7.2-rasm. Ko‘p parrakli kirib-kesuvchi IR va IRG turidagi burg‘i. (Azinmash konstruksiyasi) a – gidromonitor tarmoqli; b – oddiy yuviladigan (IR)
7.3 – rasm. Parrakli burg‘ilar.
Ko‘p parrakli (olti parrakli) va IR hamda IRG turidagi burg‘ilar yumshoq jinslar va o‘rta qattiqlikdagi jinslarni burg‘ilashga mo‘ljallangan. Bu burg‘ilarga uchta parrak meyoriy balandlikka ega, uchtasi esa qisqartirilgan. Meyordagi va qisqartirilgan parraklar navbati bilan joylashtirilgan.
Ikki parrakli va uch parrakli burg‘ilardagi ishchi elementlarning yemirilishini oldini olish uchun ularning kesuvchi tishlari va yon burchaklari qattiq qo‘ymalar – pobedit plastinkasi va relit qobig‘i bilan mustahkamlangan.
IR va IRG turidagi burg‘ilarning ishchi elementlari qattiq qo‘yma tishlar bilan, ularning oralig‘i esa relit bilan mustahkamlangan.
O‘zbekistonda va xorijda neft va gaz quduqlarini burg‘ilashning asosiy hajmi sharoshkali burg‘ilar bilan amalga oshiriladi. Sharoshkali burg‘ilar quyidagi turlarda ishlab chiqariladi: 1) bir sharoshkali (7-rasm, a); 2) ikki sharoshkali (7-rasm,b); 3) uch sharoshkali (7-rasm, v). Sharoshkali burg‘ilar GOST 20692 – 75 bo‘yicha ishlab chiqariladi.
GOST 20692 – 75 bir qancha turdagi sharoshkali burg‘ilar va qo‘llanish sharoiti turlicha bo‘lgan, hamda yuvish teshiklarining joylashishi va konstruksiyasi hamda sharoshkalarining tayanchlari turlicha bo‘lgan burg‘ilar (1 -jadval) ishlab chiqarishni yo‘lga qo‘yilgan.
