Mavzuga oid tayanch tushunchalar:narsalar, tovushlar va harakatlarni sanash Soatlar soni: 1 soat
Mavzuning qisqacha mazmuni: 60+40, 90-50 ko'rinishidagi misol va masalalarni yechish. geometrik shakllar haqidagi bilimlarni mustahkamlash.
O’quv jarayonini amalga oshirish texnologiyasi: Metod:suhbat, tushuntirish,”Savol-javob” metodi,”Rasmli boshqotirma”, “To’g’risini tez top” Shakl:jamoa,guruhda ishlash,hamma o’zi uchun. Jihoz: Darslik, tarqatma materiallar, mavzuga oid rasmlar. Nazorat: Og'zaki nazorat, savol-javob, kuzatish, o'z-o'zini nazorat qilish. Baholash: O'quvchilar bilimi 5 ballik reyting tizimida baholanadi.
Darsning maqsadi
Maqsadlar: Ta'limiy: O'quvchilarning 60+40, 90-50 ko'rinishidagi misol va masalalarni yechish hamda geometrik shakllar bo'yicha 1-sinfda olgan bilim, ko'nikma va malakalarini mustahkamlash. Tarbiyaviy: O'quvchilarning matematikaga bo'lgan qiziqishlarini yanada oshirish, ularda bu fan orqali atrofdagi har bir narsani qadrlash, unga mehr bilan yondoshish hamda darsda ahillik, birodariik bilan ishlash kabi xislatlarni tarbiyalash. Rivojlantiruvchi: Matematik topshiriqlarni bajarish orqali o'quvchilarning mustaqil va mantiqiy fikrlash qobiliyatlarini rivojlantirish. Tayanch kompetensiyalar: Axborot bilan ishlash kompetensiya elementi:mavzu doirasida ko’rsatilgan multimedia ilovalariga ongli munosabat bildirish. Fanga oid kompetensiyalar: Har bir o'quvchining 60+40, 90-50 ko'rinishidagi misol va masalalarni yechish. geometrik shakllar bo'yicha 1-sinfda olgan bilim, ko'nikma va malakalari mustahkamlanadi.
