Mavzu 15 Technika sohasidagi tadqiqotlar axborot resurslari

2 moduli. Ayrim tarmoqlar va fanlarning axborot resurslari
Mavzu 7. Birlamchi hujjatlar oqimining strukturaviy xususiyatlari
Oqimdagi hujjatlarning о‘zaro aloqasi. Oqimlarni tashkil qilish usuli sifatida elementlar о‘rtasidagi aloqa qonuni. Tuzilmaning umumiy tamoyillari, tarkibiy tuzilmalarni о‘rganish qoidalari. Kontent tuzilishi hujjat oqimi elementlari va bir jildli hujjatlarning tarqalishining miqdoriy xususiyatlari о‘rtasidagi semantik bog‘liqlik sifatida. Sanoat komplekslari va alohida tarmoqlarning hujjat oqimlarining tarkibiy tuzilmasining xususiyatlari. Hujjat oqimining turlari: hujjat oqimidagi muayyan turdagi hujjatlarning tarqalishi va vazifalari; hujjat oqimidagi har bir komponentning tarqalishining miqdoriy xususiyatlari
Kishilar insoniyat bilimini saqlab qolish, tarqatish va rivojlantirish imkoniyatiga ega bо‘lgan vositani – yozuvni, qо‘lyozma kitobni yaratdilar. Birinchi qо‘lyozma kitob va uning kitobxonlarini paydo bо‘lishi hujjatlar kommunikatsiyasi (aloqa yо‘llari) tizimining paydo bо‘lishini anglatadi.
Ammo qо‘lyozma kitob о‘zining noyobligi, ulkan moddiy qimmati va yetib borishi qiyin bо‘lganligi tufayli juda cheklangan holda bilim manbai vazifasini bajarar edi, xolos.
Kitob ishlab chiqarish va tarqatish usulini tubdan о‘zgartirish zarur edi. Bu о‘zgarishni kitob bosish ishi, ya’ni bosma kitobning yaratilishi kiritdi. Bosma kitobning vujudga kelishi ijtimoiy hayotning taqozosi edi.
Qо‘lyozma kitob, keyinchalik bosma kitob vujudga kelmaganda asrlar osha yig‘ilib borilgan moddiy boyliklar bizgacha yetib kelmagan bо‘lar edi. Bosma kitobning yaratilishi “kitob-kitobxon” tizimini vujudga keltirdi, ular hujjatlar aloqa yо‘llari tizimida bosh rolni egalladi. Lekin shuning bilan birga sotsial axborotni о‘zida aks ettirib boruvchi, turli usulda qayta ishlash, saqlash va tarqatish vositalari ham yaratila bordi. Natijada hujjatlar va axborot iste’molchilari muloqoti tizimida ularning asl xilma-xilligi ortadi. Hozirda bu tizim inson faoliyatining keng kо‘lamdagi, favqulodda murakkab tuzilishga ega bо‘lgan, keng tarqalgan va tabaqalashgan sohasi hisoblanadi. Uni kо‘rib chiqish uchun u bilan bog‘liq bо‘lgan asosiy tushunchalarning ta’rifini keltirish zarur.