buyon katta davlatlarning e’tibor markazida. Buning salbiy va ijobiy 
tomonlari ham bor. Bu mintaqa jahon uchun qanchalik muhim ahamiyat kasb etishi 
haqida aytib o‘tiladi. 
Kalit so‘zlar:
sivilizatsiya, geosiyosat, O‘rta Osiyo, Markaziy Osiyo, tarix, 
“katta o‘yin”, konferensiya, strategiya.
Bizning mintaqamiz uzoq, mingyillik tarixiy davrga borib taqaladi. Bizning 
mintaqamizdagi dastlabki sivilizatsiyalar bundan 5000 yillar oldin paydo bo‘lgan. 
Hududimiz azaldan serunum tupro‘gi, mo‘tadil havosi, to‘lib oqqan daryolari va 
albatta tabiiy boyliklari bilan alohida ajralib turgan. Tarixiy bosqichlar davrida 
hududimiz ko‘p sulola-yu davlatlarning e’tiboridan chetda qolmagan va bu 
hozirgacha davom etib kelayapti.
“Markaziy Osiyo” atamasi birinchi marta taniqli nemis olimi, geograf 
Aleksandr fon Gumboldt tomonidan 1843-yilda Parijda nashr etilgan uch jildli 
“Markaziy Osiyo. Tog‘ tizmalarini tadqiq qilsh va iqlimlarni taqqoslash” [1] 
asarida qo‘llanilgan edi. Unda olim ichki sug‘orish sistemasini va tog‘ tizmalarini 
o‘rganib, Markaziy Osiyoni alohida, o‘ziga xos mintaqa sifatida ajratdi”. Balki ana 
shundan keyin bizning mintaqamizga qiziqish ortgandir. To‘g‘ri, axir “Katta o‘yin” 
ham aynan o‘sha davrlarda bo‘lib o‘tgan va bu ancha og‘ir ziddiyatlarni keltirib 
chiqargan. 

---