Matematika o‘qituvchilar uchun metodik qo‘llanma Yangi nashr
Yüklə 29,85 Kb. Pdf görüntüsü
|
|
D
5 Ushbu o‘qituvchilar uchun 2-sinf matematika fanidan metodik qo‘llan - mada darslikda mavjud bo‘lgan mavzularning maqsadlari, topshiriqlarni bajarish usullari, har bir topshiriq yuzasidan o‘quvchilarga berilishi kerak bo‘lgan turli savollar keltirilgan. Metodik qo‘llanmada dars maqsadini “2-sinf o‘quvchilariga matemati - ka fanidan qo‘yilgan talablar”dan kelib chiqib belgiladik. O‘qituvchilar dars so‘ngida belgilab qo‘yilgan maqsadga erishishlari kerak. Har bir bob so‘ngida o‘tilgan mavzular bo‘yicha “Nazorat ishi” materialla- ridan namuna keltirilgan. Shuningdek, har bir nazorat ishidan keyin xatolar ustida ishlash mavzusi o‘qituvchining ijodiy faoliyatidan kelib chiqqan holda mustaqil ishlash imkoniyatini yaratadi. O‘qituvchi xatolar ustida ishlash darsi- da nazorat ishi natijalariga ko‘ra o‘quvchilarda mavzular bo‘yicha aniqlangan bo‘shliqlarni bartaraf etish maqsadida xatolarni tushuntiradi, o‘quvchilar esa nazorat ishida berilgan topshiriqlarga o‘xshash topshiriqlarni bajaradi va xu - losalar chiqaradi. Darslik oxirida qo‘shimcha o‘rganish uchun tavsiya sifatida “Qiziqarli va mantiqiy topshiriqlar” keltirilgan. Ulardan mavzuni o‘zlashtirishda yax- shi natijalarga erishayotgan o‘quvchilar bilan ishlashda foydalanish yoki o‘quvchilarning fanga bo‘lgan qiziqishlarini oshirish uchun ham foydala - nish mumkin. Shunda o‘quvchilar asosiy tushunchani mustahkamlagandan so‘ng qiziqarli topshiriqlar kutishadi. Bu topshiriqlarni o‘quv yili yoki dars so‘ngida emas, balki dars jarayonida barcha o‘quvchilarga muammo sifatida taqdim etish orqali o‘quvchilarning o‘ziga bo‘lgan ishonchini, do‘stona ham- korlikni his qilishiga imkoniyat yaratiladi hamda bu ularga ishonch va shijoat bag‘ishlaydi. 2-sinflar uchun “Matematika” darsligi, mashq daftari va metodik qo‘llan - malarning yaratilishida bildirgan taklif va mulohazalari, beminnat ko‘maklari uchun UNICEFning O‘zbekistondagi vakolatxonasi, O‘zbekiston Respublika - si Fanlar akademiyasi V. I. Romanovskiy nomidagi matematika institutiga minnatdorchilik bildiramiz. @edurtm_uz |