Umuman olganda, o'quv jarayoni mutaxassis faoliyatining ko'zgudagi aks tasviridek bo'lishi lozim. Ularning muvofiqlik darajasi mutaxassis tayyorlashning sifatini belgilaydl
6. Boshqariluvchanlik tamoyili. Pedagogik texnologiya o'qitishning rejalashtirilgan natijalariga erishishni kafolatlaydi. Bunga faqat o'quv jarayoni boshqariladigan taqdirdagina erishish mumkin. Boshqariluvchanlik tamoyilining ahamiyati shu bilan belgilanadi. Boshqarish - jarayonni rejalashtirilgan maromda amalga oshirish, o'qitish maqsadlariga erishish dasturini ro'yobga chiqarish uchun xizmat qiladi. Mazkur tamoyil o'qitishning joriy natijalarini aniqlashda ko'p bosqichli diagnostik (tashxisiy) tekshiruvlar o'tkazilishni nazarda tutadi. Butun o'qitish davrida o'qitish jarayonini boshqarish diagnostik testlar oyrdamida olingan natijalarni inobatga olgan holda amalga oshiriladi. O'qitish jarayonida diagnostik testlardan foydalanish teskari aloqani ta'minlaydi. Teskari aloqa natijalarining tahlili, ko'zlangan natijaga erishish uchun vositalar va uslublarni o'zgartirish orqali o'qitish jarayonini boshqarish imkoniyatini beradi. Boshqarilish tamoyili, o'qitish jarayonini, va shu bilan birga uning natijalariga muntazam ravishda tuzatishlar kiritish imkoniyatini beradi.
O'qitish jarayonini sifatli boshqarish rejalashtirilgan natijalarga erishishning kafolatidir.
